هەواڵی ئەمڕۆ

بەپەلە

کارت و بژارەیێن ددەستێن هەرێمێدا؟

عەلی ئۆرەماری - 7-11-2017 - 2260 جار خوێندراوەتەوە

پشتی ئەنجامدانا ریفراندۆمێ و پشتگوهاڤێتنا هەمی ئەو پێشنیازو ئنترناتیفێن پێشکێشی سەروکاتیا هەرێمێ دکرن دوەختێ خۆدا و رژدبوون لسەر ئەنجامدانا ریفراندۆمێ، هەرێم ئێخستە د دوریانەک گەلەک ئالوزدا، دنهۆدا لجهێ چاڤەرێ تاتەکرن ب بێی پێشبینیێن سەرێن ریفڕاندۆمخازان کۆ  سەربەخۆیا کوردستانێ بێتە ڕاگەهاندن و دوڵەتا باشۆر بێتەدی، دەرهاڤێژێن  وێ خەلەتیا دیروکی زێدەتر ژ 50% ئاخا هەرێما کوردستانێ ب کەرکۆکا دل و قودسا کوردستانێڤە هاتە ژدەست دان و پشتی هەڤڕکیەکا تۆند ژی لسەر مان و نەمانا پۆستێ سەروکاتیا هەرێمێ، ل دوماهیکی دیسان برێکەکا پڕێ فشارخستن بارزانی دەست بەردارێ کورسیکا سەروکاتیا هەرێمێ بۆ، یان ڕاستر بێژین هەلاویستنا وێ کۆرسیکێ برێکا دابەشکرنا دەستهەلاتێن سەروکاتیا هەرێمێ بسەر سەرۆک و سەروکاتیا حکۆمەتێ وسەروکاتیا پەرلەمانی و دەستهەلاتا دادوەریدا.

 هەرێما کوردستانێ ژی نهۆنەتنێ بێ دوستە بەلکی دوستێن دوهێ برا پشکێن دەستهەلاتا هەرێمێ بوون ،ئەڤرو دوژمنێن سەرسەختێن هەرێمێ نە و ل دەمەکیدا دناکۆک بوون لگەل عیراقێ نهۆ بووینە دارێ هێزا دادیێ ددەستێن عەبادیداو هەرێم ژی تنێ یا نفرینا ل دوستێن دوهی دکەت ،و ئەڤێ بیرامرۆڤی  ل گۆتنێن سەدامێ دکتاتۆر تینیت دەما ل دەست پێکێن هێرشێن هەڤپەیمانا بۆ سەر عیراقێ و بتایبەت بۆ سەربەغدا دگۆتارێن خۆدا گەلەکا جارا دگۆت (ولقد غدر الغادرون)،نهۆژی هەر ئەوامای سەروکاتیا حکۆمەتێ وەکی هێجەک و خۆ ڤەدزینەک بو شکەستنێن  خۆ و بێ بەرنامەیێن خۆ بدرێژیابیست و شەش سالێن بووریدا  هێرشێ بکەتە سەرئەمریکا وهەرئێک ژ تۆرکیا وئیرانێ و ب غدرالغادرون بناف بینیت، بێ ئاگەهەژی کۆ  نهۆژی هێش خەلەکێن شکەستنێن ڤێ دەستهەلاتی بدوماهی نەهاتێنە تا دبەردەوام بن لسەر ڤی شێوەیێ حۆکمرانیێ و دان پێدانێ بشکەستنێن خۆ نەئێنن و لێبوورینێ ژخەلکێ خۆ نەکەن، خەلەکێن تڕاژیاییتر ماینە بسەرێ خەلکێ کوردستانێ بینن، کە دنهۆدا پشتی دەرئەنجامێن خڕابێن ریفراندۆمێ.

 حکۆمەتا هەرێما کوردستانێ هیچ کارتەک ددەستاندا نەمایە ل دژی عەبادی بکاربینیت یان بلایێ کێم ل دان وستاندندێن خۆدا لگەل بەغدا بکاربینیت یان تنێ بلندکرنا ئالایەکێ سپێ و رازیبوون بشەرت و مەرجێن عەبادی ئەگەر ڕاستر بێژین دنهۆدا ئێک ژ ئاستەنگێن لبەر دەمێ حکۆمەتا هەرێمێ چەوانیا چوونا بەغدایە و کینە دێ پێکهینەرێن شاندێ هەرێمێ بن ،ئەگەر مەرجێن بەغداژی جێ بەجێکرن  ژبەرکۆ دەستهەلاتەکا شکەستن ئینای دێ چەوا چیت دان و ستاندنان لگەل هێزەکا سەرکەفتی داکەت و د مەغروریەتا پالپشتیا جڤاکێ دەوڵەتیدا دژیت، ل ڤێرە دیسان ئێک ژوان تڕاژیدیایێن حکۆمەتا هەرێمێ یابەردەوامە لسەر نە دان پێدانە بشکەستنێن خۆ و گۆهنەدانا وان بانگانە یێن داخازا دەست ژکارکێشانا حکۆمەتا هەرێمێ دکەن و پێک ئینانا حکۆمەتەکا بچویکا رزگاریا نشتیمانی ، وەک رێکەکا دەچوونێ ژڤێ دووریانا ئالوزو مەترسیدار کە وەک ئەرکەک و هەستکرن ب پەرپسیاریا مێژویی دکتۆر بەرهەم خۆ   لڤی بابەتی بخۆدان زانی و پاشان بو داخازەکا جادێ و هەرئێک ژ تەڤگەڕا گۆڕان و کۆمەلائیسلامی ژی خۆ لڤێ دەستپێشخەریێ کرنە خۆدان، حکۆمەتەکا رزگاریا نشتیمانی  ژهەمی هێزو کەسایەتیێن رۆژەکێ ژرۆژان دەستێن وانا  تێکەلی خرابیان نەبووینە دەرحەقی ڤی مللەتی  بێتە پێک ئینان و بکارەکێ بهەڤرایی وب ئێکگرتی بەرپسیاریا ڤێ قۆناغێ بهەلگرین و ئەرکێن وێ ژی دروستکرنا وێ ژینگەهێ بیت  دان و ستاندنان لگەل حکۆمەتا عەبادی رێک بێخیت و حازریان بۆ هەلبژاردنەکا پاقژ بێتەکرن و ل دوماهیێ ژی  بدیتنا مە تنێ ئەگەر حیکمەتەک و هەستکرنەک لنک سەرێن ڤێ حکۆمەتێ مابیت ،ئەوژی تنێ ڤێ بکەنە بژارەیەکارزگاری بۆ ڤێ قۆناغێ و روویێن تانهۆ نەشیاین ل ئاستێ خەباتا گەلێ خۆدابن تنێ بڤێ دشێن روویێن خۆپێ سپێ بکەن.

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP