ئەوەی کۆمسیۆن کردی بەسە بۆ هەڵوەشاندنەوەی ئەنجام...

دەلیل جەمال - 30-05-2018 - 5249 جار خوێندراوەتەوە

لەگەڵ ئەو هەنگاوە بوێرو ئازایانەی بەشێک لە پەرلەمانتارو پەرلەمانی عێراق نایان بۆئەوەی هەڵبژاردنی ۲۱/ئایار ڕێچکەی یاسایی خۆی وەربگرێت و تەواوی ئەو سکاڵاو بەڵگانەی کەهەن لەسەر ساختەکاری گەورە لەو پرۆسەیەدا و بەدواداچوونیان بۆبکرێت، بەڵام ئەولایەنانەی سودمەندی گەورەن لەوساختەکارییە ڕێگرن لە هەژمارکردنەوەی دەنگەکان بەدەست و دەرخستنی ڕاستییەکان بۆڕای گشتی.

پێموایە خۆی لەخۆیدا نەچوونی ئەندامانی پەرلەمانی حیزبە دەنگ بۆدزراوەکان و ناڕازی بوونیان لەبڕیاری پەرلەمان بۆ دووبارە هەژماری دەنگەکان بەدەست ،سەلمێنەری ئەو ڕاستییەیە کە بەڵی ساختەکاری کراوەو ،ترسیان لە دەرکەوتنی ڕاستییەکانەو نایانەوێت رووبەڕووی ئەو ڕاستییە ببنەوە.

پرسیارە جەوهەرییەکە ئەوەیە 
ئایا ڕەدکردنەوەی ۱٠٠٠وێستگەی دەنگدان زیاتریش بەڵگەی ئەوەنییە ئەم پرۆسە بێ گەردو بێ ساختەکاری نەبووە؟
ئەو وێستگانە مشتێکن لە خەرمانێ.
لەوڵاتان نەک بەهەزاران وێستگە بەڵکوو بە وێستگەیەک یان چەند دەنگێکی ساختە پرۆسەکە دەکەوێتە ژێرپرسیارو تەواوی عەمەلییەکە هەڵدەوەشێتەوە.

ڕاموایە ئەوەی کۆمسیۆن ڕای گەیاند لە هەڵوەشاندنەوەی ئەنجامی هەڵبژاردن لەو ۱٠٠٠ وێستگەیە بەسە بۆ ئەوەی بڕیاری جدی بدرێت لەسەر کۆی پرۆسەکە. سەیرم لێدێت ئەولایەنانەی سودمەندی ساختەکارییەکەن هێشتا لەڕوویان بێت پاساو بۆ ئەم پرۆسە پڕلەساختەکارییە بهێننەوە.

کۆمسیۆن ئیشارەتی یەکەمی داوە بە بوونی ساختەکاری و رەدکردنەوەی ئەو وێستگانە دەرگایەکە بۆ ڕەتکردنەوەی کۆی دەرئەنجامی پرۆسەکە، بۆیە هەنگاوی پەرلەمانی عێراق و ئەو هەنگاوەی کۆمسیۆن دەرچەی ئەو ڕاستییەن و پێویستە چیدی ئەم بابەتە بەلارێدا نەبرێت 

ئایا پەرلەمان دەتوانێت تانە لەو ئەنجامانەبدات؟
پەرلەمان رۆڵی یاسادانان و بەدواداچوونە، یاسای هەڵبژاردن لەپەرلەمانەوە دەرچووە، گەر ئەم یاسایە پێشێلکراو وەک خۆی جێبەجێ نەکرا، ئەرکی دووەمی پەرلەمان  بەدواداچوون و چاودێریکردنی یاساو جێبەجێکردنی یاساکانە وەک خۆی لە واقعدا.

باشە پەرلەمان و هەموان دەزانن کە کۆمسیۆن بەشێکە لەم ساختەکارییەو یاسای هەڵبژاردن پێشێلکراوە. سەدان بەڵگە هەن وخراونەتە ڕوو، کەوایە ئەوەی پەرلەمان دەیکات ئەرکە ڕاستەقینەکەی خۆیەتی و پێویستە ئەم فەزاحەیە ڕاگرێت.هەڵبەد بەو ڕێکارو میکانیزمانەی کراوەن لربەردەمیدا و پێویستە لایەنەکانی تری حوکمەتی جێبەجێکار هاوکارو هەماهەنگ بن 

ڕاموایە ئەوژمارە زۆرەی کە کۆمسیۆن خۆی ڕایگەیاند لەوێستگەی دەنگدان،  بەسە بۆ ئەوەی لەگەڵ پەرلەمان ڕێکارەیاساییەکان بگرنە بەر ، چونکە کۆمسیۆن خۆی ئێستا لەنێوان بەرداشی خۆدەربازبوون یان  بکەری ساختەکارییەکەدایە.

کەمن ڕاموایە هەربەوەی کۆمسیۆن ڕایگەیاند بەسە بۆئەوەی مەحکەمەی ئیتحادیش بێتە سەرخەت و بۆڕاستکردنەوەی ئەو ساختەکارییە.

ئەو لایەنانەش کە دژی هەنگاوی پەرلەمان دەوەستن گومان نییە کە سودمەندی باشی ساختەکارییەکەن و  ئاگادارو بەشداری ئەو ەتککردنەی دیموکراسین و بەشێکن لە دزینی دەنگ و  بێهیواکردنی خەڵک لە دیموکراسی وهەڵبژاردن و  بێبەش کردنی هاوڵاتی لەو مافەی کەهەیەتی مومارەسەی بکات....کەئەمەش تاوانەو پێویستە دادگا ڕێکاری خۆی بگرێتە بەر
هیچیشی کەمترنییە لە خیانەتی نیشتمانی هەروەک ئەو خیانەتە گەورانەی کە بەناوی نەتەوەو نیشتمان و خاکەوەکراون....


ئەم وتارە دەربڕی رای نوسەر خۆیەتی و خەندان لێی بەرپرسیار نییە

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP