بەپەلە

هیندستان داوا لە تورکیا دەکات دەست لەکاروباری ناوخۆیی وەرنەدات

- 2/15/2020 11:37:00 AM 457 جار خوێندراوەتەوە

خەندان-
وەزارەتی دەرەوەی هیندستان رایگەیاند، سەرجەم لێدوانەکانی لایەنی تورکی لەبارەی هەرێمی کشمیر رەتدەکەنەوە و داواش لە سەرکردەکانی ئەو وڵاتە دەکەن دەست لەکاروباری ناوخۆیی هیندستان وەرنەدەن.

رافیش کومار، وتەبێژی وەزارەتی دەرەوەی هیندستان لە راگەیەندراوێکدا ئاماژەی بەوەشکردوە، "ئەوان لێدوان ئاماژەکانی پەیوەست بە ویلایەتی جامو و کشمیر کە بەشێکە لە خاکی هیندستان رەتدەکەنەوە".

 

پێویست دەکات ئەنقەرە پرسی تیرۆر کە لەلایەنی پاکستانەوە دەکرێتە سەرمان ببینێت


ئەوەشی خستوەتەڕو، داواش لە سەرکردەکانی تورکیا دەکەن دۆخی راستەقینەی ناوچەکە هەڵبسەنگێنن بە تایبەت "هەڕەشەکانی تیرۆر لەلایەنی پاکستانەوە کە وڵاتەکەی و ناوچەکە دەکەن ئامانج".


کاردانەوەی حکومەتی هیندستان دوای ئەوە هات، رەجەب تەیب ئەردۆگان سەرۆک کۆماری تورکیا لە کاتی سەردانەکەی هەفتەی رابردوی بۆ پاکستان باسی لە مافی ئیسلام ئاباد بەسەر ناوچەکانی هەرێمی کشمیر کردوە.

 

بەرامبەر فشارەکانی پەیوەست هەرێمی کشمیر ، پشتیوانی ئیسلام ئاباد دەکەین


ئەردۆگان رونیکردوەتەوە، ئەوان پشتیوانی پاکستان دەکەن بەرامبە ئەو فشارانەی بۆ چارەسەرکردنی کێشەی هەرێمی کشمیر لەسەری دروستبوە و ئەنقەرە پشتیوانی پاکستانییەکان لە "شەڕی سەربەخۆییدا" لەبیرناکات.



Copyright © 2016 Xendan.org all rights reserved

designed and developed by AVESTA GROUP