هاتوچۆی سۆران شۆفێران ئاگادار دەکاتەوە

- 2/14/2020 11:49:00 PM 5952 جار خوێندراوەتەوە

خەندان-
بەڕێوەبەرایەتی هاتوچۆی سۆران رایگەیاند، رۆژی شەممە بەهۆی ئەوەی شەقامەکان بەستویەتی و بوەتە شەختە ئاگاداری شۆفێران دەکەنەوە تا کاتی ئاسایبونەوەیان، هاتوچۆ بە شەقامەکاندا نەکەن. 

 

سبەینێ شەممە رۆژێکی سەخت دەبێت بۆ هاتوچۆ  بەهۆی بونی بەستەڵەک و شەختە 


بەڕێوەبەرایەتی هاتوچۆی سۆران لە رونکردنەوەیەکدا ئاماژەی بەوەشکردوە، شوفێران ئاگادار دەکەنەوە سبەینێ شەممە رۆژێکی سەخت دەبێت بۆ هاتوچۆ بە تایبەت لە کاتی سەرلەبەیانیدا، ئەویش بەهۆی بەستەڵەک و شەختە.

 

پێویست دەکات تا رێگاکان ئاسی دەبنەوە بۆ سەلامەتی هەمولایەک هاتوچۆ نەکەن


ئەوەش هاتوە، پێویست دەکات تا رێگاکان و شەقامەکان ئاسایی دەبنەوە، هاتوچۆ نەکەن ئەوەش بە ئامانجی سەلامەتی هەمولایەک.

ئەمڕۆش كرمانج عزه‌ت قائیمقامی سۆران لە رونکردنەوەیەکدا ئاماژەی بەوەکردوە، "بۆ گشت قوتابخانەکانی سنوری پەروەردەی سۆران، بەهۆکاری بارینی بەفرێکی زۆر و بەستەڵەکی رێگاوبانەکان بريارمانداوە لە سەرجەم قوتابخانە و باخچەی منداڵانی سنورەکەدا سبەی شەممە پشوبێت".



Copyright © 2016 Xendan.org all rights reserved

designed and developed by AVESTA GROUP