ئاگانامەیەک بۆ دڵسۆزانی گۆڕان

دەلیل جەمال - 5-07-2018 - 11088 جار خوێندراوەتەوە

واقعی هەرێمی کوردستان گەشتوەتە قۆناغێک پێویستی بە تەبایی و کۆدەنگی و پێکەوە سازانی لایەنە ناڕازی و چاکەخوەزەکانە، لەم سۆنگەوە هەنگاوی باش نراوەو توانراوە بەجۆرێک ئەم تەباییە بپارێزرێت، ئەم خوستە هەربەتەنها خواستی سیاسی و لایەنە سیاسییەکان نییە بەڵکو خواستی زۆرینەی خەڵک و توێژە جیاجیاو نوخبە دیارەکانی کۆمەڵی کوردەوارییە، کە هەمیشە داواکاربوون ئەم هێزانە پێکەوەبن و بەیەکگرتووی و هاوپەیمانی یەکبن بۆ گۆڕانی کۆمەڵگە.

دۆخێکی هەستیارە گەرنەتوانن ئەم برایەتییە بپارێزن برایەتیش پێویستی بەنییەتی پاک و عەمەلی هەیە، دورکەوتنەوە لە تەهشیرو چەواشەکاری ، کەئەرکی لەپێشینەی هەموانەو نابێت ڕێگە بەهەندێک دەنگی ناسازو نەشاز بدرێت ئەم پێکەوەییە درز تێبکات ، گەرچی دەنگ وڕەنگی بچوکیش بن بەڵام درئەنجامی خراپی لێدەکەوێتەوە

دواجار ئەوەی سودمەند دەبێت هێزەچاکەخوازەکان نییە بەڵکو ئەو هێزانەی دەسەڵاتە کە ئەمانجی هەموانە بۆ گۆڕین و کۆتایی هێنان بەم زوڵم و ستەمەی لەخەڵک دەکرێت

ناشکرێت ئەم جۆرە لە دەنگانە نادیدە بگیرێن و ڕێگەیان پێبدرێت ،چونکە دوەجار دەچنەوە خانەی حیزبەکانیان. خەون و؟هیواو ئامانجی خەڵک لەوە گەورەترە بەم نمەتە نامۆیە بەلاڕێدا ببرێت.

دڵنیاشم بزوتنەوەی گۆڕان و هێزەکانی دیکەی بەرەی چاکەخوازان باش لەم دۆخە گەشتون و کادرو بەرپرسانیشیان دەزانن تاکە دەرچەی گەشتن بەخواستی خەڵک برایەتی و تەباییە، کە پێویستە بەکردار ڕەنگ بداتەوە لە گوفتارو ڕەفتارو کرداردا، هەروەک ڕەوانشاد کاک نوشیروان دەیگوت (عیبرەت لەنوسیندا نیە عیبرەت لە جێبەجێ کردندایە).

ئەم یەکڕیزی و تەباییە کە بڕیارە گەشەی پێبدەن پێویستی بەقوربانی و نیەتی باشە چیدی قۆناغی پەرتەوازەیی و ململانێی ناجۆرنییە چیدی کاتی ئەوەنییە ڕێگە بدرێت درزبخرێتە ناو ئەو پەیوەندییەی هەموان هەنگاوی گەورەو جدیان بۆ ناوە

دەسەڵاتدارو ئەوانەی ئەم دۆخەیان خولقاندووە هەوڵدەدەن بەرەی چاکەخوازان تێکبدەن تەواوی توانایان دەخەنەگەڕ لەڕێگەی جیاجیاوە ، ناکرێت لەناوخۆدا بکەونە پەلاماردانی یەکترو یەکتر شکاندن، نابێت ئەم هێزانەی کەبڕیارە وەک پەنجەکانی دەستبن بکەونە شکانی پەنجەکان دەبێت پەند لەو نوسینەی کاک نوشیروان وەرگرن (پەنجەکانی دەست یەکترئەشکێنن) ئەوەی خوێندبێتییەوە تێدەگات ئێستا چەند پێویستمان بەپێکەوەیی هەیە.

ئەم نامەیە پێموایە خواستی هەموانە ئەوانەی دڵسۆزن و قوربانییان داوەوبەردەوام  قوربانیش دەدەن بۆ یەکڕیزی ئەو هێزانەی کە بۆخەڵک و بۆ خاک خەبات دەکەن و تێدەکۆشن.

دروستە لەهەموو هێزێکدا کەسانێک ئاگایانە یان نائاگایانە قسەیەک دەخەنە ناو ناوان و وەک بڵێی خەرمانێک ئەسوتێنێ، زۆرجار نەزانێک بەردەک دەخاتە ناو ئاو ، بۆیە کەمتەرخەمی و بێدەنگی لەم جۆرە کەسانە ڕیسەکەتان دەکاتەوە بەخوری
باش دەزانن ئەم میلەتە هیلاک و ماندووە لەدۆخی خراپی ئابوری وسیاسی وکۆمەڵایەتیدایە، هیوای لەسەر هێزەچاکەخوازەکانە، ناکرێت بێ هیوای بکەن و بکەونە گۆشەی سیاسەتی هێزەکانی دەسەڵات ئەوەی ئەوان نایکەن ئێوە بەرانبەر هاوپەیمانەکانتان بیکەن 

ئەودەنگانەی کە دەبنە هۆی تێکدان و تەهشیرو فڕێدانی قسە ، هەقە ڕێگەی لێبگیرێ جا لەهەر لایەنێک بێت ، زۆرجار ئەم کەسانە ئاو لەئاشی خەڵکی دیکەدەکەن لەژێرهەرناوو هەر پاساوێک خراپ و نامۆیە ئەزموونیش ئەوەی  ده رخستوە ئەوانەی هەوڵی تێکدان و شێواندن دەدەن دواجار لەشوێنی دیکە گیرساونەتەوە،

بۆیە داواکارم لەسەرردایەتی و ڕابەرانی ئەم هێزانە کە دڵنیام کەسانی دڵسۆزو خەمخۆرن و هەم لە نمەکەی من و هەم لەخواستی خەڵک و دڵسۆزان تێدەگەن  قۆناغی تەبایی و ێکەوەیی و هاوپەیمانییە، دەزانن نابێت ڕێگە بەو دەنگانە بدرێت لەناویاندان و خراپ گوزارشت لە بیری ئازاد دەکەن 
بۆبەدەست هێنانی ئافەرینێکی نەیار نابێت دڵسۆزی بخرێتە ژێرپرسیار، پێویستە بەئاگاوە مامەڵە بکرێت و خەونی هەموان لەگەڕ نەنرێت.

ئەوەی دەربازی ئەم دۆخەیە ئەوەیە تەواوی تواناو هێزتان بۆ پاراستن و مانەوەی پێکەوەییە نەک  ململانێی لابەلاو سیاسەتی دوفاقی و دروشمی بێ کردار ئەم کەشتییە کە هەموانی تێدایە بەهەڵەی کەسێک دەکرێ نەگاتە کەنار، خەڵکانی دڵسۆز زۆرن و دڵنیام خواستیان لەگەڵ ئەم جۆرەنیە کە پەلاماری هێزەکانی تری هاوئاوازیان دەدەن و لەپشت مۆبایلەوە بێ گوێدانە دۆخ و برایەتی بێ هەستکردن بەبەرپرسیاری نیەتی خراپ بڵاودەکاتەوە، 

پێموایە ئیدی کاتی ڕێگرتنە لەم جۆرە لە کەس وسانەی بۆگەرمی بازڕی خۆیانەو دڵنیام لەوەی حزبەکەشی سودمەند نییەو بگرە کەسە باش و خەمخۆرەکەش بێزارەو هەرگیز پێی باش نییە هەربۆیەپێویستە کەسە دڵسۆزەکان ڕێگربن و ڕێگەبەم دەنگە نەشازو ناسازانە نەدەن لێرەو لەوێ جارجار دەردەپەڕن،،، هەموان پێکەوە ئەتوانن ئەم دۆخە بگۆڕن ، بۆیە بزوتنەوەی گۆڕان هێزێکی دیارو کاریگەرەو پێویستە بۆئەم قۆناغی بەرەی چاکەخوازان کە لەگەڵیدایە، بەجدی ڕێگربێت تا هەندێک لەژێر بەیداخ و نازناوی گۆڕانەوە هەوڵی تێکدان نەداو ئاراستەی ئامانجەگەورەکە بۆهەندێک شتی چوک و بێ ئەرزش نەگۆڕێت. گەربڕیارە هێزەکانی دەرەوەی دەسەڵات پێکەوەبن ئەوا پێویستە ڕێگە لەم دەنگە بچوکانە بگرن بۆئەوەی نەبێتە نەریتی خراپ 

چەواشەکاری و درۆو تەهشیر دڵنیام کاری خەڵکی باش و دڵسۆزنییەو سیاسەتی گۆڕانیش دورەلەم قسانەی کە هەندێک لە کارەکتەرەکانی دەیکەن ، بۆڕێگری لەم کەسانە پێویستە بەیاننامەیەکی پێکەوەبوون و هاوپەیمان بوون بڵاوبکرێتەوە لەنێوان هێزەچاکەخوازەکان تاڕێگربێت لەو دەنگانەی نییەتی خراپ لەپشت قسەکانینەوە هەیەو بەئەراستەی نەیاران دەڕوات.......

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP