هاپەیمانی بەدیلی فرەحزبی

دەلیل جەمال - 3-07-2018 - 3385 جار خوێندراوەتەوە

دیارە فرەحزبی چەند لایەنی ئیجابی هەبێت ،دەبێت ئەوەش بزانین لایەنی سلبیشی هەیە، ڕاستە لەواقعی دیموکراسیدا فرەحزبی دیوێکی ڕوون و بژاردەی چۆنایەتی و چەندایەتی دەخاتە بەردەم خەڵک و دەنگدەر .

بەڵام ئەوەش هەیە کە پەرتەوازەیی و جۆرێک لە نەسازان دەخاتە ناو فەزای سیاسییەوە و پێکەوە کارکردن ئەستەم دەکات، ئەگەر سەیربکەین لەقۆناغەکانی ڕابردوودا ئەم فرەحزبییە پیاکێشانی کوشندەی لە هێزی ئۆپۆسیۆن داوە، کە نەوانراوەڕایەڵەی پێکەوە کرکردن گەشە پێبدەن.

ئایا فرەحزبی لە سودی هێزەکانی دەسەڵات بووە؟


بۆ وەڵام دەکرێت بڵێین بەڵێ، چونکە لەقۆناغە جیاجیاکاندا بینراوە دەسەڵات براوەی ئەم فرەحزبییە بووە، ئۆپۆسیۆن زۆرتر لەدروشم و بەیاننامەدا سازبوون، بەڵام کاتێک کە دەتوانرا هێزەکانی ئۆپۆسیۆن بگەنە دەسەڵات ، ئەم هەنگاوەیان نەناوەو پەرتەوزە بوون و هەمیشەش ئەم پەرتەوازەیە چوەتە خانەی هێزەکانی دەسەڵات نمونە زۆر ، یەکێتی و پارتی ئەودوو هێزەی بەدرێژایی حوکمڕانی کورد دوای ڕاپەڕین دەسەڵات لای ئەوانە، لەزۆر ویستگەدا دەتوانرا پێگەی هێزەکانی دەسەڵات لاوازبکەن بەڵام هێزی ئۆپۆسیۆن لەئەنجامی ناڕێکی و ترازان دەسەڵاتی بەهێزکردووەتەوە چ لە پەرلەمان چ لە حوکمەت

ئەگەرسەیری پێکهێنانی حوکمەته خۆنێیەکانی هەرێم بکەین بەڕوونی ئەو پەرتەوازەییە دەبینین کە ئۆپۆسیۆن نەبوونەیەک و پشتیوانی یەک نەبوون حوکمەتی خۆجێیی سلێمانی نمونەی دیاری ئەو ڕاستییەیە.

بۆیە پێویستە هێزەکانی دەرەوەی دەسەڵات بۆدەربازبوون لەم دۆخەو قۆناغی ڕزگاری لە دەسەڵاتی پاوانکاری ببنە هاوپەیمان و لە بەرەیەکدا خۆیان ڕێکبخەن، تاکە بژاردەی ئەم قۆناغە هاوپەیمانییە لە عەمەلییەی گەشتن بەدەسەڵات، چونکە فرەحزبی و دوری لەیەک لەچوارچێوەی خیتابی پۆپۆلیستی و ناڕازی و ئۆپۆسیۆندا، دادی ئەوان ناداو بگرە لاوازو بچوک دەبن.

بۆکۆکردنەوەی دەنگی ناڕازی پێویستی بە بەرەیەکی بەرفراوانە تا بتوانن زۆرینە بن و لەم قۆناغەدا تەواوی ململانێ حزبی و ئایدۆلۆژییەکان تێپەڕێنن و ئامانجێکی گەورەتر لەپێشە ئەویش ئامانجی گەشتن بەدەسەڵات، پێمویە قۆناغی فرەیی لە خیتاب و ئۆپۆسیۆن کۆتایی هاتوە قۆناغی کردارە  ، پێویستە قۆناغی پێکەوەیی لەدروشمدا بگوازرێتەوە بۆ قۆناغی پێکەوەیی بۆگەشتن بەدەسەڵات و گۆڕانی گەورە لە سیستم و جۆری حوکمڕانی،

پێچەوانەی ئۆپۆسیۆن هەمیشە دەسەڵات لە دروشمدا دژبوون بەڵام بۆمانەوە لەدەسەڵات کۆک وتەباو ڕێک بوون
ئەوان لە پێناوی داهات و سامان و کۆمپانیاو خێزانەکانییان سازاون، بەڵام ئۆپۆسیۆن لەپێناوی گەلا نەسازاون کەئەمە لایەنە ترسناکەکەیەو تائێستا ئاسەواری ماوە.

بۆیەکاتی هاوپەیمانی و هاوبەشکارییە، چا لەدەرەوەی ئەم بژاردە جگە لە سودی دەسەڵاتداران هیچی لێ شین نابێت


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP