پەروەردەی سۆران دەوامی سبەی رادەگرێت

- 2/14/2020 10:59:00 PM 29345 جار خوێندراوەتەوە

خەندان-
قائیمقامییەتی سۆران رایگەیاند، بەهۆی بارینی بەفرێکی زۆر لە ناوچەکانیان بڕیاریانداوە سبەینێ شەممە لە سەرجەم قوتابخانە و باخچەی منداڵانی سنورەکەدا بکرێتە پشو.

 

بەهۆکاری بارینی بەفرێکی زۆر سبەینێ شەممە لە سەرجەم قوتابخانە و باخچەی منداڵان سنورەکە پشو دەبێت

كرمانج عزه‌ت قائیمقامی سۆران لە رونکردنەوەیەکدا ئاماژەی بەوەشکردوە، "بۆ گشت قوتابخانەکانی سنوری پەروەردەی سۆران، بەهۆکاری بارینی بەفرێکی زۆر و بەستەڵەکی رێگاوبانەکان بريارمانداوە لە سەرجەم قوتابخانە و باخچەی منداڵانی سنورەکەدا سبەی شەممە پشوبێت".

بەهۆی ئەو شەپۆلیی سەرما و سۆڵ و بەفرو بارانەی ناوچە جیاوازەكانی هەرێمی كوردستانی گرتوەتەوە، حکومەتی هەرێم رۆژی سێشەممە 11ی شوباتی کردە پشو.

 

شەوی سێشەممە پێشبینی نزمتربونەوەی پلەکانی گەرما و بەفربارین لە بەشێک لە ناوچەکان دەکرێت

ئەمڕۆش بەڕێوەبەرایەتی کەشناسی هەرێم بڵاویکردەوە، دوای ئەوەی هەرێمی کوردستان لە ماوەی چەند رۆژی رابردودا بە شەپۆلێکی بەفر و سەرمادا تێپەڕی، پێشبینی دەکرێت لە رۆژی هەینییەوە پلەکانی گەرما بەرزببنەوە.


Copyright © 2016 Xendan.org all rights reserved

designed and developed by AVESTA GROUP