هاوپەیمانی و بەتاڵکردنەوەی سحری زۆنەکان

دەلیل جەمال - 30-07-2018 - 3049 جار خوێندراوەتەوە

دوای شەڕی ناوخۆو دروست بوونی دوو زۆنی دیار وەک ئیدارەو وەک دەسەڵات و هەژمونی حزب، لەحاڵەتەوە بووە دیاردەو ئەمری واقع، ئەم هەژمونە بەجۆرێک ڕەگی کوتا لەتەواوی کایە سیاسی و کۆمەڵایەتی و ڕۆشنفکری و فەرهەنگیەکان و ڕەنگی دایەوە تادەگاتە شتە سادەو ساناکانی ڕۆژانەی خەڵک، بەجۆرێک زمانی باویش دابەش بوبوو، پەرەردەو کایەکانی دیکەش بێبەش نەبون لەم ڕەنگدانەوەیە. هەربۆیە تێکەڵکردنەوەی ئەم دوزۆنە لە هەمووڕویەکەوە ئەستەم بو، تەنانەت ڕێککەوتنی ستتراتیژی و دانیشتنەوەی ئاشتیانەی لایەنە شەڕکەرەکانیش نەیتوانی بەتەواوەتی ئەم دابەشکارییە عبوربکات.

دوای هاتنی گۆڕان وەک هێزێکی جیاو ئۆپۆزسیۆنێکی کارا،چاوەڕێی ئەوە دەکرا ئەم هێزە بتوانێت ئەو دوو زۆنە تێکەڵ بەیەکدی بکاتەوە ، بەڵام دەرئەنجام ئەویش نەیتوانی و ئیدارەدانی زۆنەکان و دوو دیوی لەدەسەڵات، مایەوە و ئەم هێزەش وێڕای هەوڵی دیارو بەرچاو پاشەکشەی کرد،من زۆرناچمە سەر شوناسی ئەم هێزەو فاکتەرەکانی پاشەکشەو شکست، کەئەوەش هۆوهۆکاری بەهەردولاداهەیە

دیارە ئەم دابەشکارییە پایەکانی لە هەوڵی ئۆپۆزسیۆن بەهێزتربوون، وەپێشم وایە مانەوەی هێزەشەڕکەرەکان لەدەسەڵات پەیوەستە بەم تایپە لە شەڕی نێوان قوتبەکانی ناوزۆنەکان. کە ڕیشەی دیکەی هەیەو زۆرتر زمانی تەهشیرو شکان و سڕینەوەو تەخوین باڵادەستەو لەگەڵ خۆیدا زۆرجار ئۆپۆزسیۆنیشی هێناوەتە ناو ئەو ململانێیە بەزمانی شکان و سڕینەوە،لێرەوە دوئیدارەیی و دوو زۆنی زەقتربوەتەوە..

هاوپەیمانی تێزو ڕوئیاو دنیابینیێەکی دیکەیە، چونکە گەر سەیربکەی بۆناسینەوەی ئاسانە، ناسین هەندێک فاکتی خۆی هەیه کەدەتوانی لەڕواڵەت و زمان و پێکهاتەو کەرەستە جوداکاری بکەی لەگەڵ ئەوانی دیکەدا.


دروست هاوپەیمانی وەک هێزێکی تازە هێندەی شوناسی لەناو زمان و پێکهاتەو تێزو فکرو ڕوئیادا جیایە هێندە ژمارەیەکی دیکەنییە لە پەرچەکردار یان هێزێک بە تابعی زمانی توند بەرانبەر بەو زمانەی شەڕی ناوخۆ بەرهەمی هێناوە.

بۆیە هاوپەیمانی ئێستا هێزێکی دیکەیە لەناو زۆنەکان بەجۆرێک هێزێکی هاوبەشە و دۆزینەوەی زمان و ڕوئیای لێکگەشتنی زۆنەکانە وەک توراس و فەرهەنگ و ئاشتەوایی سیاسی و کۆمەڵایەتی. هەڵبەت ئەم هێزەش بەدورنەبوە و نابێت لەوەی کە لەناو زۆنەکانا دابەشبکرێت و بگلێنرێتە ناو ئەو شەڕو پێکدادانەی زمان لەناو شارو ناوچەکان ، هەرگیز ناتوانن چونکە لەئەسڵا لە زمانی تەعبیرو پلان و ستراتیژو پێکهاتە ناچێتەوە سەر هەمان ئاراستەی پێشو، چ ئەوەی ئۆپۆزسیۆن چ ئەوەی دەسەڵات لەڕابردو و پێش خۆی

پێموایە ئەرکی ئەم تایپە لەسیاسەت و کاری حزبی قورسترە، چونکە ئەم هێزە وەک ئەو شوناسانەی باسمکردن، زۆرتر پێویستی بە هێزی مەعنەوی خەڵک و پشتیوانییەکانییەتی،لەوسۆنگەوە دەتوانێت ئەو دابەشکاریە عبوربکات

بەم ماوەکەمە هەست دەکرێت سەرەتاکانی تێکەڵکردنەوەی زۆنەکان دەرکەوتوون و هێزێکە لای خەڵکی هەردو زۆن مەقبولەو لەم ماوەکەمەدا هەم خۆی وەک هێزی سیاسی هەم هاوڵاتیش توانیویانە پلانی دەسەڵات لەباربەرن و پێشموایە لەئایندەدا دەتوانێت ڕابەرایەتی یەکپارچەیی زۆنەکان بکات لەهەرێمێکی یەکگرتودا، کە دەکرێت زیاتر لە دەسەڵاتەوە بتوانێت هەنگاوەکان خێراتربکات و ئێستاش ئەمری واقعەو ، چەسپاندنی لەسەر بەردەوامی نێوان هاوپەیمانی و هاوڵاتی بەندە ،تالێک نزیکتربن کارەکە باشتر دەچێتەوە سەر ئەسڵ ونەسەبی خۆی،...

ئێستا هاوپەیمانی ڕابەرایەتی هەردوو زۆن دەکات بەشێوەیەکی کردەیی ، تێزو فکرەکانی زیاتر دەچنەناو خەڵک و لەسەرخۆ تەنگی بەو فەرهەنگی یەکترشکاندنە هەڵچنیوە و بەرەو پەراوێزی دەبات، چونکە خەڵک زیاتر خواستی ئەم شوناس و سیاسەت و زمانەهەیە لەسیاسەت و ئەرک و چالاکی سیاسیدا، ئەم ڕوئیایەش بوەتە ئەمری واقع و پێشموانییە پاشەکشەبکات.


قۆناغ بەقۆناغ ڕەهەندەکانی وەدەردەکەون و جێی خۆی دەکاتەوەو دەبێتە هێزێک کە لەگەڵ خۆی ئاشتەوایی بلۆکی سەوزو زرد بنیاد دەنێت، بیرمان نەچێ هێزە دەسەڵاتدارەکان بەشێوازی جیا ڕێگرن لەم ئاشتەواییە جەوهەرییە، بەڵام ئەم هەوڵانە پێموایە وردەوردە لاواز دەبن و ناتوانن بەر بەوهێزە ناوکییە بگرن کە خواستی خۆرسکانەی هەیەو پێشموایە هاوپەیمانی ڕۆڵێکی حەکیمانەی دەبێت لەم خواستەی کە پایەکانی دانراون و دیواری لەسەر هەڵدەچنرێت، . حاڵی بەهێزی هاوپەیمانی ئەوەیە ناچێتەناو شڕێک دەسەڵاتداران دەستیان پێکردبێت، چونکە دەرئەسڵ ئەرکی هاوپەیمانی ئەوشەڕەنییە، بەڵکو ڕێککەوتنێکی ڕاستەوخۆو ناڕاستەوخۆی خەڵک و خواستی واقعە. ئەمەش لەسەر ئەم قۆناغەماوە کە ئایا هاوڵاتی هەست دەکات زەرورەتەو پشتیوانی کاراو جدی هاوپەیمانی بێت؟ بۆ ئەم عەمەلییە و چاککردنەوەی هاوکێشەکە؟ دهبێت تاک بەتاکی ئەم هەرێمە وەڵامی خۆی بداتەوە و بەشداربێت لەم هەوڵ و هەنگاوەی هاوپەیمانی......


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP