بەپەلە

هاوپەیمانی بەگەورەیی لەدایکبووە و بەگەورەیی سیاسەت دەکات

حەسەن بارام - 14-09-2018 - 13686 جار خوێندراوەتەوە

تا دێت پێگەو قورسایی هاوپەیمانی وخودی ڕێبەرەکەی گەورەتر دەبێت ولەنێو هاوکێشە سیاسییە کوردستانی وعێراقی وئیقلیمییەکاندا ئەژماری تەواوی بۆ دەکرێت۰۰۰بەتایبەتی لەبواری دروستکردن وڕێکخستنەوەی نێوماڵی کوردا.

ئەم هاوپەیمانییە ڕۆڵێکی گرنگ وکاریگەر دەگێڕێت ولەوە دەرچووە پێگەی ئەم هێزە  بەقەبارەی کورسی هەڵسەنگاندنی بۆ بکرێت ، بەتایبەتی ڕۆڵی سەروکی هاوپەیمانی بۆ دروستکردنی ئاشتەوایی سیاسی ودروستکردنی هاوپەیمانی گەورەتر بۆ مامەڵەکردن لەگەڵ دوخە سیاسی وپیشهاتەکان وگێڕانی ڕۆڵی میحوری لەم بوارەدا.

بەداخەوە  هەندێک لەمشەخۆر و پیسخۆرەکانی نێو دەسەڵات وهەندێک لە هێزە سیاسییەکانی قەڵس وبێتاقەت کردووە ، کە بەڕاست وچەپدا کەوتوونەتە  وێزەی هاوپەیمانی و ڕێبەرەکەی۰۰ چونکە هەر هەوڵێک بۆ دروستکردنی کۆدەنگی نیشتمانی ئەبێتە ڕێگر لەبەردەم گەندەڵکار وپیسخۆرەکان ۰۰۰هەر بۆیە لەبەرانبەر گەورەبونی هاوپەیمانی وهەنگاو وهەڵوێستە دروستەکانی دونیایان لێ هاتوەتە یەک ودەیانەوێت لەپشتی پەردەوە ولەڕێگای تۆڕە کۆمەڵایەتییەکانەوە  ئێمە بچوک بکەنەوە ، بۆیە پێیان دەڵێن ئاخر سیاسەت وپاراستی بەرژەوەندی وتەنانەت شەڕە قین وپاشقولدانیش بەم چەشنە  نابێت ، باشتر وایە ئەزمون لەهەڵەکانی رابوردووتان وەربگرن۰

چونکە  هاوپەیمانییەتەکەی دکتۆری ئاوەدانی  بەدەستێک بەردەوامە وبەدەستێکیش سەرقاڵی ڕێکخستنەوەی نێو ماڵی کوردە ، کاتێک دەڵێن هاوپەیمانی گەورەیە بەومانایەی وەکو ئێوەمانان هەڵەشەی سیاسی نییە و خاوەن پەیام وپرۆژەی سیاسی خۆیەتی و کاروانەکەی بەردەوامە ، بۆیە لەخۆڕان ییە  دەڵێن هاوپەیمانی بەگەورەیی لەدایکبووە وبەگەورەیی سیاسەت دەکات۰

 

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP