جەنگ لەکۆمەڵگای کوردیدا

دانا مەنمی - 18-08-2018 - 4512 جار خوێندراوەتەوە

جەنگ دیاردەیەکە کۆمەڵێک ڕەگەزی بونیادییانەی نەگۆڕ ئامادەی دەکەن و زەمینەی لەبار بۆ تەقاندنەوەوبەرپابوونی بەرهەم دەهێنن.

جەنگ بەشێکە لەئامادەگییەکانی ئینسانی کورد و دواتریش بووەتە بەشێک لەهەبیتۆسی بکەر و هێزە سیاسییەکان ، جەنگ بەتەنها لەدەرەوە ڕانایەت خۆی بەسەر جەستەی سیاسی و کۆمەڵایەتی ئێمەدا بسەپێنێت ، بەڵکو لەناوەڕاش شوێن و جێگەی تایبەت بەخۆی هەیە و خۆی بەرهەم دەهێنێت .

کەواتە جەنگ لەدونیای ئێمەدا بونێکی هەبیتۆسانەی هەیە ، بەهەبیتۆسکردنی جەنگ مانای ئەوەیە چیتر جەنگ ڕووداوێکی لابەلا و سەرپێی و ناکۆکییەکی سیاسی دیاریکرا و نایخولقێنێت بەڵکو بەشێکە لەهەبیتۆسی سیاسی و درێژکراوەتەوە بۆ هەبیتۆسی کۆمەڵایەتی کۆمەڵگای کوردی .

ئەگەر بەزمانێکی سادەتر بڵێم جەنگ لەحیزبەوە گواستراوەتەوە بۆ کۆمەڵگاو لەکۆمەڵگاشەوە بۆ جەنگی تاکەکەس لەگەڵ یەکتر ئێستا جیاوازی نێوان دوو مرۆڤ گوازراوەتەوە، بۆ ڕەهەندە سایکۆلۆژی و کلتورییەکان و لەبری جیاوازی دوو مرۆڤ جیاوازی دوو کلتوور دوو دیالێکتی زمان و دوو لەناو کوردستانێکدا دوو کوردستانە .

ئەم پرۆسەیە هەڵگری هیچ ڕەهەند و مەودایەکی مەعریفی عەقڵانی فیکری نییە و بە جنێو هۆنینەوەی تۆمەت و بوختانی سیاسی و کۆمەڵایەتی دەستپێدەکات و بە جنێو و هۆنینەوەی تۆمەت و بوختانی سیاسی و کۆمەڵایەتیش کۆتایی دێت .

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP