بەپەلە

هەڤپەیمانی ژبۆ دیمۆکراسیەتێ و دادپەروەریێ بووچی.؟

عەلی ئۆرەماری - 17-09-2017 - 2102 جار خوێندراوەتەوە

دهەر کارو بزاڤەکێداهەلبژاردنا ناڤی و پێکهاتەیێن وێ وەکی مانشێتەکێ  پێکڤەگرێدای ژکارێن دەستپێکیێن گرنگە و تا ئەو ناف روناهیێ دبینیت گەلەک رونشتن و خاندن لسەر تێنەکرن تا لدوماهیێ رێکەفتن لسەر تێتەکرن و بمەرجەکی ژی تێنە دانان هەرپەیڤەک ژ پێکهاتەیێن وی ناڤی دەلالەتەکا تایبەت و سەرنچ ڕاکێشا خۆهەبیت و ب لێزانین ژبۆ  هنگافتنا ئارمانجەکا دیاریکری هاتبیتە دانان، بڕەنگەکی هەر کەس و خاندەڤانەکێ ببینیت دئێکەم دیتندا هەم سەرنچا وی ڕابکێشیت و هەم ژی بسانەهی تێبگەهیت و بهنگافتنا وێ ئارمانجێ ژی گرێکێن مەزن  پێ بێنەڤەکرن و بەرهەمی وێ ژی خەم و حەزێن رێژەیەکا مەزنا خەلکی چارەسەرکربکەت و پانیەکا مەزن بخۆڤەببینیت،کە هنگی ئەو پڕوژە دێ بیتە  پشکەک ژ خەلکی و مۆلکداریەتا وێژی بۆ هەمی پێکهاتەو تەخێن جڤاکی  دێ زڤریت و هەردەما پڕوژە بۆ مۆلکێ خەلکی ،هنگی دەلیڤێن سەرکەفتنێ گەلەک مەزنتر لێ دبن.

تاڤێرە ڕەنگە کارەکێ نۆرمال بیت و دەسپێکرنا هەر بەرنامەو پڕوژەیەکی بڤی ڕەنگی دەست پێ دکەت ، لێ بابەتێ ژڤێ ژی گرنگتر سەرکێش و کارێکتەرێن پڕۆژەینە و چەند ئەو کارلکتەرو پڕۆژە پێکڤە دگرێداینە و چەند ئەو کەس بلەش و مەژیڤە هێڤێنێن پڕوژەینه و دسەربوورێن کریاراندا چەند جهێ باوەریا خەلکینە و بدیتنا مە ئەڤەیە یاخەلکێ مە لێ دگەریێت و ئەڤەڤەیەیا تێهناتیا خەلکی  دشکێنیت.

ل ڤێرەدایە کا چەند هەڤپەیمانی ژبۆ دیمۆکراسیەتێ و دادپەروەریێ وەکی ناڤ ، ناڤەکێ بالکێشە و هەر پێکهاتەیەک ژڤی ناڤی ب لێزانین و ژبۆ هنگافتنا ئارمانجەکێ هاتینە دانان ، وەکی سیۆانەکێ ژبۆ خرڤەکرنا هەمی وان کەسێن تهنینە ژبۆ ئاڤاکرنا تاک و جڤاکەک دیمۆکرات و ئەوێن رۆژەکێ ژروژا بووینە نێچیرا ئەنتی دیمۆکراتخازا و هێلینا هەمی وان تاک و کەسێن دبێ دادیێدا دژین و ئارمانجا وانایە دژیانەکا بڕۆمەت وەک هەڤیێدا بژین ،ئەڤە هۆستاو دانەرێ وێژی کە دکتۆر بەرهەم ئەحمەد ساڵحە ،نەتنێ داهێنەرەکی تیۆریە و لێزانە د داڕشتنا بەرهەماندا ، بەلکی ل هەمی وان ویستگەهێن ژیاناڤی کارەکتەریدا ژی  چ دژیانا سیاسیدابیت و چ ژی دیبلوماسی و دەوڵەت داریێدا بیت ،کاچەند بسپورو لێزانە د داڕشتنەکا تیۆریدا ، بقەدەر وێ ئێکێ ژی دەستهەل و سەرکێشەکێ بکریارکرنا بەرنامایە و هەر کارەکێ دەست هاڤێتی بێی دودلی بسەرکەفتیانە ئەو ئارمانج پێک ئینایە و هەردو ئالیێن هەفکێشەیێن پڕۆژەیێن ویدا  هەڤوەلاتی  و پێشڤەبرن و پێشکێشکرنا خزمەتا هەڤوەلاتیان ئارمانج بوویە و سەرکەفتن بدەستڤە ئیناینە، پەیدابوونا سەرکردێن هۆسا د وەلاتەکێ پڕی هەفکێشەیێن هەلاویستی و بێ چارەسەری مزگینیا خێرێ یە و ئەگەر ئەو ئاستەنگ چەندا قورس ژی بیت ، ئەڤەدیسان ئەف کارەکتەرەنە دبنە قولپەک و هیڤییێن خەلکی پێڤە تێنەگرێدان ، بێ شکەژی هەمی ئەو کەسێن خۆ ل دورا ڤی پڕۆژەی (هەڤپەیمانی ژبۆ دیمۆکراسیەتێ و دادپەروەریێ) دبینن ، هەمان بیرکرن و هەمان خەمخۆریا داهێنەرو سەرکێشێ پڕۆژەی هەنە و ئەڤەیە یا مزگینیا سەرکەفتنێ بسەر وان هەمی کێشەو ئاستەنگێن بدرێژیا ڤان سالێن حۆکمڕانیا دباشۆرێ کودرستانێ دا هاتینە دروستکرن و هێلاینە هەلاویستی بێ چارەسەری  نێزیک دکەت، لێ دڤێرەدا ژی هەم پەروەردکرن و ئاڤاکرنا گیانێ ئیرادێ دناخێ هەرتاکەکیدا  گرنگە ،دبەرامبەردا  خڕڤەبوونا هەڤوەلاتیان ل دۆر ڤی پڕۆژەی و خۆ بخۆدان زانینا پڕۆژەی دەلیڤێن سەرکەفتنێ و بدەستڤەئینانا ئارمانجان گەلەک نێزیکتر و مسۆگەرتر دکەت.

ئەم وتارە دەربڕی رای نوسەر خۆیەتی

Copyright © 2016 Xendan.org all rights reserved

designed and developed by AVESTA GROUP