خاڵی جیاکەرەوەی دکتۆر بەرهەم و ئەوانیتر

عوسمان گوڵپی - 21-04-2018 - 1196 جار خوێندراوەتەوە


لە سەرو بەندی هەڵبژاردنەکاندا هاوپەیمانی وەك هێزێکی نوێ کە دکتۆر بەرهەم ساڵح  سەرۆکایەتی دەکات زۆرترین چاوی لەسەرە، کاتێكیش باس لە کەسایەتی و ساڵانی  سەرۆک حکومەتی دکتۆر بەرهەم دەکرێت، زۆرێك بێ یەك و دوو چەندین جیاوازی نێوان دکتۆر و ئەوانیترت بۆ دەژمێرن کە بەڕوونی  دیارن هەر لە سولفەی عەقاری لادێ و شار و توانا سازی و قەرزی بچوك و زیادکردنی موچەی شەهیدان و چینە کەم دەرامەتەکەی کۆمەڵگە و گرنگیدان بە کشتوکاڵ و چەندین کەرتی تر، کآتێک کە ناتوانرێ نکۆڵی لە خزمەتەکانی بکرێت یەكسەر  دەڵێن خۆ دکتۆر بەرهەم بە پارەی خۆی نەیکردوە یان خۆ پارەی گیرفانی نەبوە هی حکومەتە ؟ 

ئەم قسەیە زۆر راستە بەڵام بیرمان نەچێ ئێمە گلەیمان لە  سەرۆک حکومەتەکانی پێش دکتۆر بەرهەم و دوای دکتۆر بەرهەم ئەوە نەبوە کە پارەی ماڵی باوکیان پێ نەدابین،  یان ئێمە لەبەر ئەوە بە خراپیان نازانین کە پارەی ماڵ خۆیان نەهێناوە ، بەڵکو ئێمە گلەیمان لەوە هەیە پارەی خەڵك بۆ خەڵك بێت، دەبێت پارەی ئەم وڵاتە بۆ خەڵکی ولاتەکە سەرف بکرێت، ئەوان پارەی میللەتیان بۆ خۆیان و حیزب و خزمەکانیان بەکار هێناوە و لەسەر پارەی میللەت خۆیان دەوڵەمەند کردوە، جیاوازی نێوان دکتۆر بەرهەم و ئەوانیتر بەکورتی لە حکومڕانیدا ئەوەیە کە دکتۆر بەرهەم پارەی خەڵکی بۆخەڵك بەکار هێناوە و ئەوانیتر پارەی خەڵکیان بۆ خۆیان بەکار هێناوە، بنەمای حکومڕانیش باشیش ئەوەیە داهاتی گشتی بۆ خزمەتی گشتی بەکار بهێنی و سەرۆکی هاوپەیمانیش هەر ئەوەی کردوە


ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP