گفتوگۆی گەرموگوڕی دوو ھاورێی لێکدابڕاو
بۆ من و بۆ تۆ!

شۆڕش خالید ئاژگەیی - 18-06-2018 - 6149 جار خوێندراوەتەوە

دارا بۆ تۆ، نەدار بۆ من
بانک بۆ تۆ، گیرفانی بەتاڵ بۆ من
بڵند بۆ تۆ، نزم بۆ من
رتڵە ئۆتۆمبێل بۆ تۆ، تەکسی بۆ من
باڵا بۆ تۆ، بەڵا بۆ من
کەناری بۆ تۆ، قەلە ڕەش بۆ من
ئاسک بۆ تۆ، کەمتیار بۆ من
لویس ڤیتۆن بۆ تۆ، کەڵاش و توورەگەی ھەورامان بۆ من
شێر بۆ تۆ، رێوی بۆ من
پاریس بۆ تۆ، قوشتەپە بۆ من
بەخت بۆ تۆ، تەخت بۆ من
شیرین بۆ تۆ، تاڵ بۆ من
ئاسمان بۆ تۆ، رێسمان بۆ من
ناز بۆ تۆ، شاز بۆ من
تاج و تەخت بۆ تۆ، ژێرزەمین بۆ من
رۆلێکس بۆ تۆ، کاسیۆ بۆ من
تیمساح بۆ تۆ، کیسەڵ بۆ من

هەرزانی بۆ تۆ...گرانی بۆ من
سپی بۆ تۆ، ڕەش بۆ من
بەرزی بۆ تۆ، نزمی بۆ من
بەهێز بۆ تۆ، بێ هێز بۆ من
لە بەرهەمی ڕاپەڕین، ( ڕا) کەی بۆ من، پەڕین بۆ تۆ
کۆشک بۆ تۆ، کەلاوە بۆ من
سەیارە و تەیارە بۆ تۆ، پایسکل و عاەبانە بۆ من
شایی بۆ تۆ، شیوەن بۆ من
شکۆ بۆ تۆ، شکان بۆ من
تێر بۆ تۆ، برسی بۆ من
پڕ بۆ تۆ، بەتاڵ بۆ من
توور بۆ تۆ، تۆز بۆ من
گەنجی بۆ تۆ، پیری بۆ من
وای فای بۆ تۆ، وەفا بۆ من
تایبەت بۆ تۆ، گشتی بۆ من
نیعمەت بۆ تۆ، نیقمەت بۆ من
شاز بۆ تۆ، کەچە بۆ من
داد بۆ تۆ، بێداد بۆ من
بودجە بۆ تۆ، پاشەکەوت بۆ من
تەندروستی بۆ تۆ، نەخۆشی بۆ من
ڤیلا بۆ تۆ، گۆرستان بۆ من
تەلار بۆ تۆ، حەمام بۆ من
گەورەیی بۆ تۆ، بچووکی بۆ من
دۆلار بۆ تۆ، فلس بۆ من
نەوت بۆ تۆ، ماستاو بۆ من
غاز بۆ تۆ، قوڕاو بۆ من
کارەبا بۆ تۆ، موەلیدە بۆ من
لامپی سورەیای چەند هەزار دۆلاری بۆ تۆ، فانۆس بۆ من
بێ خەمی بۆ تۆ، شەڕە جنێو بۆ من
کەشتی بۆ تۆ، بەلەم بۆ من
گەشت بۆ تۆ، دەشت بۆ من
تێکەو لێکە بۆ تۆ، ڕەمەزان بۆ من
هۆتێل پلازا بۆ تۆ، سەربان بۆ من
سەردیوار بۆ تە، بن دیوار  بۆ من
موشتەقات بۆ تۆ، فشقیات بۆ من
تەبرید بۆ تۆ، پانکە بۆ من
پێڵاوی...بۆ تۆ، نەعلەی ئەفغانی بۆ من
پێکەنین بۆ تۆ، گریان بۆ من
عەدالەت بۆ تۆ، ڕەزالەت بۆ من
دادپەروەری بۆ تۆ، دادەپەری بۆ من
بەزم و شایی بۆ تۆ، ئاه و ناڵە بۆ من
فەرشی ئاوریشم بۆ تۆ، لباد بۆ من
مۆبڵی دیزاین بۆ تۆ، کورسی پلاستیک بۆ من
بودجه بۆ تۆ، چارەگە موچە بۆ من
هەڵپەڕین بۆ تۆ، هەڵوەرین بۆ من
قات بۆ تۆ، قڕی بۆ من
فڕین بۆ تۆ، ت...ین بۆ من
خۆشی بۆ تۆ، خەمۆکی بۆ من
نووستن بۆ تۆ، بێ خەوی بۆ من
دونیا بۆ تۆ، گۆڕ بۆ من
بخۆ بۆ تۆ، مەخۆ بۆ من
بڵێ بۆ تۆ، مەڵێ بۆ من
هەرمی بۆ تۆ، کاڵەک بۆ من
پاشا بۆ تۆ، گەدا بۆ من
زێڕ بۆ تۆ، زیو بۆ من
ئەلماس بۆ تۆ، تەنەکە بۆ من
تاوەر بۆ تۆ، تاوڵە بۆ من
پاوەر ( هێز) بۆ تۆ، یاوەر بۆ من
فەرز بۆ تۆ، قەرز بۆ من
مارکە بۆ تۆ، لەنگە بۆ من
پاسەوان بۆ تۆ، دیدەوان بۆ من
ڕاو بۆ تۆ، رووت بۆ من
شێخ بۆ تۆ، مەلا بۆ من
گرد بۆ تۆ، کەند بۆ من
فیز بۆ تۆ،  ھیچ بۆ من
شار بۆ تۆ، گەڕەک بۆ من
تانکەر بۆ تۆ، مەقتولە بۆ من
بۆڕی بۆ تۆ، سۆندە بۆ من

مۆندیال بۆ تۆ، خەفەت بۆ من......

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP