بەپەلە

کۆشکی سپی زانیاری نوێ لەبارەی کوژرانی سولەیمانی بڵاودەکاتەوە

- 2/15/2020 11:24:00 AM 15906 جار خوێندراوەتەوە

خەندان- 

کۆشکی سپی نوێترین زانیاری لەبارەی کوژرانی قاسم سولەیمانی بڵاوکردەوە و رایگەیاند، سولەیمانی بەهۆی ئەو زنجیرە هێرشانەوە کە "لەلایەن ئێران و گروپە چەکدارەکانیان" لە ناوچەکەدا بۆ سەر بەرژەوەندییەکانی ئەمریکا ئەنجامدەدرا کوژراوە.

سێی مانگی رابردو بە فەرمانی دۆناڵد ترەمپ، سەرۆکی ویلایەتە یەکگرتوەکانی ئەمریکا لە بۆردومانێکی فڕۆکەیەکی بێفڕۆکەوانی ئەمریکی لە بەغدا، قاسم سولەیمانی، فەرماندەی فەیلەقی قودسی سوپای پاسدارانی ئێران و ئەبومەهدی موهەندیس، جێگری سەرۆکی دەستەی حشدی شەعبی و نۆ کەسی دیکەش کوژران.
کوژرانی سولەیمانی دوای ئەوەهات بەشێک لە لایه‌نگرانی حه‌شدی شه‌عبی له‌به‌رامبه‌ر هێرشه‌كانی ئه‌مریكا بۆ سه‌ر بنكه‌كانی حزبوڵا له‌ عێراق هه‌ڵیانكوتایه‌ سه‌ر باڵیۆزخانه‌ی ئه‌مریكا

 

کوژرانی سولەیمانی دوای ئەوەهات کە کۆتایی ساڵی رابردو، بەشێک لە لایه‌نگرانی حه‌شدی شه‌عبی له‌به‌رامبه‌ر هێرشه‌كانی ئه‌مریكا بۆ سه‌ر بنكه‌كانی حزبوڵا له‌ عێراق هه‌ڵیانكوتایه‌ سه‌ر باڵیۆزخانه‌ی ئه‌مریكا له‌ عێراق و نوسینگه‌ی پشكنین و ده‌رگای دوه‌می باڵیۆزخانه‌كه‌یان سوتاند.
کوژرانی سولەیمانی بەهۆی ئەو زنجیرە هێرشانەیەوە بو کە لەلایەن ئێران و گروپە چەکدارەکانیان لە ناوچەکەدا بۆ سەر بەرژەوەندییەکانی ئەمریکا

 

کۆشکی سپی نوێترین زانیاری لەبارەی کوژرانی سولەیمانی بڵاوکردەوە و لە بەیاننامەیەکدا باسی لەوەکردوە، دۆناڵد ترەمپ، سەرۆکی ئەمریکا فەرمانی کوشتنی قاسم سولەیمانی کردوە، "بەهۆی ئەو زنجیرە هێرشانەیەی کە لەلایەن ئێران و گروپە چەکدارەکانیان لە ناوچەکەدا بۆ سەر بەرژەوەندییەکانی ئەمریکا لە رۆژهەڵاتی ناوەڕاست ئەنجامدراوە".

ئاماژەی بەوەشکردوە، کوشتنی سولەیمانی بە مەبەستی پاراستنی سەربازانی ئەمریکا بوە، "وەک وەڵامێک بوە بۆ ئێران، بەمەستی کەمکردنەوەی توانای گروپە چەکدارەکانی لایەنگری لەناوچەکەدا، هەروەها کۆتاییهێنان بەو هێرشانەی کە لەلایەن ئێران و گروپە چەکدارەکانەوە بۆ سەریان ئەنجامدەدرا".
13ی شوباتی ئەمساڵ، ئەنجومەنی پیرانی  ئەمریکا بڕیاریدا بە سنوردارکردنی توانا جەنگییەکاتی ترەمپ، بۆ هەڵگیرساندنی جەنگ لە دژی ئێران

 

بڵاوکردنەوەی ئەو بەیاننامەیەکدا لەکاتێکدایە 13ی شوباتی ئەمساڵ، ئەنجومەنی پیرانی  ئەمریکا بڕیاریدا بە سنوردارکردنی توانا جەنگییەکاتی ترەمپ، بۆ هەڵگیرساندنی جەنگ لە دژی ئێران.

ئیلۆت ئەنجێڵ، سەرۆکی لیژنەی پەیوەندییەکانی دەرەوە لە ئەنجومەنی نوێنەران رایگەیاند، "یاداشتنامەکەی کۆشکی سپی پێچەوانەی ئەو لێدوانانەی پێشوتری بەرپرسانی ئەمریکایە کە تێیدا باسیان لەوەدەکرد، کە سولەیمانی ئامادەکاری بۆ هێرشکردنە سەر هێزەکانیان ئەنجامداوە، ئەوان بە کوشتنی سولەیمانی نەیانهێشتوە پلانەکانی بەئامانج بگات".
دەمانەوێت لە کۆنگرێس کۆمەڵێک لێپێچینەوە بکەین و شایەتیش لەوبارەیەوە وەربگرین

 

ئەنجێل رونیدەکاتەوە، "دەمانەوێت لە کۆنگرێس کۆمەڵێک لێپێچینەوە بکەین و شایەتیش لەوبارەیەوە وەربگرین"، لە28ی ئەم مانگەشدا مایک پۆمپیۆ، وەزیری دەرەوەی ئەمریکا لە دانیشتنێکی کراوەی کۆنگرێس شایەتی دەدات لەبارەی سیاسەتی ئەمریکا بەرامبەر عێراق و ئێران و وردەکاری ئەو هێرشە باسدەکات کە تێیدا قاسم سولەیمانی کوژرا.

سەرۆکی لیژنەی پەیوەندییەکانی دەرەوە لە ئەنجومەنی نوێنەران دوپاتیشیکردەوە، پۆمپیۆ رەزامەندی دەربڕیوە لە پێشکەشکردنی شایەتی خۆی لە کۆنگرێس، بەڵام تا ئێستا کۆشکی سپی و وەزارەتی دەرەوە لەوبارەیەوە هیچ لێدوانێکیان بڵاونەکردوەتەوە.

سولەیمانی 10ی ئاداری 1957 لە گوندی رابۆردی پارێزگای کرمان لە بنەماڵەیەکی جوتیاردا لەدایک بوە، فەرماندەی فەیلەقی قودسی سەر بە سوپای پاسداران و کاراکتەری پشت سیاسەتی ئێران بو لە رۆژهەڵاتی ناوەڕاست بە درێژایی 20 ساڵی رابردو.

نیشانەکردن :

#ئه‌مه‌ریكا

Copyright © 2016 Xendan.org all rights reserved

designed and developed by AVESTA GROUP