شینی هەریسەکەیە نەک حەسەن و حسێن

دەلیل جەمال - 8-06-2018 - 4089 جار خوێندراوەتەوە

دوای ئەو بڕیارە بوێرو یاساییەی پەرلەمانی عێراق سەبارەت بە هەژماردنەوەی دەستی بۆ دەنگدانی ۱۲/ئایار  وێڕای ئەوەی کە بڕیارێکی دادپەروەرانە بوو، بەڵام ئەم بڕیارە بۆ ئەو کەس وهێزانەی کە تۆمەتبارن بەساختەکاری بویە مایەی ناڕەزایەتی و هەرزو ڕەدیان کردەوە، بەڕای من زووبوو بۆ ئەم بڕیاری رەتکردنەوەیە چونکە بەم هەڵوێستە دەکرێت بەڕوونی بخرێنە خانەی ئەوانەی سودمەندی ساختەکاری بوون.

بەڵام ئەوەی جێی تێڕامان و هەڵوەستەیە،مەسەلەی ساختەکارییە لەکەرکووک، کە بێ ئاگایانەو نەزانانە پێش هەژماردنەوەی دەستی بۆ دەنگەکان ئەوەیان سەلماند کە بەڵێ لەکەرکووک ساختەکاری کراوە . حەملەیەکیان دەست پێکردوە بەرانبەر بەو هێزانەی کە هەوڵی گەڕانەوەی دەنگی دزراوی خەڵک دەدەن ،کە گوایە ئەمانە خیانەتکارن و دژی دەنگی کوردن لەکەرکوک و مەسەلەی قورسایی کورد لەو پارێزگایە.

پێمباشە کەمێک بگەڕێینەوە بۆ دواوە و بپرسین ئەرئ بەڕاست کێ پێگەو سەنگی کوردی لەکەرکوک لاوازکردوە؟. ئەرێ کێ هۆکاری لاوازی کوردە؟
ئەرێ بەڕاست گەر کەرکوک هێندە بەلاتانەوە گرنگە کێ هەیە نەزانێت ۱٦/ئۆکتۆبەر چییەو چی ڕوویدا؟

باشە چەندساڵە لەکەرکوک خەریکی چین و کێیە کەرکوک و کەرکوکییەکانی دایەدەست قەدەرو ئەو لایەنانەی کە ئێستا بەدوژمنی کەرکوک و کوردی دەزانن؟
ئەرێ چۆن هێندە ڕوو قایمانە باسی کەرکوک دەکەن. باشە خۆ پێشتر کورد ۸کورسی لەکەرکوک هەبوو، زۆربەی دامودەزگاو ئیدارە بەهێزەکانی کەرکوک بەدەست هێزەدەسەڵاتدارەکانەوە بوو، ئێ چیتان کرد، مەگەر دواجار لەڕێککەوتنێکی خۆتان کەرکوک و کەرکوکییەکانتان نەفرۆشت و تەنها جێتان نەهێشت؟ ئەی هەرخۆتاننین باسی وەزعی خراپی کورد لەکەرکوک دەکەن دوای کارەساتی ۱٦/ئۆکتۆبەر؟ دڵنیام خوێنەر وەڵامی ئەم پرسیارانەی لایەو دیکۆمێنتی کردون.

سەبارەت بە ژماردنەوەی دەستی دەنگەکان لەکەرکوک  هەندێک هێزی هێناوەتە سەرخەت و هەندێک مەقولەی زۆر نالۆژیکی باس دەکەن  کە بۆ کورد لەکەرکوک خراپە،
دەکرێت بپرسین بۆ خراپە؟ ئەگەر دەرکەوتنی ساختەکاری حیزبێک یەکسان بێت بەخراپی بۆ کورد بۆخۆی ئەمە خراپەکەیە، چونک کورد نابێت بخرێتە بازنەی دزو ساختەچییەوە، خۆئەگەر کورسی ئەو لایەنانە کەم بویەوە بەهۆی ساختەکارییەوە، ئەوا پێویستە...

۱-گەلی کورد بەیەک هەڵوێست سزای ئەوانەبدات کە کوردو کەرکوکیان بەم دۆخە گەیاند.

۲-لەئەگەرێکی وادا هەموان دەبێت بزانین کەم بوونەوەی دەنگی کورد لەکەرکوک  هۆکارەکەی خراپی ئیدارەی کورد لەکەرکوک و دزینی داهات و دواجار کارەساتی ۱٦/ئۆکتۆبەر بووە ،نەک ئەم پرۆسەیە.

خۆئەگەر تەزویرو ساختەکاری نەکراوە ئیتر بۆ و لەچی دەترسن ؟مەگەر پێشتر بێ منەت نەبوون لە هەژماردنەوەی دەستی دەنگەکان؟

من پێموایە ئەم شیوەنەی دەسەڵاتدارانی کورد بۆ کەرکوک بۆهەریسەکەیە نەک حسن و حسین، بەواتا بۆکەرکوک نییە بۆ دوبارە شەڕی نەوت و مانەوەی ناشەرعییە تابتوانن داهات بۆحیزب و چەندکەسێک بەدەست بهێنن.

رابردوتان بەشی ئەوەدەکات کە بڵێین شەڕی ئێوە بۆ مەسەلەی کورد نییە،دۆڕانی ئێوەش یەکسان نییە بەدۆڕانی کورد ،بەڕای ئێمە دۆڕانی ئێوە خاڵی وەرچەرخانە بۆ مەسەلەی کورد لەکەرکوک،

ئەم تەخوین و تەهشیرە لەژێر ناوی نەتەوەو کەرکوک و پرسی کورد جوڵەو حەرەکەیەکی کۆن و کەشفە ،خەڵک بەگشتی و کورد باش دەزانێت کێ خیانەتکارو کێ دڵسۆزە بۆکەرک  و کورد، ئاخر ناکرێ بەتەزویرو ساختەچییەتی بتەوێت وێنای خۆت نیشان بدەیت،  باشە گەر تەزویرکراوە لەکێ کراوە؟

لێرەدا پرسیارێکی جەوهەری پێویستە بکرێت،ئەویش ئایا ئەولایەنە کوردییانەی کە دەنگیان دزراوە تاوانە بەدوای دەنگە دزراوەکانیان بگەڕێن لەهەر شوێنێک بێت؟بێگومان نەخێر تاوان ئەوەیە بێدەنگ بن.

خۆدەکرێت بپرسین هەوڵدان بۆگەڕانەوەی دەنگی دزراوی لایەنە کوردییە دەنگدزراوەکان بۆکورد باش نییە؟ کەواتە  خۆگەر دەنگی ئەوان یان کورسیان بۆگەڕایەوە ئەمە لایەنێکی سیاسی کوردن و دواجار بۆ کورد لەکەرکوک زۆرباشە و جێی دەستخۆشییە. نەک تانەو تەخوین هەرچەند لای من هەرکات هێزی دەسەڵاتداری هەرێم دژی هەندێک پرس بوو گومانت نەبێت بۆکورد باشەو بۆ ئەوان وەک داهات و سەرمایەکانیان خراپە.

بەم خوێندنەوەیە دەکرێت بڵێین ئەمە شەڕی هەریسەکەیە نەک حسن وحسین،،،شەڕی شاردنەوەی ساختەکارییە نەک شەڕی پرسی کورد. کە لەژێر پەردەو پەچەی کەرکوک و نەتەوە دەیکان  ئەم جۆرە خیتابە بە ئێمە نامۆنییەو هەرکات وەزعی خۆیان و ئابوریان کەوتبێتە خەتەرەوە،پەنایان بۆ مەسەلە نەتەوەییەکان بردووە و بەکاریان هێناوە، ۱٦/ئۆکتۆبەر کەرکوک کەرکوک بوو ،بەڵام ئێوە بوون فرۆشتان....
بۆیە ئەو هەوڵی پەرلەمان زۆر جێی دەستخۆشییەو دەبێت دڵخۆشبین بەو هەنگاوە،شینی ه


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP