ساختەکاریی لەو ڕێژەیەی بەشداری نەکردنی خەڵک

دەلیل جەمال - 23-08-2018 - 3869 جار خوێندراوەتەوە

(ئەم بابەتە گریمانیەیەکی ڕێژەیی و ژمارەیەکە، بۆ ناوەڕۆکی سەلماندنی ساختەکارییەکە)
هەڵبەت تەزویر و ساختەکاری لەپرۆسەی هەڵبژاردندا، کردەیەکی نامۆو شاز نییە،بەتایبەت لەو وڵاتانەی زۆرتر لەژێر حوکمڕانی هەژمونی حزبدان و موتوربەکراوی شەرعییەتی شۆڕشگێڕین. ساختەکاری بووتە دەرد و پەتا لەبەردەم دەستاودەستی ئاشتییانەی دەسەڵات.

بەڵام گەرسەیری مێژووی قۆناغە جیجیاکانی هەڵبژاردن بکەی لەو جۆرە وڵاتانەی ئاماژەم پێدا، دەبینیت ساختەکاری دەرهاویشتەی ڕێژەیەکی باس نەکراوو پەردە پۆشکراوە، کە ئەویش ڕێژەی بەشداری خەڵکە .

گەر سامپڵ وەربگرین..بەنمونە

ئەگەر لەسەدا (٥۰)ی خەڵک لەپرۆسەکەدا بەشداربێت،کەوابوو(٥۰٪)ی بەشدار نییە، لێرەدا ئەوساختەکارییەی ئەنجام دەدرێت لەو ڕێژەیەیە کە بەشدار نەبووە.
گریمان دەسەڵات لەو(٥۰٪)یەی بەشداربووە لە(۲٥٪)دەنگەکانی بەدەست هێنا، کەوابوو بەڕێژەی سەدی دەکاتە(٥۰٪)، کە ئەم ڕێژە ناتوانێت ڕێژەیی یاسایی پەرلەمانی بۆ پێکهێنانی حوکمەت دروست بکات، لەم دۆخەدا هێزی سیاسی دەرەوەی دەسەڵات براوەدەبێت ،ئەمە لەئەگەری هەڵبژاردنێکی پاک و بێگەرد، ئەم داتایانە ڕێژەیین و گریمانەن دەکرێت کەمتربێتڕێژەی دەنگی دەسەڵات،مەبەستی من جەوهەری زانیارییەکەو عەمەلییەکەیە.

ئەگەر سەیربکەین دەسەڵات بەحوکمی هەندێک پێوەر ئەنجامەکان بەساختەکاری دەگۆڕێت، کە فاکتەری سەرەکی ئەو ڕێژە نەهاتوەی خەڵکە بۆدەنگدان، بەڕێژەوگریمانە دەتوانێت ڕێژەی بەشداری بەرزبکاتەوە بەساختەکاری بەقازانجی خۆی.. بۆنمونە ئەگەر لەو(٥۰٪)یەی نەهاتوە لە(۱۰تا۲۰٪)ساختەکاری بکات ڕێژەکە پێچەوانە چونکە ئەوکات ڕێژەی بەشداری لەسەدا(٥۰)وە دەبێتە لەسەدا(۷۰)  ئەو لە(۲٥٪)ەی کەلە ڕێژەی یەکەم هێناویەتی لەگەڵ لە(۲۰٪)ساختەکاری دەبێتەلە(٤٥٪) بەم پێیەلەکۆی گشتی ئەوانەی مافی دەنگدانی هەیە لەسەدا(٥۰)وە دەبێت بەلەسەدا(۷۰)  لەولەسەدا(۷۰)یە هێزی دەسەڵات(۲٥٪)دەبێتە(٤٥٪)  کەدەکرێتەوە بەڕێژەی سەدی هێزەکانی دەسەڵات دەبێتەلەسەدا (٦۰)بەرەو ژوور بەڵام لەئەگەری بەشداری زۆرینەی خەڵک ڕێژەی ساختەکاریش کەم دەبێتەوە، هەمیشە وەک چوارچێوەیەکی باو ئەوانەی ناچنە پرۆسەکەوەخەڵکانی ناڕازین واتە ئەنتی دەسەڵاتن ، لەئەگەری چونی ئەم ڕێژە سەیربکە  ڕێژەی دەنگی دەسەڵات چۆن دادەبەزێت..

ئەگەر (۸۰٪)یان زیاتری خەڵک چونە پرۆسەکەوە ئەوا ئەوەی دەمێنێتەوە و بەشدار نابێت لە(۲۰٪) لەم ڕێژە دەسەڵات ناتوانێت تەواوی ڕێژەکە کە لەسەدا(۲۰) بکاتە ساختەکاری چونکە بەپێی یاسا نێودەوڵەتییەکان ڕێژەی لە(۹۰٪)بەرەو ژوور پرۆسەکە دەخاتە ژێر پرسیارەوە، کەئەمەش مەقبول نییەو ئەگەرێکی لاوازو دورەدەستە لەو لەسەدا (۸۰)یەی بەشداری گشتی خەڵک لەپرۆسەکە ڕێژەی دەنگی دەسەڵات لەباشترین حاڵەتدا لەسەدا(۳۰بۆ۳٥)ە.

تەنانەت کەمترین حاڵەت یان  ڕێگە دەهێڵێتەوە بۆدەنگی دوبارە یان حاڵەتی دیکە، هەڵبەت ڕێگەی دیکەی ساختەکاری هەیە و خوێنەر لای ڕوونە، بەڵام بەشداری خەڵک ئەو عەمەلییەی ساختەکارییە قۆناغ بەقۆناغ کۆتایی پێ دەهێنێت.؟هەمیشە بۆمانەوەی هێزی دەسەڵاتدار ئەو ڕێژە بەشدارنەبووەیە ،وەک ئەزمونیش لەڕابردودا بینیومانە.


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP