دادگای فیدراڵی و وەڵامەکەی د.بەرهەم

دەلیل جەمال - 4-11-2017 - 13292 جار خوێندراوەتەوە

گرفتی میللەتی کورد، گەربەشێکی چارەنوسی ئەوەبێت دراوسێکانی وڵات گەلێکن بەدەرلەوەی گرفتی گەورەی ناوچەکەن، گرفتی دیکەیان ئەوەیە باوەریان بەمافی کوردو مەسەلەی ڕەوای کوردنییە،سەرباری ئەمە گرفتی دیکەی کورد ئەم سەرکردایەتی سیاسی ودەسەڵاتەیە،کەچارەنوسی میللەتێکی دایەدەست قەدەرێکی نادیار،نەک بەتەنها سیاسەتێکی خراپ ودەسەڵاتێکی شکست خواردویان پێشکەشکرد.

تەنانەت ڕێگریشن کۆسپن لەبەردەم ئەو سیاسەتەش کەدەیەوێت،میللەت باجی هەڵەی ئەوان نەدات، بەجۆرێک هەڵەی ئەم دەسەڵاتە لەپێناوی میللەتدا ڕاست بکاتەوە.

بەرهەم ساڵح کەئێستا زۆر لە مەدلولو ئاماژەکان باس لە قۆناغی ئەم کارەکتەرە دەکات و ئاراستەی خواستی میللەتیش بۆ ئەوەیە کە هیوای لەسەر هەڵدەچنن.

کارەکتەری بەرهەم ساڵح چ وەک سیاسەت وچ وەک دەسەڵاتی حوکمڕانی جیاوازەو ناچێتەوە سەر ڕوئیاو دنیابینی ئەوانی دیکە،هەربۆیە بۆخۆی بەرەیەکی جیاواز جیاواز وێنادەکرێت، دورترو بەعەقڵێکی سەردەمی وکراوە دەڕوانێتەپێشهات و پاشهاتەکان.

دوای کارەساتی ۱٦/ ئۆکتۆبەرو دەرهاویشتەکانی و لەدەستدانی بەشێکی زۆری خاکی کوردستانی باشور لەسەردەستی دەسەڵات و سەرکردایەتی کورد، بەرهەم ساڵح لەکەناڵی الحدپ لەوەڵامی پرسیاری پێشکەشکارەکە بۆهاتنی هێزەکانی عێراق وحەشدی شەعبی، وتی ئەوە هەڵەیەکەو دەبوو عێراق گەر ڕیفراندەم بەنادەستووری دەزانێت پێویستە ڕێگەی یاساو دادگا بگرێتەبەر نەک ڕێگای هێزو چەکداری، پارتی وهەندێک کەسی دیکە تۆمەتبارییان کرد بەڵام دواجار ڕاستییەکە ڕوونە کە بەرهەم ساڵح ڕاستبوو.

هەربۆیە دادگای فیدراڵی وەڵامی دایەوە کە ناکرێت تاکلایەنە بڕیارلەسەر دەستوری ونادەستوری ڕیفراندەمی هەرێمی کوردستان بدرێت، بەڵام دەکرێت بپرسین بۆ سەرکردایەتی سیاسی ئەوکاتی کورد باوەڕی بە دادگای فیدراڵی نییە بۆ ئەم پرسە؟

وێڕای ئەوەی دادگای فیدراڵی عێراق هێشتا لەژێر هەژموونی نادادپەروەرییە، بەڵام سیاسییەکانی کورد، تەنها هۆکار ئەوەنییە، بەڵکو ترسیان لەهەندێک مەلەفی زاتی و گەندەڵی وخراپ بەکارهێنانی دەسەڵات هەیە، لێرەشدا پرسی نەتەوەیی و ژیانی میللەت دەکەنە قوربانی مەسڵەحەتی خۆیان پێچەوانەی ئەوان بەرهەم سالح بەدیدیکی جیاواوە هەوڵی چارەسەری کێشەکان دەدات و وەڵامی دادگای فیدرالی پەیوەندی بەهەوڵ و کاریگەری بەرهەم ساڵحەوە هەیەو گەرلێگەڕێن پێموایە ژیری و دانای ئەو میللەت دەچێتە قۆناخێکی دیکەی ژیان ودیموکراسی ودادپەروەری دەبێتە دوپایەی گرنگی دەسەلاتی ئایندە.

ئەم وتارە دەربڕی رای نوسەر خۆیەتی و خەندان لێی بەرپرسیار نییە

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP