کۆشکی دادپەروەری

دەلیل جەمال - 23-01-2018 - 5358 جار خوێندراوەتەوە

خوێنەری بەڕێز ئەم نوسینە لەنێوان واقع وخەوندایە. لەنێوان مێژوو ئەدەبدایە. زۆرجار بەپەنھانی لادان لەوشەو حەقیقەتدا ڕوودەدات،تەنھا واپێویست دەکات.
خۆئەگەر پەرچەپارچەکراوبێت، دڵنیام تۆی خوێنەر لەجەوھەری بابەتەکەوە پارچەکان دەبەستیتەوەو تابلۆکە تۆتەواوی دەکەیت.(ئەوناوانەش بەکاردێن خوازراون).

کۆشکی میرخاس،کۆشکێکی دیارو لەبەردڵان بوو،   بەھەوڵی میروکەسانی باش وچاپوک ودلێر بوونیات نرابوو،   لەناوچەیەکی تابڵێی دژوارو ناڕێک وپڕلەکێشەو شەڕووشۆڕدا  قەبیلەکان بەیەکیاندادەدا    براکان دژی یەکدی بوون  ئەم کۆشکە بوبویە شوێنی کەسانی دیارو بەتواناو عاقڵ وبەجەرگ وئازاو دڵسۆز،      ناوچەکەیان دەپاراست، ڕاستە زۆرجار لەناوکۆشک بۆڵەبۆڵ وسوکە شەڕو عاجزی دەبوو.

بەڵام ھەربرایەتی وتەبایی دەھاتەوە سەرسفرەو پێکەوە دادەنیشتن پلانیان بۆکارو فەرمانی بەیانی دادەنا.  بەڕادەیەک بووبوە شوێنی   ڕێبوارانیش ئەوانەش لەم لاو ئەولاوە دەردەکران میرو پیاوانی کۆشک  دەرگایان خستبووە سەرپشت بۆخەڵکی، ھەرچەند کۆشکیش بۆخۆی کێشەو گرفتی خۆی ھەبوو،      بەلام کۆشک ھەربەبەرزی مایەوە.

ناوی کۆشک چەندین کیلۆمەترو ناوچەو جوگرافیای بڕی گەشتە ئەوپەڕی دنیا . چونکە خونەویستی برایەتی خزمەت وبرابچوکی ھەبوو،سەفرەی کۆشک زۆرجیاوازنەبوو لەسفرەی پاسەوان وخزمەتکارەکان و خەڵکی قەڵەمڕەوی خۆی وناوچەکە.

بەھەرحاڵ کارواڕۆشت و بەردەوام بوو. تا وردەوردە پارەوپول وسەروەت و ماڵ وئەم جۆرانە ھاتنە گۆڕێ وردەوردە زوڵم وزۆرداری ستەم لەناوچەکە پەلی دەکێشا،
بەڕادەیەک شیرازەو تێکچوو  ناوچەکە  ئارامی لێ بڕا خراپەو تاوان زۆربوو  زۆردار تەنگی بە پیاوچاک ھەلدەچنی حوکم وێران بوو میوان چویە شوێنی خاوەن ماڵ  دز ئازادو دزیلێکراو  چویە زیندان،  پیاوکوژ دەگەڕاو کوژراو تاوانباربوو.
ئیتر بڵێم چی زۆرخراپ برا برای دەکوشت تاڵانی دزی گۆڕا بۆگەندەڵی، کۆشک ماتەم دایگرت میرخاس بەودەردەوە سەرینایەوە.سەدجار ڕەحمەت لەگۆڕی  قسەی پێشینانە کەس ناچێتەوە سەرباوانی خاسی تاخوا پێی ناخۆشبێت خراپ بوو تاعون وبرسیەتی تەنگی بە خەڵک ھەڵچنی کاربەدەستان بون بەدرۆزن گورگ لەپێستی مەڕ،ئەوان  وەک شا ئەژیان خەڵک برسی  نەخۆش لاواز تاعون بڵاوبویەوە.

پیاوچاک کەم زۆردارو دزو چەتە زۆربوون.ھەندێک لەکۆشک دەھاتنو دەچون  بڕیارلەکۆشک نەما ھەرکەسەو بۆخۆی ڕای دەکێشا،ھەندێکیش دەستەو وەسان  واق وڕمابوون  ھەر ڕۆژەو کەسێک دەھاتو دەبووە خاوەنی کۆشک  ئای خوایە رزق و ڕۆزوی ناو عەنبارەکانیان برد خزمەتمەتکارەکان یەک یەک  ڕۆشتن  ھەندێک بۆ نان مانەوە  ھەندێک بەباوەڕەوە لەوێ بوون  دەیان ووت ئەم ڕۆژە رەشانە دەڕۆن  ھەروانابێت  ھیمەتێک دەکەین و شکۆی کۆشک دەگێڕینەوە ئەمەش دڵسۆزی بوو.

بەڵام خەڵک بەتەواوی ھیوا بڕاوبوو، ھەرچی سەریان دەھێنا تازە ئەو سەردەمە نایەتەوە  دلسۆزی نەمابوو برایەتی نەمابو ئەوەی ھەبوو  مەسڵەحەت و عانەو دینار بوو  ئۆخەی ئۆخەی ھەرکەس  بۆخۆی  ھەرچەند تائێستاش  خەڵک ئەم جیرۆکە بەشێوەیەکی تر دەگێڕنەوە  ئیتروایە  بەپێی مەسڵەحەتی خۆیان ،،بەڵام دواجار  ھەرئەوەڕاست بوو  کە تەماع ودزی  وایکرد. پارەو سەروەت  تەنگی بەمەبدەئ ودڵسۆزی لێژکرد..

ھەندێکیشیان لەوانەی کۆشک لەدەرەوە مەراق سەری سپی کردن تا ئەوکاتەی ئیتر گسک درا لەکۆشک و کەکوپەل وخۆراک وعانەکانیان گواستەوە ھیچ نەما گشتیان برد و کۆشک چۆڵ بوو.بەڕادەیەک  خەریک بوو تاپۆکەشی بفرۆشن ھەندێک ئەیان فەرموو  کاروابڕوات  مێژووەکەش ھەڕاج  دەکەن،ئەوکرێکارانەی بەردوداروئاوو خۆڵیان  بەسەرشانی خۆیان  بۆئەم کۆشکە ھێنا    ئێستا  بێڕێزسەیردەکرێن  وەک خۆیان دەیان  وت ئەوانە ئیستا دەیخۆن  ھازرخۆرن  سفرەدڕن    تەنانەت  بێوەفان...

یەکێک لە پیاوانی کۆشک و دۆستی میر  گوتی چی بکەین ھیچ نەما، یکێک لەوانەی وەستابوون وتی ماوە زۆرشت ماوە.
ئەم قسەیە بویە مایەی مقۆمقۆو ورتەورت بەکۆ وتیان برا ئەوەچییە ماوە ڕووی تێکردن و وتی پارەوسەروەت و کەل وپەل برا. ئەوەی ماوە عەقڵ بیرو دانایی وژیری ڕێبازو بەرنامەو خزمەت عەدالەت و  ئەخلاق.. ھەموان پێکەوە دەستیان پێکردو کۆشکێکی دی لەسەرەتاوە بەردیان دانا  پاڵە جوتیار خوێنەوارو نەخوێنەوار موعەلیم و ووتابی ژن وپیاو گەنج وپیر شێخ ومەلا  بێ دین و دیندار گشت پێکەوە بەدەوری عەدالەتدا کۆبوەنەوە (کۆشکی عەدالەت)..ئاوا ھات ھاواریان دەکرد یەکەم بەرد سەرەتایە میر ئەمەی دەویست بۆ ئەمە ھەوڵی دا پێکەوەبین برابین خزمەتکاربین ،بۆیە بۆ ئارامی ڕۆحی میر دەست لەناودەست دروستیکەنەوە،دیارە ڕووداوی تر زۆرھەن و زۆرشتیتریش لەسەر کۆشکی میرخاس دەوترێت  .چونکە ھەندێک ھاتن و ئیتر کۆشک  وەکجاران  نەماو  ئەوەی کردیان  کردیان ئەمەقسەی زۆرێکە

زۆرچیرۆک باس دەکرێت ودەبێتە وێردی سەر زەمان،،ھەرتاقم وگروپێ بۆخۆی دای دەتاشێ بەڵام راسترینیان  ئەوەیە  خەڵکە خزمەتکارو  ھەژارو زەحمەتکێشەکە  باسی دەکات نەک ...

لەگەڵ ئەمانەشدا   ھیوا ھەرمابوو    زۆرێک  بەھیوای ڕۆژێکی تر   بوون بەکرێکار   بۆ کۆشکی عەدالەت  بەشان وبازوی خۆیان   بەردودارو ئاووخاک    ڕادەکێشین   بۆدروستکردنی کۆشکی دادپەروەری.....
 

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP