هاوپەیمانی و مانگی هێرشی ناڕەوا

عوسمان گوڵپی - 14-09-2018 - 8931 جار خوێندراوەتەوە

هاوپەیمانی وەك وێستگەیەکی گرنگی کاری سیاسی و میکانیزمێکی گونجاو بۆ کاری پێکەوەیی و دەستە جەمعی هەنگاوێکی گرنگ بوو، کە لە ڕاستیدا جیاواز لەو مۆدێلە حیزبیەی ڕابردوو توانی ببێتە ژمارەیەکی حساب بۆ کراو لە رووی سیاسیەوە و قورسایی هاوپەیمانی لە کایە سیاسیەکەدا لە ژمارەی دەنگو کورسیەکانی زیاترە کە بەڕای من گەر تەزویر نەبوایە ئەوا هەنگاوێکی گەورەمان بڕیبوو ، لە ئێستاشدا هاوپەیمانی بەبێ ئەوەی بەشداری هەڵبژاردن بکات کەچی زۆرترین قسەی لەبارەوە دەکرێت و هێزەکانی بەشدار لە هەڵبژاردن لە بری بانگەشەی هەڵبژاردن خۆیانو ڕاگەیاندنەکانیان سەرقاڵ کردوە بە باسی هاوپەیمانی و داهاتوی هاوپەیمانیەوە کە ئەمەش وایکردوە چەندین لێکدانەوەی بێویژدانانەی تێکەڵ بە پەتای هەڵبژاردن بۆ هاوپەیمانی بکرێت.

لە ڕاستیدا پرۆژەی هاوپەیمانی و ئامانجی هاوپەیمانی بەردەوام دەبێت و لە پێناو ئامانجە گشتیەکاندا باشترین ڕێگاکان و میکانیزمی جیاواز دەگرینەبەر  و ئەوەی ئێستا دژی هاوپەیمانی هەیە جگە لە پەتای بانگەشە هەوڵە بۆ دژایەتی ئەو پرۆژەیەی هاوپەیمانی لە پێناویدا دامەزرا و بەردەوامی دەبێت.

بۆیە ئەم هەنگاوانە و ئەم پرۆژانە پشودرێژی پێویستە و  ئەم قۆناغەش تێدەپەڕێت و دواجار داهاتوو بۆ ئەوانەیە کە  بەوردی هەنگاو هەڵدەگرن و پلان بۆ داهاتو دادەڕێژن و ئەمەش دانبەخۆداگرتن و پشودرێژی دەوێ و مانگی هێرشی ناڕەوا زوو تێدەپەڕێ و کاتی قسەی ئێمەدێ.


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP