مێژو هۆسا نائێت نڤیساندن ؟

عەلی ئۆرەماری - 18-06-2018 - 4824 جار خوێندراوەتەوە


سرۆشتێ مرۆڤی یێ وه‌سایه‌ كۆ دهه‌می بارودوخاندا نێرینه‌ك ئه‌رینی و گه‌شبینی هه‌یه‌ بۆ ژیانێ و ل ده‌ست پێكا هه‌ر وه‌رزه‌كیدا كۆمه‌كا هیڤی و ئارمانجان بخۆ ده‌ست نیشان دكه‌ت   ، هند ژوان ئارمانجان كه‌سوكینه‌ ، هند ئارمانج ژی گرێدای كۆمێ وجڤاكی نه‌ ئه‌وێن دزانستێن  دسیاسی دا دكه‌ڤنه‌ بن ناڤێ ئارمانجێن نیشتیمانى و نه‌ته‌وه‌یی ، سه‌ده‌مێن  نه‌هنگافتنا ئارمانجێن كه‌سۆكى ژی ڤه‌دگه‌رن  بۆ وان  سه‌ده‌مێن بارودوخێن  نه‌ گه‌هشتن ب ئارمانجێن مه‌زن تر خۆ دبینن  كه‌ خۆ بنشتیمان و نه‌ته‌وه‌ێ ڤه‌ گرێ دده‌ن  و سه‌ده‌مێن نه‌هنگافتنا ئارمانجێن مه‌زن ژی ڤه‌دگه‌رن بۆ بێ پلانی و بێ به‌رنامه‌ییا پارت و هێزێن حۆكمران  ، دڤێ هه‌رێما ئه‌م تێدا دژین سال زوی ده‌ربازدبن و هه‌ر زوی هه‌می ئه‌و هیڤیێن مرۆڤی راچاندین  دبنه‌ هه‌لم و دبنه‌ قوربانی هه‌لنگافتنێن بێ به‌رنامه‌یا  هێزێن حۆكمران  ، دحۆكمرانیه‌كا نه‌جهگیردا ژی بویه‌ر گه‌له‌ك مشه‌دبن و هند ده‌لیڤه‌ژی په‌یدا دبن كۆ هنه‌ك ژوانا ده‌لیڤێن زێده‌كرنا ده‌ستكه‌فتانه‌ و هند ده‌لیڤه‌ژی دزیان به‌خشن  ، دوه‌لاتێ مه‌دا بتایبه‌ت پشتی سه‌رهلدانا بهارا 1991ێ گه‌له‌ك ده‌لیڤێن باش هاتینه‌ پێش  كه‌ ئه‌گه‌ر رایه‌دارێن ڤێ هه‌رێمێ بتایبه‌ت هه‌ردو ئه‌و هێزێن خۆ ب وێرسێن ئاخ و مرۆڤێن سه‌ر ڤێ ئاخێ دزانن سه‌ره‌ده‌ریكرنه‌كا ژیۆاری و هۆشمه‌ندانه‌ لگه‌ل بویه‌ران بكردایه‌ نهۆ گه‌له‌ك ژ ئارمانجێن تاك و گه‌ل هاتبانه‌ هه‌بوونێ و هه‌می ئه‌و سه‌ده‌م و ئاسته‌نگێن پشتی بورینا بیست و حه‌فت سالێن حۆكمرانیا كوردی ژێ خه‌به‌ر دده‌ین دابنه‌ دوهی و ئه‌ڤرو داچاڤێن مه‌ بپێنگاڤێن مه‌زنتر بینیتن.

لێ بده‌ربازبوونا بله‌زا سالێن كوردی مرۆڤ مه‌نده‌هوش دمینه‌ ، چما ئه‌ف سال هوسان بسانه‌هى ده‌ربازبووینه‌  و چما ئه‌و هیڤیێن دوهى یا پار مه‌ داراشتین هوسا بسانه‌هی هاتن ته‌قاندن و چونه‌بووینه‌ ، ل دوهیا ل دانانا دستۆرێ پشتی  دكتاتۆریه‌تێ ل عیراقێ ژبۆ پرسا كوردان دستوری ببه‌ و دستور پرس گرێكێن كوردان لگه‌ل ناڤه‌ندێ چاره‌سه‌ربكه‌ت مادا 140 هات دانان ، لێ چما هه‌ر زووى ئه‌و ماده‌ توز گرتی بوو رایه‌دارێن پارتی و ئێكه‌تی نه‌كارین ب  ساسه‌تا "مرنێ و تایێ "  بكاربینن و تنێ سال بسال خاتردخاستن و گه‌لێ مه‌یێ ل ده‌ڤه‌رێن ڤه‌قه‌تایی هه‌ر بێ هیڤی دبوون  كۆ ئه‌ف ده‌ستهه‌لاتا ناڤێ وێ حكۆمه‌تا هه‌رێمێ یه‌ و ئه‌ف چووت حزبێن جار نه‌یارێن ئێكن و جارژی كورێن بابه‌كى نه‌ خه‌لك فروتینه‌ قه‌ده‌رێ و شه‌رێ وان نه‌لسه‌ر ئاخێ و مرۆڤانه‌ به‌لكی شه‌رێ وان لسه‌ر ده‌ستكه‌فتێن حزبێن وانایه‌ و ل كیرێ بیره‌كا په‌ترولێ لێ یه‌ ، ئه‌و در مالا وانایه‌، بڤی ره‌نگی ژی پرسا كوردی و ئارمانجێن نشتیمان و نه‌ته‌وه‌یی دره‌وه‌كا خاپاندنێ یا  مه‌زنه‌ ، ژخۆ هه‌ر كه‌س دزانیت رێكا ده‌وڵه‌تێ و سه‌ربه‌خۆیا كوردستانێ دئێك رێزیا گه‌ل دایه‌ لێ چما گه‌ل ئێك رێز نینه‌ ، وێ ئێكێ ژی دیسان هه‌ر كه‌س دزانه‌ هێزێن بالا ده‌ست و حۆكمرانن و هه‌ر كه‌س ژی دزانیت ئه‌و هێز پارتی و ئێكه‌تی نه‌ تنێ نه‌شیاینه‌ به‌لكى ئاسته‌نگ و رێگر بووینه‌ دئاڤاكرنا ئێك رێزیا گه‌ل و مالا كوردی ، مافێ هه‌ر هێزو كه‌سه‌كی یه‌ به‌شدار ببیت دنڤیسنا رۆژه‌كا پڕشه‌نگدار و ناڤێ خۆ دمێژویا سه‌روه‌ریاندا تۆماربكه‌ت ، لێ ژبۆ نڤیسینا مێژویێ گه‌ره‌كه‌ تۆ لێزان و شاره‌زا و دلسوزو راستگۆبی ، ل دوهیا نێزیك بۆ وى ده‌ما حكۆمه‌تا جووت حزبان دگوت ئه‌مێ سه‌ربه‌خۆیا ئابۆری به‌رقراربكه‌ین و وێڤه‌تر مه‌ چ پێدڤی ب عیراقه‌كا موفلیس و هه‌رفتووك نینه‌ و بزاڤ دكرن هیڤیێن مه‌  لسه‌ر ڤێ دره‌وێً ئاڤابكه‌ن ، لێ هه‌ر زوى ئه‌و هیڤی  بوونه‌ هه‌لم و ئابۆریا گه‌ل لاوازبو مه‌هانه‌یێن مۆچه‌خوران هاتن كێمكرن و لجهێ په‌ترول ده‌لیڤێن ژیانه‌كا نوی  بره‌خسینیت  و هه‌می جووكێن په‌ترولێ ببه‌ته‌ سه‌ر ئێك سولینێ و وه‌لات پێ بێته‌ ئاڤاكرن.

ئه‌و په‌ترول و سیاسه‌تا سه‌ربه‌خۆیا ئابۆری بۆ ژه‌هرو ژیانا ولاه‌تیان پێ هات كۆشتن ، مخابن  ب ژمارا بیرێن په‌ترولێ دوریان هاتن  دروستكرن  و وێڤه‌تر هه‌ر كه‌س دزانه‌ ئه‌ف بیرێن په‌ترولێ مۆلكێ فلانه‌ حزبێنه‌ و یێن دیتر یێن فلانه‌ حزبێ و ئه‌ف بیره‌ یێن فلانه‌ به‌رپرسێ حزبینه‌ و ئه‌وێن  دیتر یێن كورێ فلانه‌ مه‌زنه‌ به‌رپرسینه‌ ، ڤه‌گۆهاستنا ب تانكه‌ران بۆ فلانه‌ كومپانیایێ نه‌ و یێن بیرێن دیتر بۆ فلانه‌ كۆمپانیێ نه‌ ، پشكا ڤێ پارتیێ هنده‌ هزار به‌رمیلن و یێن حزبادیتر ژی هنه‌ك ژوێ كێمتر چونكى مالاوان یا ته‌ڤلی هه‌ڤه‌ ، ئه‌ف چ حۆكمرانیه‌ هوین برێڤه‌دبه‌ن قه‌ی هوسان مێژو تێته‌ نڤیساندن ،  ل دوهیا نێزیك وه‌ دگوت مه‌ سنۆرێن خۆ یێب بخۆینی ئاڤاكرین و پاراستین و چ تۆشته‌ك نه‌مایه‌ بناڤێ مادا 140 و چما نهۆ ئه‌و سنۆر وه‌ لپشت خۆهێلان وه‌  به‌ردان و 51% ژ وێ ئاخا وه‌دگوت ئاخا باب و كالێن مه‌یه‌ وه‌ چولكرن، ل دوهیا نێزیك وه‌ نانێ خۆ بگیان سه‌رده‌ستێن پێشمه‌رگه‌هی دخارن و ل ناڤه‌ندێن ده‌وڵه‌تی فه‌رشێن سۆر بسایا شه‌هاده‌دا وان پێشمه‌رگه‌هان بۆ پێشه‌وازیا وه‌ درائێخستن، وانا ب جانێ خۆ خۆ كرنه‌  قوربان و وه‌ژی قردێل و تانجێن زێرین ل كوجكا ئه‌لیزێ پێ وه‌رگرتن  ، ئه‌ی چما نهۆ شه‌رێ وه‌یه‌ لسه‌ر برینا چه‌ندێ ژ مۆچه‌یێ وانا و چما ل حالێ وان ناپرسن و مه‌هانه‌یێن وانا كێم دكه‌ن و گیرودكه‌ن و بده‌هان ئه‌وێن دوهى وه‌ هه‌وارا خوگه‌هاندینێ  ده‌ما داعش هاتى وبناڤێ پێشمه‌رگه‌هێن خۆبه‌خش برینه‌ دسه‌نگه‌رادا و ئه‌ڤرو بسانه‌هی دبێژنه‌ وان هه‌رنه‌مال  مه‌ شۆل بوه‌نه‌مایه‌ ،ئه‌ی گۆتنا ئه‌م هه‌می پێشمه‌رگه‌ینه‌ ل كیرێ وه‌به‌رزه‌كر، چما ل دوهی وه‌ دگۆتن ل به‌روكێن شه‌ری هێزێن پێشمه‌رگه‌ی هێزێن ئێكگرتی و نشتیمانی نه‌ ئه‌ی چما ئه‌ڤرو نمایشێن حزبی لسه‌ر جادان پێ دكه‌ن و بزمانێ وانا جڤینان و هێرشان دكه‌ن ، وه‌ جاره‌ك ژخۆ پرسیه‌ چما بۆ راگه‌هاندنا هه‌می لایه‌نان نینه‌ بچیته‌ سحێلا و پردێ و ئه‌و ژی تنێ مۆلكێ حزبه‌كێ بتنێ یه‌ و بۆ حزبێن دیتر نینه‌ ، ل دوهیا نێزیك بۆ ل وێ رۆژا وه‌ بریفراندۆمێ گۆهێت خه‌لكێ بده‌وڵه‌تێ پركربوون هه‌ر وێ رۆژێ  بۆ وه‌ دگۆت مه‌ په‌یام گه‌هاندیه‌ هه‌ر ئێك ژ عیراقێ و ئیرانێ و توركیا ئێك پهوست تنێ ئێك بهوست بێنه‌ دئاخا "ده‌وڵه‌تا كوردستانێ"دا دێ مرین به‌لێ رێكێ ناده‌ین ئیراده‌یا مه‌ بن پێ بكه‌ن ، ئه‌ى خۆ هووین توشی كورت بینیێ نه‌بووینه‌ ما چما نابینن ئه‌ڤه‌ پوستالێن قارداش ئه‌و پوستالێن هێشتا خۆینا سه‌ید رزا و نه‌هری پێڤه‌نه‌ یێ ئاخا وه‌لاتێ مه‌ بن پێ دكه‌ن ، چما وه‌ ژبیركرن ئه‌م هه‌می پێشمه‌رگه‌ینه‌ ، شنی دده‌مێ بیست و حه‌فت سالاندا و هه‌رده‌ما به‌حسێ هه‌لبژاردنان هاتبیته‌كرن پێناسه‌یا وه‌ یا بوویه‌ سه‌خته‌كاری و ده‌نگدانا مریان و ئاواره‌یان و ل دوماهیكێ ژی هوون بونه‌ پاله‌وانێن هاكرنا سیسته‌مێ هه‌لبژاردنان و ده‌نگ دزینێ وێڤه‌تر پێناسا وه‌ یابوویه‌ حزبێن ساخته‌كارو هاكه‌رو ده‌نگ دز ، دێ به‌سه‌ لو والله‌ مێژو هوسان نائێت نڤیسین .

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP