بەپەلە

پرا دەربازبوونێ ؟

عەلی ئۆرەماری - 30-12-2017 - 2085 جار خوێندراوەتەوە


ئێک ژ مژارێن ھەری گرنگ و مەزنێن ئەڤرو دھەرێمێدا پاناتاییەکا مەزن بخۆڤە دیتی  ، قەیرانا سیاسی و ئابۆریە  و چەوانیا ڤەدیتنا رێکێن تێپەراندنەکا بسلامەتا ڤێ قوناغێ ژ کارێن ھەری مەزن و پەیوەندیارە ب ژیانا ھەرتاکەکێ ڤێ ھەرێمێ و یێ بکاریت نەخشە رێکەکا دەربازبوونێ ژی  ببینیت ب پشت راستیڤە دێ بیتە خۆدانێ جۆخینەکا پری بەرەکەت ، لسەر ڤی بابەتی نھۆ دھەرێمێدا دو ستوین پەیدابووینە و ھەردوستوین  دھەڤرکیەکا مەزنا خۆ روکماندنێدانە ، کی دکاریت  دیزاینەرێ وێ نەخشەی بیت ، ئەو دێ بیتە خۆدانێ بێدەرەکا ببەرھەم  ، ھەر چ ستۆینا ئێکێ یە ، ئەو ھێزن یێن بەشەکێ سەرەکی بووینە ژ دەستھەلاتداریا ھەرێمێ بدرێژاھیا ژیێ حۆکمرانیا باشۆر و پێکھینەرێن ژمارە ئێک و دوویێن سەروکاتیا حکۆمەتا ھەرێمێ  یا ئەڤرونە ، کە جارەکێ دو پارڤەکەرێن ھۆیربینن دینار ب دینارێن سەروسامانی نە و دڤێدا ھیچ ئالوزیەک و گرفتەک دناڤبەرا واندا نین و جارەکێ ژی ئێک بریاردەر و ئێک دەھمەنا بریاریێن یادیترە و دژیانەکا سیاسیا پارادوکسا ھەڤدژ و دئێک گیاندا  دژین.

  ئەڤەبخۆ ژی ئەگەرەکە کۆ ئەو لەشێ ئەو تێدا پێکڤە بژین دێ لەشەکێ نەساخ و پری دەردبیت   و راستەوخۆ ژی ھەر ئەو بخۆ ئەگەربووینە و کۆ ھەرێم بکەڤیتە دچالا ڤالابوونا بەرنامەیێن دوم درێژێن ستراتیژی و نە بکردارکرنا وان ھەمی بەرنامەیێن ب قردێلێن سور ھاتینە برین ، کە د ئەنجامدا ھەر تشتەکێ دڤی وەلاتیدا دەستێ خۆ بو درێژ بکەی دێ بسەر کۆمەکا لوغما ھەلببی وھندی  بینیی وببەی سەرێ تە ژێ دەرناکەڤیت ، پەیوەندیێن سیاسی بووینە گلولکەکا ئالوز سەرێ داڤَێ ل ج جھا دیارنینە ودەستھەلات ژی جارەکێ وەکو  کەتخۆار خۆ نمایش دکەت وجارەکێ ژی.

  ب عینادەکا کۆرەیا سیاسی رەفتارێ دگەل ڤەدیتنا چارەسەریان دکەت و رولێ دزی و مالخێ مالێ دبینیت  ، برەنگەکی خەلک ھندە لێ شارەزاو بێزار بووینە لجھێ جڤینان داربخەن حەز ناکەن خڕڤەببن چونکی ژدەھمەنا جڤینا وان دێ قەیرانەکا دن ژدایک بیت ، قەیرانا ئابۆری ژی ھندە گران و بگرێکە ناڤەندێن بسپۆریێن نیف دەوڵەتی ژی خۆ ژێ ڤەدزن و نکارێن سەرێ خۆ بکەنە دڤان ئالوزیاندا  ، سەربەخۆیا ئابۆریا دەستھەلاتێ دەوھۆل بو لێ ددان تنێ قڕکا ھەژارێن ھەرێمێ دھنگێڤیت ومرن و نەساخی یا کەت و جووتانێ بھەژاران دکەت ،  کەتخۆارێن سیاسی ژی  بێ قەلەو دبن ، وەلێ ھاتیە کەس نزانیت چ لڤی وەلاتی قەومیی یە ئەرێ دبەرنامێ سەربەخۆیا پەترولێدا ڤانا پەترول فروتیە یان ژی پەترول کریە ؟

دستوینا دووێدا ھند پارتی ھەنە دناڤبەرا چاکسیازیان دناڤا حکۆمەتێ دا بکەن یان ل دەرڤەی ھەلامەتێ حکۆمەتێ سەرکێشیا دەنگێن تۆرە بکەن  حێبەتی ماینە ، زێدەتر ژ چارسالان بوویە  دنیڤا رێدا ونداببون تا ھند ھێزان بدرەنگی بریارا خۆدان ل بەرەی خەلکداببن و جیتر گۆنەھا بێ گۆنەھا ھەلنەگرن  و ھند ژی ھێش پێشلکێ گرتینە و بریاردانا خۆڤەکێشان و نەڤەکێشان  یا بوویە داڤا پرا سیراتێ و پروسەیەکا ئاسێ یە  ، گەل دنالە و قەیرانان ژیان یاکریە ژەھرەمار و گەلەک گران بوویە ، دەرکەفتن دڕەوشەکا تەڤلی ھەڤا بڤی رەنگی پێویستی ب ئەندازیارەکی ھەیە دکێشانا. 

راستەھێلێن پروژەیەکێ دا گەلەک ھۆیربین بیت و بھشیاری پێنگاڤێن خۆ پاڤێت ، برەنگەکی گەلەک گرنگیێ بدەتە گرەنتیێن سلامەتیا گشتی  و ھێزێن مرۆڤی  و عەقلێن پاقژ دبەرەیەکێ دیمۆکرات دا خڕڤەبکەت  و بمەرجەکی فۆرما رێکخستنەکا کلاسیک و ناوچەگەراتیێ و ئایدیایێن چەپ و ئیسلامی  دەربازبکەت و بشێوازەک سەردەم و نۆیخاز خۆ نمایش بکەت و  وەرگرتنا دەستھەلاتێ بکەتە ئارمانجا ھنگافتنێ و ژبۆ ھنگافتنا ڤێ ئارمانجێ ژی زێدەباری بەرھەمی دیزاینەری گرنگە ھێزێن دیترێن جادێ ژی جھێ وان بێتەکرن  و بدادوەریی سەرکێشیا ھەمی تەخ و پێکھاتەیان بکەت تا ڤێ قوناغێ دەربازدکەت و گەل بگەھینتە کنارێن ئارام .

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP