بەرهەم ساڵح مۆدێلێکی دیکەی سیاسەتە؟

دەلیل جەمال - 17-09-2017 - 3343 جار خوێندراوەتەوە

لەدۆخێکی ئاڵۆزو ناجێگیرو نائومێددا، بەرهەم ساڵح وەک کارەکتەرێکی دیاری سیاسی چ لەناوخۆ چ لە دەرەوە لیستێکی بەناوی (هاوپەیانی بۆ دیموکراسی و دادپەروەری) ڕاگەیاند کەمن ئەم لیستە بەکورتکراوەیی ناودەنێم(H.D.D)هەدەدە، ڕاستە لای تاکی کورد پرسیار گەلێکی زۆر دروست بوون و بەردەوام عەوداڵی وەڵامێکی دروستن،هەرلەنەمانی متمانە بە هەڵبژاردن و بەرنامەوکاری سیاسی ودروشم وهتد بەڕادەیەک کە ڕاستی وحەقیقەتیش بەناڕاست دەبینرێت،بەشێکی زۆری گومانی هاونیشتمانی لەجێی خۆیەتی، بۆ؟ چونکە چەندین بەڵێن ودروشمی پێ دراوەو جێبەجێ نەکراون، ئەزموون بەشێکە لەوانەی ڕۆژگار، بەڵام ئایا گومان و بێدەنگی و ترس دەمان بات بەرەو ئامانجی دیموکراسی یان دادپەروەری کۆمەڵایەتی؟ بێگومان نەخێر، بۆ وەڵامی ئەوپرسیارەی کە ئایا بەرهەم ساڵح مۆدێلێکی دیکەی سیاسەتە؟ ڕاموایە بەڵێ، ئەگەر سەیربکەین هەرلەسەرەتای ڕاگەیاندنی لیستەکەیەوە،ئەوەڕوونە کە عبوری ئایدۆلۆژیاو بازنەی حیزبوو ناوچە تێدەپەڕێنێت، بەومانایەی لەسەروو ئەم چەمکانەوە دووبارە هەوڵی داڕشتنەوەی هاوکێشەی سیاسی و ئابوری وکۆمەڵایەتی دەدات، لەچوارچێوەی هاوپەیمانی جا هاوپەیمانی لەدەرەوەی بیری تەسکی حیزبی بیری تەسکی ئایدۆلۆژی مەزهەبی ناوچەیی، لێرەوە مۆدێلێکی‌ دیکەیە، هەرچەند دەکرێت مەکینەیەکی گەورەی ڕاگەیاندن لەچوارلاوە دەورەبدرێت، بەڵام پێموایە دواجار بەقازانجی بەرهەم ساڵح دەشکێتەوە، هەم کاریگەری کەسایەتی خۆی چ وەک حوکمڕان چ وەک سیاسەت،کە هەرگیز بەشێک نەبووە لەمێژووی شەرمەزاری، یان سوکایەتی، بەجۆرێک ئەوەی بەرهەم ساڵح جیادەکاتەوە، ئەوەیە بونیادی بەرنامەو ئەجندای لەسەر خراپەو دژایەتی بەرانبەرەکانی تەبەنی ناکات،کە پێموایە خاڵێکی ئیجابییە.

لایەنێکی دیکەی ئەم مۆدێلە لەسیاسەت ئەوەیە کە لەدەرەوەی ئینشیقاق و جیابوونەوەی حیزبییە،ڕاستە کارەکتەرێکی دیاری ناو یەکێتی نیشتمانییە وبەشێکیش لە هاودیدانی لەو حیزبەن،بەڵام ئەو کارلەسەر نفوسی ناواقعی کادرناکات کە بێنە ناولیستەکەیەوە،هێندەی کاربۆ بەرنامەیەکی تۆکمەدەکات کەدەنگدەر بەجیاوازی بیری حیزبی ئایدۆلۆژی هتد  پشتیوانی کرداری بەرنامەو پڕۆژەی لیستەکەبن.

هەرچەند دەکرێت لەئایندەدا رووبەڕووی چەندین قسەو تۆمەت وبوختان ببنەوە،چونکە ئەم ڕیتمە لە ململانێ باوی لای هەندێک سیاسی شکست خواردووماوە.گرنگ پەیامی واقعیانەیە، کەمن پێموایە بەرهەم ساڵح بەشێکی زۆر لەگومان وبێمتمانەیی دەڕەوێنێتەوە،

لایەنێکی دیکەی بەرهەم سالح ئەوەیە نەخۆی نەبەرنامەو نەهاودیدانی ناچنە شەڕی مێژووی دوێنێ و شەڕی خەباتی خەڵک وحیزبە ڕکابەرەکانی بەڵک و دەیەویت شەڕی دوێنێ بەکەرەستەی ئەمڕۆی سیاتەم وحوکمڕانی بکات، ڕکابەری بەرهەم سالح لەگەڵ سیستەمی‌ گەندەلی تاڵانییە، ڕاماڵینی پیسخۆری وچەتەییە،کەدواجار هاوڵاتیش هەمان شەڕی لەپێشە،شەڕ بەواتای ململانێی مەدەنی،کەپێموایە لیرەوە بەرهەم ساڵح وهاولاتئ تەریب هاوشان بەیەک بۆئامانجی دیموکراسی ودادپەروەری هەنگاودەنێن.

نوخبەیەکی سیاسی هەیە بەبێ جیاوازی ئێستا تەحەکوم بە سیاسەتی حیزبی وحوکمییەوە دەکەن کە مەسلەحەتی شەخسی گرێیداون،زۆرجار نازانی کامیان لەحیزبی(س)ەوکامیان لەحیزبی(ص)ە دەبێت ئەندام ولایەنگری حیزبەکان نەکەونە ژێرکاریگەری خیتابیکی نابەرپرسیارو ناواقعی، بەرهەم ساڵح پێموانییە بکەویتە ئەوبازنە داخراوەی مەسڵەحەت چیانەوە، دواجار بەرهەم سالح ئەوکارە دەکات کە هەموان بەجیاوازییەوە هەنگاوی بۆدەنێین

لێرەوە مۆدێلێکی دیکە لەململانێش لەگەل خۆی دەهێنێت،کە هێشتا زووە تەفسیری دیکەی بۆبکەین،کە پێموایە لەگەڵ هاوڵاتیدا دەتوانرێت ئەم دۆخە تێپەڕێت تایپێکی دیکە  چ لەسیاسەت چ لەحوکمرانی دێتە گۆڕێ.
 

ئەم وتارە دەربڕی رای نوسەر خۆیەتی

بابەتەکانی نوسەر

Copyright © 2016 Xendan.org all rights reserved

designed and developed by AVESTA GROUP