دەکەواتە سەربەخۆیی ڕابگەیەنن!

کاوسێن بابەکر - 29-09-2017 - 6908 جار خوێندراوەتەوە

ووتمان ڕیفڕاندۆم یەکڕیزی وزەمینەسازی پێویستە ووتمان لەگەڵ دەوڵەتانی ناوچەکەو ووڵاتانی دەرەوە بکەونە گفتو گۆو هونەری دیبلۆماسی ودروستکردنی لۆبی..کەچی گوێتان نەدایەو،دەرکەوت ئەمانە هیچ نەکراون یان بەسەر پێیی وکرچ وکاڵی کراون،ئەوەتا ئەردۆگان دەڵێ هیچی لەگەڵ ئێمە باس نەکردووە..دەریش کەوت هیچ دۆستمان بۆ سەربەخۆیی نینە تەنها دۆستمان بۆ شەڕی داعش هەیە زیاتر لە هەزار پێشمەرگەی قاڕەمانمان شەهید بوو بۆ ئابوری وبازاڕو بازرگانی نەوت دۆستمان هەن ئەویش هەڕەشەی گرتنەوەی بەلوعەکەدەکەن!

حکومەت وپەرلەمانی عێڕاق وەک سەددام لەوێ بێت بڕیاریکی ١٣خاڵیان دەرکرد،لەوە گەڕێ کە پێچەوانەی بنەماکانی حکومەتێکی فیدڕاڵیەو،پێچەوانەی مافەکانی مرۆڤەوهێندێکیان پێچەوانەی دەستورو یاساشن،زۆریان هەر جێبەجێ نابن ولەسەروی دەستەڵاتەکانی ئەوانن مەگەر شەڕ هەڵگیرسێنن،وەک داوایان کردووە پێشمەرگ ئەوشوێنانە چۆڵبکات کەبەخوێن لەداعشی وەرگرتۆتەوە!

ئەی ئەگەر سەربەخۆیی ڕابگەیەنین چی دەبێ؟ئەرێ هیچ کارێک ماوە دژی هەرێم بیگرنەبەر؟هەر ئەو ١٣خاڵەنین کە دژی ئێمە کاریان پێبکەن؟بەڕاست هیچ شتێک هەیە دژی ئێمە بۆیان بکرێ ونەیانخستبێتە بەرنامەی کارەوە؟

دەکەواتە کورد دەڵێ شەڕو نیوەشەڕ هەریەکن وەرن ناکۆکیەکان وەلانێن وئەنجومەنێکی سەرکردایەتی هەرێم لەهەموو لایەنە سیاسیەکان پێکبهێنن وحکومەتیکی فریاکەوتن دروستبکەن وسەربەخۆیی ڕابگیەنن،دڵنیابن کێشەکانیش هەر ئەوانەدەبن کە ئێستا بەرەو ڕوومان بوونەتەوە!
 

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP