وەرن دابینە هەڤدید؟

عەلی ئۆرەماری - 14-01-2018 - 1651 جار خوێندراوەتەوە

دەركەفتنا هەڤپەیمانی دیمۆكراسی و دادپەروەری وەك تەڤگەرەكا سیاسی نۆیخاز تنێ خۆ دوێ چەندێ دا نابیت كۆ تنێ تەڤگەرەكا نوویە و گەرماتیا وێ ژی تنێ كارڤەدانەكا دەست پێكییا هەر رێكخستنەكا لۆكالە، بەلكی هەڤپەیمانی بەری ژدایك ببیت بۆ چەند مەهەكا تهنا دەركەفتنا وێ و ئەو كەسێن لپشت پڕوژەیێ وێ دراوەستان هەم دورماندورێن خۆ گەرمكربوون و هەم  هند لایەن ژی دەست پێكێن نەعلە تایەكا گەرم گرتبوون ، ژبەركۆ هەر ل دەست پێكێ دیزاینەرێن پڕوژەی هنگافتنا كۆپیتكا دەستهەلاتێ كرینە ئارمانج ، كە ئەڤەژی ژبەژنا وان پارتیێن  كەتخۆارێن دەستهەلاتێ نائێن ، وەك كا چەوا چاكسازیی مینا پاقژكرنێ ژ پەیسكا بلند تێتەخارێ وەسان ژی كەزاختن و راستڤەكرن و چاكسازیا دەستهەلاتێ ژی دەبیت ل كۆپیتكێ بێتەگرتن  و دەمارێن وی سستەمێ بیست و حەفت سالە نەهاتیەكەزاختن و نویژەنگرن ل وێرێ بێتە راستڤەكرن وسەروشنی بێتەدارشتن.

 

رەنگە ترسا وانا یا دجهێ خۆدابیت ژبەركۆ هەڤپەیمانی بوی كراسێ تازەیێ ژیانا سیاسیا لبەر خۆكری وەك مۆدێلەكا نویا خەباتێ ، بڕەنگەكی هەمی ئەو دەردێن پارتێن كەڤنارێن دناڤا خەلكی دا چاندین و رێكخستنا وانایا مۆدێل بسەرڤەچووی ، كە هەمی بزاڤێن هەڤركیێن وانا بەرف بحزبیكرنا هەمی جڤاكی ڤەدچوون بشێوەیەكی تنێ نەك ئاشتیا جڤاكی ئێخستینە دمەترسیێ دا بەلكی ئاشتیا دخودێ ئێك خێزان داژی لبن كەفێن نافچوونێدایە و هەڤركیا ئایدیا هشك باوەر د ئێك خێزاندا ژی جەدەل و گەفەكا رۆژانەبوویە دناڤا خۆدێ ئەندامێن ئێك خێزاندا.

 

لەوان ژی پڕوژەیێ نویێ خەباتا هەڤپەیمانیێ لسەر وی بیاتی هاتیە دانان كۆ خاتر خاستنێ ب وێ فۆرما كەڤنارا سقەتا بحزبیكرنا جڤاكی بینیت و لجهێ وێ ، پڕوژەیەكێ نوی بینیتە زمان كە سەرەدەریێ لگەل فورما بتابووكرنا كەسان نەكەت ، بەلكی برێكا تەكنۆلوجیا سەردەم بەرنامە و پڕوژەیێن خۆ بێخیتە سەرتورێن ئینتەرنێتێ و لجهێ جڤینین دائێخستیێن حزبی گرێ بدەت  و  برێكێن نەشارستانی خەلكی پاوان بكەت ، هەركەس  ل مالاخۆ و ب وێ مۆبایلا ددەستێن خۆدا بكاریت بەرنامە و ئارمانجێن هەڤپەیمانیێ بخۆینیت و كەنگی ڤیا ببیتە هاریكار و هەڤدیدێ هەڤپەیمانیێ و كەنگی نەڤیاژی بێی هیچ دان و ستاندنەك خاترخاستنێ ژێ بكەت.

 

زێدەباری ڤێ ئێكێ ژی كۆ هەڤپەیمانیێ دڤێت خاترخاستنێ ل فورما حزبیا كەڤنار بكەت دهەمان دەمدا ژی پلانا وێ ئێكێ ژی دارشتیە كۆ خاترخاستنێ ژ سەنگەرگرتنا ئایدیایی یا عیلمانی و ئیسلامی بكەت و  بكریار ئەو ئێك دهەمی ناڤەندێن خۆدا تەكەسكریە كۆ ئەم ژبۆ ئارمانجا راستڤەكرنا سستەمێ حۆكمرانیێ دكارین دئێك مالادا خەباتێ بكەین و هیٍزو شیانان ژبۆ خزمەتا گەل ووەلاتی بێخینە زمان و ئەڤەو ژبلی ڤێژی هەڤپەیمانیێ هند پلان هەنە كۆ خاسترخاستنێ بدیاردەیێن ناوچەگەریێ و زوومگەراتیێ و بارڤەبوون و زاڵبوونا بنەمالان بینیت ، لەوان ژی ژبۆ پڕوژەیەكێ هوسان گەلەك گرنگە هەمی تاكێن ڤی وەلاتی و بتایبەت ژی هێزا گەنجان خۆ ل دور ڤی پروژەیداببینن و بێژین وەرن داببینە هەڤدید . 

 

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP