ھاوپەیمانی پڕۆژەی چارەسەرییە

ھێمن مەولود - 7-08-2018 - 1574 جار خوێندراوەتەوە


خەون بینین بەژیانێکی شکۆمەند و کۆمەڵگەیەکی مرۆڤسالار لەسەر خەڵکی ئەو وڵاتانە تاپۆ کراوە ،کەساڵەهایە بەدەست دەستەپژێری سیاسی چەپەڵی ناوخۆ و چینی باڵادەستی وڵاتانی دەرخۆوە دەناڵێنن. تەجروبەی ژیان سەلماندویەتی نەحاکمی زاڵم و ستەمکار  لە خۆوە دەبێ بەحەکیمی دەردان و نەکەسیش بەتەمابێ وڵاتانی زلهێز ببن بە محمدی مەهدی، وە کەس بەتەنها  بە( خوایە وەتەن ئاواکەی) ئاوایی بینیوە.

ئەسڵی بابەت کوردستانی سەرپێ نەکەوتووی خۆمانە .کەنازانین چۆن ئاوای کەین،لەوەتای کورد ئیدارەی خۆی دەکا نەیتوانیوە وەک پێویست بەنمونەی جوانی حوکمڕانی نەدڵی دۆستی خۆش بکات  و نە دوژمنانیش نابینا.

حزبە فەرمانڕەواکان نەیان توانی یان نەیانویست مۆفەق بن لە ئیدارەیەکی ڕەشید و بەرەی بەرهەڵستکاریش نەبوون بە بگۆڕێکی باش وبە هەردوولا شەقام و مێدیاو مۆزایکێکی ئاڵۆزاویان دروستکرد کە بەخۆیانیش چاک نابێ، خەڵک و خاکیان دابڕدابڕ کرد.

کۆمەڵگەی کوردی  پڕە لە سامانی سروشتی و مرۆیی و تەنها دەستێکی ئەمین و ئەقڵێکی سەلیمی دەوێ  دوبارەی دیزاینی بکاتەوە و لانکەی شارستایەت کە وێرانەی سەرگۆی زەوییه بکاتەوە بە پێشەنگی پێشکەوتن وشایستە بەژیانی نەوەکانی نوح و ئیبراهیم..

لە ڕابردوو کەم نەبون ئەوانەی کە فەزای فەسادو فریوی پارەو پۆست داینەماڵین لە لە بەهابەرزەکانی مرۆڤایەتی وکوردەواری.وەک هەوێنی مان  وژیان ، سەری خۆیان بەرزی و پەرێزیان بە پاکی مایەوە.کورد  پێویستی بە هێزێکه ئەو دەست ڕەنگین و  ئەستۆپاکانە لە دوو توێی بەرەیەک بکا بە ماکی بنیاتنانەوە.

هاوپەیمانی کە هێڵی سێیەمی کارکردنەو وەک نەسیومانە نەکەس بە دوژمنی خۆی دەزانێ و نە دوژمنایەتی فێری کارەکتەرەکانی دەکا، دەبێ ئەرکی دوبارە تێهەڵچونەوە لە قۆناغی دوای گلانی زۆر و سەرکەوتن بەرەو دوندی هیوا بخاتە ئەستۆی خۆی.کە ئەمە  دوائومێدی یەکخستنەوەی تواناکان و  وەرچەرخاندنی خەونە بۆ ئامانج و  گۆڕینیان بە پلان و دواترش پڕۆژە.

ئەم وتارە دەربڕی رای نوسەر خۆیەتی و خەندان لێی بەرپرسیار نییە

Copyright © 2016 Xendan.org all rights reserved

designed and developed by AVESTA GROUP