كورد و نەبوونی مەرجەعی ئاینی ونەتەوەیی

دانا نه‌قی‌ - 21-11-2018 - 2234 جار خوێندراوەتەوە

گومانی تێدانییە هەموو گەل و نەتەوەیەك لەپاڵ بوونی زماندا لەبنەڕەتدا گرنگ و پێویستە خاوەنی مەرجەعێكی ئاینی و نەتەوەیی دیاری كراوبێت، چونكە دواجار لەكاتی بوونی كێشەو جەنگ و قەیراندا هەر ئەم مەرجەعانەن بڕیاری كۆتایی و یەكلاكەرەوەی كێشەو گرفتەكان دەردەكات بەجۆرێك هیچ كەس و تاك و لایەن و حیزبێكی دیاریكراوی ناو ئەوكۆمەڵگایە ناتوانن پێچەوانەی بڕیارەكانی ئەم مەرجەعانە ببنەوەو گۆێڕایەڵی بڕیارەكانیان نەبن، ئەمەش تاڕادەیەكی زۆر گرێ كوێرەكانی نێو خودی گەلێك بەهەموو كایەكانییەوە چارەدەكات، بۆ نموونە لەدوای شۆرشی ١٩٧٩ ی ئێرانەوە شیعەكان بوونە خاوەنی مەزهەبێكی بەهێز و گرنگی تایبەت بەخۆیان تا ئەو ڕادەیەی لەتەواوی دنیادا شیعە مەزهەبەكان یەك دین و بەرنامە و پەیڕەوو پرۆگرام پەیڕەو دەكەن.

ئەوەی گرنگە لێرەدا باس بكرێت دروست بوونی رێكخراوی تیرۆریستی داعشە لەناوچەكەدا كەدەبینین و دەبیستین لێرەو لەوێ لەنەتەوەو زمان و دەوڵەتەجیاوازەكانی تەواوی دنیاوە پەیوەندییان پێوەدەكرێت، لەناو نەتەوەی كوردیشدا ئەم دیاردەیە هەیەو گومانی تیادا نییە چەندین كەسی ئەم نەتەوەیە تائێستاشی لەگەڵدابێت لەنێو ئەم رێكخراوە تیرۆریستییەدا بوونیان هەیە، ئەگەر چی تەواوی پێكهاتەكانی كۆمەڵگای كوردی هەر لەحیزب و لایەنە سیاسییەكانی ئەم نەتەوەو بگرە تادەگات بەتاك بەتاكی كورد بەگشتی ئەم رێكخراوە تیرۆریستییەو كارەكانیان رەتكردۆتەوە و لەلای حیزبە عیلمانییەكان بەمیكرۆبی كۆمەڵگا و دژی پرنسیپ و یاساكانی مرۆڤایەتی پێناسەكراون و لای حیزبە ئیسلامییەكانیش بەدەرچوو لەدین و پێچەوانە جوڵانەوەیان لەگەڵ دینی ئیسلام ناسێنراون، بەڵام چونكە لەئیستادا نەتەوەی كورد خاوەنی مەرجەعێكی ئاینی و نەتەوەیی گەورە نییە لەگەڵ ئەو هەموو فتوایانەی كەلەلایەن تەواوی لایەنەكانی  كوردەوە دژی داعش دەردەچن لێرەولەوێ بەداخەوە دەبیستین و دەبینین تاكی كورد پەیوەندی دەكەن بەم گرووپەوەو لەپەیوەنیدان، بەڵام هەرگیز نایبینین و نایبیستین شیعە مەزهەبێك نەك هەر پەیوەندی بەم رێكخراوەتیرۆریستییەوە ناكات بەڵكو خوێندنەوەیەكی تەندروست و باشیش بۆ خودی ئەم ریكخراوە ناكەن ئەوەش كە دەوری لەچەسپاندنی ئەم بڕیارەدا هەیە من وای بۆدەچم ئەو مەرجەعە ئاینییەیە كە شیعە مەزهەبەكان لەكاتی بوونی هەر كێشەو گرفتیكی لەم جۆرەدا بۆی دەگەڕێنەوەو لەوێوە بڕیارو راسپاردەكانی ئەم مەرجەعە دەكەنە بڕیاری كۆتاییان...


ئەم وتارە دەربڕی رای نوسەر خۆیەتی و خەندان لێی بەرپرسیار نییە

Copyright © 2016 Xendan.org all rights reserved

designed and developed by AVESTA GROUP