بووچی خه‌لكی دكتۆر به‌رهه‌م دڤێت ؟

عەلی ئۆرەماری - 27-11-2017 - 7439 جار خوێندراوەتەوە

ئێكه‌م ده‌ركه‌فتنا دكتۆر به‌رهه‌م صالح وه‌ك ستێره‌ك دبیاڤێن سیاسی و ده‌وڵه‌ت داریێ دا ل چاڤ ئه‌وێن ركمانیێ دكه‌ن لسه‌ر مانه‌ڤه‌یا وانا لسه‌ر كورسیا ده‌ستهه‌لاتێ ئه‌فجا ئه‌و ده‌ستهه‌لات  چ  ده‌ستهه‌لاته‌ك حزبی بیتن یان ژی حكۆمی ، هه‌م جێوازتره‌ و هه‌می ژی ئه‌و ده‌مێن ئه‌و ددستهه‌لاتێدا بوویه‌ پڕ ده‌ستكه‌فت و پڕ به‌رهه‌متربوویه‌ و ژلایه‌كێ دیڤه‌ژی لنك  خه‌لكی ڤه‌ گه‌له‌كێ خۆشتڤی یه‌  ، ده‌ركه‌فتنا ویژی جۆدا ژ گه‌له‌ك وان سه‌ركردێن ل جیایی هاتینه‌ خارێ و وێ قوناخێ ژی بخۆ ب پاشخانه‌یه‌كا شۆره‌شگێری ل قه‌له‌م دده‌ن و ڤێ ئێكێ بنفشه‌كێ پیروزتر ژ ئه‌وێن دیتر ل قه‌له‌م دده‌ن.

ئه‌گه‌ر لگه‌ل هه‌می رێزێن مه‌ بۆ وان سه‌ركردان لێ چ جارا مه‌رج نه‌بوویه‌ یێ دوهێ لسه‌ر ده‌مێ شۆره‌شێ قاره‌مان بوویه‌ دێ دده‌ستهه‌لاتا مه‌ده‌نیدا ژی شاسۆارو پاله‌وان و ده‌وڵه‌ت داربیت و بدیتنا مه‌ ئه‌ف خاندنه‌یه‌ یا گه‌له‌ك ژ خه‌لكیێ مه‌ پێ تێنه‌ بێده‌نگرن و پێ تێنه‌ سه‌ردابرن ، ژبه‌ركۆ ئه‌گه‌ر هه‌رچه‌نده‌ ده‌ست پێكا دكتۆر به‌رهه‌م ساڵح ژی یا سیاسی ل زیندانێن رژێما به‌عسدا ده‌ست پێدكه‌ت  ، لێ گه‌ره‌كه‌  مرۆڤ هۆیربینتربیتن ڕه‌نگه‌ ئێك ژ نیشانێن سه‌ركه‌فتنا وی بۆ وێ ژینگه‌ها دویر ژ ده‌مارگیریێن ئایدلۆجی بزڤریتن و تێكه‌لیا وی یا ب سسته‌مێن پێشكه‌فتیێن ئه‌مریكا و گۆمان ژی تێدا نینه‌ به‌شه‌كێ ره‌نینا كه‌سایه‌تیا وی و ده‌ركه‌فتنا ویا سه‌ركه‌فتیانه‌ ڤه‌بگریێت بۆ وێ ئێكێ كۆ تیكه‌لیا ویا ب سسته‌مێن رۆژئاڤا هاتبیته‌ ڕه‌نین ، له‌وان تنێ ئه‌گه‌ر وان نمۆنه‌تێستێن دكتۆر به‌رهه‌م  دده‌ستهه‌لاتێدابوویه‌ وه‌ك گرۆڤه‌ مرۆڤ وه‌ربگریت دێ بۆ مرۆڤی لێهاتیا ڤی سه‌ركرده‌ی و نهێنیا ڤیانا خه‌لكی بۆ دكتۆر به‌رهه‌م بسانه‌هی دیاربیت ژوانا .

ئێكه‌م ده‌ركه‌فتنا وی دبیاڤێ حۆكمرانیێدا و وه‌ك سه‌روكێ حكۆمه‌تا هه‌رێمێ لسه‌ر ده‌مێ دوو ئیداریێدا ل 2001 ده‌ست پێده‌كه‌ت تا ناڤه‌راستا 2004ێ ل سلێمانیێ ، دڤان سێ سالاندا سه‌ره‌رایی وێ ئێكێ كۆ جاره‌كێ هه‌رێما كوردستانێ هێش لبن دورپێجێن ئابۆریدا دژیا و جاره‌كێ ژی داهاتیێ بده‌ست ئیدارا سلێمانیێ دكه‌فت گه‌له‌ك ژوێ ئێكێ كێمتربوویه‌ مه‌هانه‌یێن مۆچه‌خۆرێن ئیدارا سلێمانیێ پێ بێنه‌دابینكرن ، لێ دیسان نه‌تنێ شیا مه‌هانه‌یێن مۆچه‌خۆران دده‌مێ خۆدا و بێ گیروكرن دابین بكه‌ت به‌لكۆ گه‌له‌ك شیان مه‌زاختن ژبۆ باشتركرنا ئاستێ ژیانا خه‌لكی و باشتركرنا ئاستێ خزمه‌تگۆزاریان و شیا ژی بنیاتێ گه‌له‌ك پڕوژه‌یێن گه‌شه‌پێدانا ئابۆری دابنیت و دده‌مێ ڤان سێ سالاندا هیڤین گه‌له‌ك ژ خه‌لكی پێڤه‌ بێنه‌ گرێدان وه‌ك سه‌ركرده‌كێ ده‌وڵه‌تدار .

پشتی كه‌فتنا رژێما دكتاتۆریا به‌عس ژی ئێكسه‌ر ل نیڤا دووێ یا 2004ێدا وه‌ك جێگرێ  سه‌روك وه‌زیرێن عیراقێ ده‌ست بكاربوویه‌ و پاشان وه‌زیرێ پلان دانانا عیراقێ دحكۆمه‌تا ڤه‌گۆهاستنێدا  ل 2005ێ و پاشان وه‌ك جێگرێ سه‌روكێ جڤاتا وه‌زیران دكابینا حكۆمه‌تا مالكیدا و دباده‌كا ئابۆری دا  ژی بوویه‌  سه‌روكێ لیژنا ئابۆری  ، و دڤان سالێن ده‌ست پێكیێن كه‌فتنه‌ سه‌ر سكه‌یا داخازی و جهگیركرنا مافێن گه‌لێ كورد هه‌م ددستورێ عیراقێدا و هه‌م ژی وه‌ك سه‌ركرده‌كێ خۆرتێ سیاسی و دبلۆماسی دبیاڤێن جێ به‌جێكرنێ دا وه‌ك جێگرێ سه‌روك وه‌زیران روله‌كێ مه‌زن دیتیه‌ بتایبه‌ت د جهگیركرنا پشكا هه‌رێمێ ژ بودجه‌یا عیراقێدا و جهگیركرنا رێژه‌یا 17% بۆ هه‌رێما كوردستانێ كه‌ هه‌ر كه‌س دزانه‌ حزورا دكتۆر به‌رهه‌م و هۆنه‌رێ  رازیكرنا یێن به‌رامبه‌ر تا چ راده‌ دپله‌یێن بلندابووینه‌ و ڤێ لێهاتنێ چه‌ند ده‌ست كه‌فت بۆ گه‌لێ كورد دوێ قوناخا ده‌ست پێكیدا ده‌سته‌به‌ركرینه‌.

دكتۆر به‌رهه‌م سه‌ركرده‌كێ دویر بین بوویه‌ و به‌رده‌وام وه‌ك چه‌وان جه‌نابێ مام جه‌لال دگه‌له‌ك دیدار و گۆتنێن خۆدا ئه‌و ئێك ئینایه‌ زمان كۆ كێشا كوردی د عیراقه‌كا دیموكراسیدا بسانه‌هی تێته‌ چاره‌سه‌ركرن  ، بهه‌مان تێگه‌هشتنێ دێ بینی دكتۆر به‌رهه‌م ژی وه‌كی نۆینه‌رێ عیراقێ دبیته‌ خۆدانێ ده‌ست پێشخه‌ریا په‌یمانا ده‌ولی ( العهد الدولی ) ، ئه‌و ژی په‌یمانه‌كا پێگریێن گهۆركه‌ دناڤبه‌را عیراقێ و جڤاكێ ده‌وڵه‌تیدا بۆ پاڵپشتیا عیراقێ ژبۆ جێ به‌جێكرنا پێگریێن خۆ دئاڤاكرنا عیراقه‌كا دیمۆكراسی و ئیتحادی پێشكه‌فتی و ئارام،  جاره‌كێ لگه‌لخۆدا وه‌ك عیراق ب پێكهاته‌یێن خۆڤه‌ و جاره‌كێ ژی لگه‌ل ده‌وروبه‌رێن خۆدا لسه‌ر ئاستێ هه‌رێمی و ده‌ولیدا .

ژلایه‌كێ دیڤه‌ و ژبۆ ئاڤاكرنا ژێرخانه‌كا مرۆڤی و گه‌شه‌پێدان و شاندنا شیانێن كارگێری وزانستی و  سیاسی و دیپلوماسیدا و دروستكرنا ژینگه‌هه‌كا ل بار لبه‌ر ده‌م ئاڤاكرنا سستمه‌كێ كارایێ كارگێری  دهه‌رێما كوردستانێدا برێكا پێگه‌هاندن و ئاڤاكرنا كه‌سانێن بسپۆر و ئه‌كادیمی دبۆارێن جوداجودا دا وه‌ك ڕابوونه‌كا سه‌رتاسه‌ری زانكۆیا ئه‌مریكی ل عیراقێ – ل سلێمانیێ دامه‌زراند .

ل 16-9-2009 ێ بۆ ده‌مێ تنێ دوو سالان پۆستێ  سه‌روكێ جڤاتا وه‌زیران دحكۆمه‌تا هه‌رێما كوردستانێ وه‌ردگریت و سه‌ره‌رای وێ ئێكێ كۆ هه‌ر كه‌س دزانیت دوه‌رگرتنا پۆستێ سه‌روكێ چڤاتا وه‌زیران لێ به‌ری وی پوستی وه‌ربگریت حكۆمه‌تا هه‌رێمێ  نه‌تنێ ئیفلاسا خۆ راگه‌هاندبوو به‌لكی حكۆمه‌ت بكۆژمه‌كێ مه‌زن قه‌ردارژی كربوو ، و زێده‌ی ڤێ ئێكێ ژی لسه‌ر ده‌مێ كابینا دكتۆر به‌رهه‌م سالح ژی تازه‌ ب تازه‌ ئۆبزسیوون ده‌ركه‌فت بوو  بۆ زێده‌تر ژی شیست رۆژان به‌رده‌رگه‌هێ سه‌را سلێمانیێ بانگێن ئێخستنا حكۆمه‌تێ دكرن و گه‌له‌ك ئاسته‌نگ و فشارێن دیتر ژی لبه‌ر ده‌مێ كابینا دكتۆر به‌رهه‌م هاتبوونه‌ دانان لێ بۆ هه‌ركه‌سه‌كی ژی دیاره‌ ژبلی كۆ هه‌ر دبابه‌تێ زه‌لالبوونا ژێده‌رێن داهاتی و خه‌رجییان و ره‌وانه‌كرنا بودجا حكۆمه‌تێ بۆ په‌رله‌مانی و ئامادبوونا ویا مێژوویی بو زێده‌تر ژ 9 ده‌مژمێران لبه‌رده‌م په‌رله‌مانتاران و حێبه‌تیبوونا هه‌ر كه‌سه‌كی ل وێ سنگ فره‌هیا وی دروستكری لبه‌ر ده‌م هه‌ر پرسه‌كا هه‌یی بێته‌كرن ، ژڤێ ژی زێده‌تر بزنجیر هنده‌ك ژوان ده‌ستكه‌فتێن ببورینا زێده‌تر ژ شه‌ش سالان بسه‌ر كابینا دكتۆری لێ خه‌لك نهۆژی چاڤه‌رێ یه‌ جاره‌كا دن ئه‌و ده‌مێ زێرین بچاڤێن خۆ ببینن و ل وی جهێ ده‌ستكه‌فت لێ ڕاوه‌ستاین جاره‌كادیتر لسه‌ر ده‌ستێ وی ده‌ست پێبكه‌نه‌ڤه‌  ژوان ده‌ستكه‌فتان ژی .

قه‌رێن بچویك بۆ گه‌نجان 
به‌رنامێ تواناسازییا مرۆڤی بۆ ئێكه‌مێن زانكۆیا 
سلفێ ئاڤاهیان " بۆ گۆندان 20ملیون "
سلفێ ئاڤاهیان بۆ ناڤه‌ندێن باژێران 30ملیون 
سلفێ هه‌فژینێ پێنچ ملیون 
دامه‌زراندنا ده‌رچوویێن زانكۆو په‌یمانگه‌هان ب فورمه‌كا تایبه‌ت دوویر ژ مایتێكرنێن حزبی 
سلفه‌ و قه‌رێن چاندنێ و دانا مالێن پلاستیكی 
خۆسه‌ریكرنا زانكۆیان 
پێدانا مه‌هانه‌یێن مۆچه‌خوران دده‌مێن خۆدا 
باشتركرنا كاره‌با نشتیمانی 
زه‌لالبوون دفروشتنا نه‌وفتێ و ئاشكه‌راكرنا داهاتی 
دابینكرنا مۆچه‌ی بۆ خۆدان پێتڤیێت تایبه‌ت 
ئاڤاكرنا خانیان بۆ كه‌س و كارێن شه‌هیدان و ئه‌نفالكریا و رێزگرتن ل كه‌س و كارێن وانا 
دابینكرنا بیما بێكاریێ بۆ ده‌رچویێن زانكۆیان به‌ری بێنه‌ دامه‌زراندن 
لساندنا بسه‌دان ئاڤاهیێن میری وه‌ك باره‌گا ژ یه‌كێتی و پارتی و حزبێن دیتر 
ڤه‌كرنا زانكۆیێن نوی ل ده‌ڤه‌رێن جودایێن هه‌رێمێ .

نۆكه‌ ئه‌و راستی ب باشی دیاردبیت ئه‌رێ بوچی خه‌لكی دكتۆر به‌رهه‌م دڤێت .
 

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP