بۆدەنگ ئەدەین بەیەکێتی.؟

دەلیل جەمال - 27-09-2018 - 35269 جار خوێندراوەتەوە


مەرجنییە ئەم نوسینە پاساو بێت بۆ باش بوونی دۆخی هەرێم لەڕابردوودا، بەڵکو نوسینەکە بۆ ئایندەی هەرێمە، هەروەک دەنگدان بۆ چوارساڵی ئایندەیە نەک ڕابردوو، مادام هەموان کۆکین لەسەر ئەوەی بەدیلی هەڵبژاردن هەر هەڵبژاردنە.
وێڕای قسەو مەتنی جدی لەسەر پرۆسەکە،زەرورەتە لەپێناوی هاوسەنگی هێزو کۆبەندی و هاوبەشکاری و گەڕانەوەی ئارامی چ لەکایەی سیاسی و ئیداری و ئابووریدا، دەنگ بەیەکێتی بدەین.

وەک یەکێک لەجەمسەرەکانی حوکمڕانی، هەرچەندن لەقۆناغی ڕابردوودا لەهەناوی ئەم هێزەوە چەند هێزێک لەدایک بوو، کەمن هەوڵ و کایەی سیاسییان نادیدەناگرم و وەناشبێت نادیدە بگیرێت، کەهەوڵی جدی بوون بۆ چاکسازی جدی و حوکمێکی ڕەشید، ئەمە وێڕای گرفتەناوخۆییەکان،

بەڵام لایەنێکی دیکەی ئەم هێزانە پەرتەوازەبوونی قەڵمڕەوییەک و کەرت کەرت بوونی تواناو هێزی مەعنەوی بووە بەرانبەر قوتب و جەمسەرەکەی دیکەی حوکمڕان کەپارتی بووە. بەداخیشەوە پارتی ئیسارەی ئەم پەرت بوونەی کردووەو ،نەی هێشتووە جوگرافیاکەی خۆی تێپەڕێنێت، خۆ هەڵەش و نەنگی نیە، هەوڵی جدی بدەی بۆگەڕانەوەی قورسایی هێزو تواناکان لەچوارچێوەی یەکێتییەک کەدەکرێت دووبارە هەوڵی تێدابدەیتەوە، بۆئەوەی بگەڕێتەوە سەرشاڕێی خۆی و ببێتەوە جەمسەرێکی باش بۆ خزمەت و حوکمڕانییەکی ڕاستەقینە

بەدیوێکیشدا هەستانەوەی هێزێکە کە دەکرێت مێژووی هەبێت، بەڵام بەئاراستەی خزمەت و گەڕانەوەی بڕیار لەناوخۆو دەرەوەی خۆی، بۆهەرهێزێک واردە بەنەفەسی پلان و بەرنامەی چاککردن و باشکردن.

بۆیە ئەگەر قۆناغێک حەسم بووبێت بۆ ئەوەی لەدەرەوەی یەکێتی چالاکی سیاسی هەبێت دروست بووە، هەروەک ئێستاش دروستە پشتیوانی یەکێتی بین بۆ گەڕانەوە و کۆکردنەوەی هێزەکان، ئەمەش پێموایە بەسەرکەوتنی یەکێتی دەبێت لەبەرانبەر جەمسەرەکەی تری بەهێزبێت ،ئەمەش فاکتەرێکە لەم قۆناغەدا، لەپێناوی ئایندەیەکی بەهێز بۆ قەڵمڕەوییەکی پەرتبوو، پێموایە ئەمەش بڕیاری گەورەو  ئیرادەداری  دەوێت، بەومانایەش نییە، پێچەوانەی خواست و دیدی ڕابردوو بێت، بەڵکوو بەودیدەوە بژاردەیەک لەناو بژاردەکانا، هەڵبژێرین، بەپێوەری گەڕانەوەی مەعنەوییەتی هاوسەنگی بە گۆشەنیگاکانییەوە...

ئەم وتارە دەربڕی رای نوسەر خۆیەتی و خەندان لێی بەرپرسیار نییە

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP