خۆپێشاندان ھاتنە کرن، پێنگاڤا دووێ دێ چبە

عەلی ئۆرەماری - 23-12-2017 - 2613 جار خوێندراوەتەوە


دەرھاڤێژێن وێ سیاسەتا خرابا حزبێن دەستھەلات دار لگەل داخازیێن خەلکێ سڤیلێ ھەرێمێ ئەنجام ددەن ، ئەوێن برێکا خۆپێشاندانێن مەدەنیانە داخازا باشترکرنا ئاستێ بژویوێ ژیانا رۆژانە  و پێشکێشکرنا خزمەتگۆازیان دکەن  روژ بۆ رۆژێ  ھەرێم یا بەرف چارەنڤیسەکێ نەدیار دچیت  ، ئەڤە بخۆژی ھەر دەرئەنجامێن کەفتنەسەرئێکا ھەلەیێن سیاسی و قەیرانێن ئابۆری وکارگیری و  وندابوونا بەرنامە و پلانێن چارەسەرکرنێ تێن ،  ونەبوونا پێنگاڤێن  چاکسازیان خەلک بێزاربوویە وگەھشتیە ئاستەکێ مەترسیدار. 

چیتر خەلکی  ئەو باوەری نەمایە  ئەف دەستھەلاتە  بکاریت وەزیفا خۆیا سروشتی ژ دابینکرنا تەناھیێ و نانی بۆ خەلکی دابین بکەت ، دھەمان دەمدا ژی سوربوونا وانا یا بێ عار لسەر مانەڤە لسەر دەستھەلاتێ سەرەرای ب پێی عورف و بنەمایێن یاسایی پێویست بۆ ل ئێکێ مەھا مژدارا ئەف سالەدا  کە دوماھیک دەمێ دەست نیشانکریێ ئەنجامدانا ھەلبژاردنان بوویە بۆ پەرلەمان و سەروکاتیا ھەرێمێ و نە ئەنجامدانا ھەلبژاردنان وەک دەرئەنجامەکێ گرێدای دەرھاڤێژێن ئەنجامدانا ریفراندۆمێ کە راستیەکا حاشا ھەلنەگرە پێش ئێخستنا ریفرادندۆما کارەسات بار بەریا ئەنجامدانا ھەلبژاردنان کۆمبلویەکا نافخۆیی بوویە ژبۆ ھەلبژاردن نەئێنە کرن ، و زێدەباری کۆ دیسان دەرھاڤێژێن وێ ریفراندۆمێ ھەم ل سایا سەرێ ریفراندۆمخازا مە ٥١% ژ خاکا کوردستانێ ژدەست دا و ھەم ژی بەرێ ھەرێمێ دا تۆنێلەکا دائێخستس و ھەرێم لبەردەم ھند سیاریوویان ڤەکری ھێلایە ، کە لجھێ پەرلەمان ب پێنگاڤەکا نامۆ ژھەمی سەربوورێن ھەیی دجیھانێدا داخازا دەست ژکارکێشانا حکۆمەتێ بکەت و حکۆمەتەکا رزگاریا نشتیمانی پێک بینیت.

 مخابن ڕابوون تەمەنێ خۆ بو دوو خۆلان درێژکر و شەرعیەت دا دەستھەلاتەکا ئیفلیجا بێ بەرنامە و بێ پلان ودیسان دا خەلەکێن مەینەتی و دەردەسەرییێن خەلکێ ھەرێمێ دبەردەوام بن ، نھۆژی پشتی ئاستێ تۆرەبوونا خەلکێ مافدار گەھشتی یە ئاستێ پەقینێ و جادە دووبارە ھاتە شاراندن ژ بانگێن بلندێن بدەھان ھزار کەسان کۆ داخازا " ھەرن " دەست ژکارکێشانا ڤێ حکۆمەتێ دکەن برێکا خۆپێشاندانێن مەدەنی مخابن دبەرامبەردا ھەم بەرسڤا خۆپێشاندەران بگولەیا ھاتە کرن و چەندین ھەڤوەلاتیی ھاتنە شەھیدکرن و ھەم ژی باژێرک و تاخ ژی  تەژی عەسکەرکرن و بڕەنگەکی دەما مرۆڤ نھا تەماشەی کۆلانێن رانیە و چەمچەمال دکەت مروڤ دچیتە شرنەخ و ھێرشێن لەشکەرێ ئەردوغانی بۆ سەر شرنەخیان  تێنتەە بیرا مرۆڤی ، ژڤێ ژی ئالوزتر سۆتنا ھن فەرمانگەھان ژی ھاتنەکرن کە گومانا وێ ئێکێ ھەیە دڤی بەشیدا گڕوپێن سەر ب حزبێن دەستھەلاتێ بەھر تێدا ھەبیت ژبۆ ھەم درێژیێ ب قەیرانان بدەن و قەیران بەشەکێ تەمەن درێژیا وانایە ھەم ژی دا وێنەیێ راستێ خۆپێشاندانێ کرێت بکەن و ئارمانجێن خۆپێشاندەران بۆ رێکەکا دن دەربازبکەن  ، لێ تۆرەبوون گەھشتیە رادەکێ ئەز نەباوەرم ئەف دەستھەلاتە بھەر چ وەسیلەیێن فشارێ و چەکی بکاربینیت بکاریت خۆ لسەر کورسیان بگرن و ملکەجی ئیرادەیا دەنگێ گەل نەبن کە خۆ ددەست ژکارکێشانا ڤێ حکۆمەتێ دبینیت و پێک ئینانا حکۆمەتەکا دەمکۆرتا رزگاریا نشتیمانێ و ئەرکێن تێپەراندنا ڤێ قۆناغێ بھەلگریت ، ل ڤێرە پرسەک ھەری گرنک تێتە پێش ئەوژی ئەوە ئەگەر ھەرچەندە خۆپێشاندان خۆپێشاندانێن خۆرسکێن خەلکینە و ھیچ ھێزەک نکاریت خۆ بکەتە خۆدانێ سەرکێشیا خۆپێشاندانان لێ  ھێزێن خۆ ب بەشەک ژ داخازیێن خەلکی دھەژمێرن و دبەرەیێ گەلدانە چ بکەن و چ پێنگاڤ بێتە ھاڤێتن کە ئەگەر  خەلکی  پلانا ئێکێ بگەرمکرنا جادێ و ئەنجامدانا خۆپێشاندانا دابنین.

 ئەی پلانا دوو دەبیت چ بیت و ئەو ھێزێن خۆ ب بەشەک ژ داخازیێن خەلکی دزانن چبکەن ، خۆ ڤەکێشانا ھەر ئێک ژ گۆران و کۆمەل پێنگاڤەکا ئەرێنی یە و چاڤەرێ تێتەکرن کۆ ل چەند دەمژمێرێن بھێدا یەکگرتۆیا ئیسلامی ژی ھەمان پێنگاڤ پاڤێژیت ، و دەرگەە لبەردەم پێنگاڤا ئێکلاکەر بێتە ھاڤێتن ئەو ژی جێ بەجێکرنا مانگرتن و بایکوتکرنەکا  ئاشتیانەیا سەرانسەرێ  ھەرێمێ بیت  و پێک ئینانا بەریەکێ بەرفرە  بتایبەتی ژ ھەڤپەیمانی بۆ دیمۆکراسی و دادبەروەری و بزاڤا گۆران و گۆمەل و زورینەیا یەکگرتو و کە ھەژی ئاماژەپێکرنێ یە ھەر ل دەست پێکا پێک ئینانا قەوارەیا ھەڤپەیمانیێ بیر ل دروستکرنا بەرەیەکێ بەرفرەھتر ھاتیە کرن ژبۆ ھنگافتنا ئارمانجا چوونا سەر دەستھەلاتێ ژبەر کۆ ھەر بزاڤەک و کارەکێ بێتەکرن ئەگەر وەرگرتنا دەستھەلاتێ  نەھنگێڤیت و ئەف سەربۆرا ددتەمەنێ بیست و شەش سالاندا نەشیایی سستمەکێ کارایێ حۆکمرانیێ ل کوردستانێ بەرھەم بینیت ، ب مانەڤەیا ڤان حزبێن ددەستھەلاتێدا لسەر کۆرسیێن دەستھەلاتێ واتەیا مانەڤەیا ڤان قەیرانان ددەت .

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP