لەمەولەوییەوە بۆ موتەنەبی

دەلیل جەمال - 20-10-2018 - 7599 جار خوێندراوەتەوە


ڕۆشتن بەشەقام و بۆناوخەڵک و تێکەڵ بوون ،سروشتی مرۆڤە کارێکی ئاساییە بۆهەرمرۆڤێک بەڵام کاتێک سەرکردەو سەرۆکی وڵاتێک ئەم کارەدەکات و دەچێتە سەرشەقام و بەناو ئاپۆڕای خەڵکا تەریب بەهاوڵاتی هەنگاودەنێت، ئەمەش ئاساییە و ڕووداوێکی نامۆو سەرنج ڕاکێش نییە لەجیهاندا،

بەڵام کەی و بۆ دەبێتە جێی باس و سەرنج و چاوی جیهان بۆ خۆی ڕادەکێشێت؟
دیارە ئەوکاتەیە کە نەشەقام و نەهاوڵاتی نەیان دیبێت حاڵەتی لەوجۆرە .عێراق کەوڵاتێکە دوای ڕووخانی ڕژێمی سەدام ئارام نییە نەک بۆ سەرۆک و سەرکردەو بەرپرسان بەڵاک و بۆهاوڵاتییەکانیش ئارام نییە.

عێراق ئێستا خاوەنی سەرۆکێکی جوداو جیاوازە، لەدەرەوەی شەڕی مەزهەبی و لەدەرەوەی ململانێی گروپ و تاقمە، عێراق خاوەنی سەرۆکێکی مەدەنی و تەکنۆکراتە
بەرهەم ساڵح کە ئێستا سەرۆککۆماری عێراقە لەدەرەوەی مانۆڕی نمایشی تەقلیدی و خۆنواندنە،

سەردانی ئەم سەرۆکە بۆ ناو شەقامی موتەنەبی و چونە ناوخەڵک دوو ئاراستەی هەیە..
۱-ئەوەی سەلماند بەرهەم ساڵح هاوڵاتییەکی ئەم وڵاتەیەو بەشێکە لەو شەقام و ڕێگایەی هاوڵاتی پێدا دەڕوات، سەرۆک بەشێکە لەهاوڵاتییەکانی هەربۆیە ئەوەی سەرۆک و عێراق دەپارێزێت هاوڵاتییەکانییەتی

۲-پەیامێکی تری بەرهەم ساڵح شکانی ئەو تەلیسمە بوو یان ئەو دیوارە بوو لەنێوان هاوڵاتی و ناوچەی سەوز کە پێدەچێت ئەمە سەرەتایەک بێت بۆ چونە ناوەوەی هاوڵاتی بۆناوچەی سەوز،، سەرۆک چووەناوچەی خەڵک پێویستە خەڵکیش بچێتە ناوچەی سەرۆک

بۆبەرهەم سەڵح هەنگاوی یەکەمی نییە، جادەی مەولەوی ئەو شەقامەی جارجار بەرهەم ساڵح سەردانی دەکردو پێیدا پیاسەی دەکرد و لەگەڵ خەڵک تێکەڵ دەبوو،
ئەمەش بەواتای ئەوەی جادەی مەولەوی لەسلێمانی و جادەی موتەنەبی لەبەغدا بۆ سەرۆککۆمار یەک شتە سەرۆکی تەواوی هاوڵاتی عێراقە هەروەک چۆن بەئازادی و بێ ترس بە مەولەویدا دەڕوات بەهەمان بیرو ئیرادەوە دەچێتە شەقامی موتەنەبی لەبەغدا.

ئەم هەنگاوە هەنگاوێکی جەوهەری و پەیامێکە ، کە عێراق لەقۆناغی ئارامیدایە عێراق دەبێتە عێراقی هاوڵاتیەکانی، ئەم سەردانەی سەرۆکی عێراق پەیامی ئاشتەوایی سیاسی و کۆمەڵایەتییە، پەیامێکە بۆ گەڕانەوەی متمانە لەنێوان خەڵک و دەسەڵاتدا، کرانەوەی دیوە ڕاستەکەی دەسەڵاتە لەنێوان خەڵک و حوکمەتدا.

پەیامێکی ڕونیشە بۆ تیرۆر کەعێراق عێراقێکی بەهێزە .پێموایە سەرۆککۆمار لەم سەردانەی چەندین پەیامی نارد بۆ عێراق و دەورووبەر لەم سات و کاتەدا،جەوهەری سەردانەکەیمەسجێکە بۆ عێراقێک کە ئاشتەوایی و خزمەتەو هاوڵاتی دەبێتەوە سەنتەر
لەدیوێکی ترەوە بەستنەوەی مەولەوی کورد بە موتەنەبی عەرب وەک دوو ڕۆشنبیرو شاعیری گەورەی عێراق و هەردوکیان سەرمایەی مەعریفی و ئەدەبی عێراقن.

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP