پەتای كۆڤید گەیشتە میسڕ و ژمارەی قوربانیانی ڤایرۆسەكەش روی لە زۆربونە

- 2/14/2020 8:29:00 PM 12270 جار خوێندراوەتەوە

خەندان-

یەكەمین حاڵەتی توشبون بە ڤایرۆسی كۆرۆنا لە میسڕ تۆماركرا و تا ئێستا زیاتر لە 64 هەزار كەس توشی نەخۆشیەكە بون، بەڵام رێژەی تێپەڕاندنی ڤایرۆسەكە لە رێژەی مەرگ بەوهۆیەوە زیاترە.
یەكەمین حاڵەتی توشبون بە پەتای كۆڤید-19، كە هۆكارەكەی ڤایرۆسی كۆرۆنا-یە، لەناو میسر تۆماركرا و نەخۆشەكەش كەسێكی بیانیە

وەزارەتی تەندروستی میسڕ و رێكخراوی تەندروستی جیهانیی ئەمشەو هەینی رایگەیانگەیاند "یەكەمین حاڵەتی توشبون بە پەتای كۆڤید-19، كە هۆكارەكەی ڤایرۆسی كۆرۆنا-یە، لەناو میسر تۆماركرا و نەخۆشەكەش كەسێكی بیانیە"، بەگوێرەی راگەیەندراوەكە "توشبوەكە هیچ نیشانەیەكی نەخۆشیەكەی نەبوە، بەڵام لەرێگەی ئەنجامدانی پشكنینی پزیشكیەوە دەركەوتوە ئەو كەسە هەڵگری ڤایرۆسەكەیە".

ئاماژە بەوەشكراوە "دەستبەجێ پاش دەستنیشانكردنی حاڵەتەكە، رێكخراوی تەندروستی جیهانیی لێ ئاگاداركراوەتەوە و بە یەكێك لە ئۆتۆمبیلە تایبەتەكان نێردراوەتە نەخۆشخانەیەك بە مەبەستی وەرگرتنی چارەسەری پێویست".
تا ئێستا هەزار و 384 كەس بەهۆی پەتای كۆڤید-19ەوە گیانیانلەدەستداوە لەكاتێكدا 7 هەزار و 171 كەس ڤایرۆسەكەیان تێپەڕاندوە

هاوكات ئاماری توشبوان بە ڤایرۆسی كۆرۆنا بۆ 64 هەزار و 460 كەس لە سەرتاسەری جیهان بەرزبوەتەوە، ئاماژە بەوەشدەكرێت تا ئێستا هەزار و 384 كەس بەهۆی پەتای كۆڤید-19ەوە گیانیانلەدەستداوە لەكاتێكدا 7 هەزار و 171 كەس كە پێشتر توشبون، لە ئێستادا ڤایرۆسەكەیان تێپەڕاندوە.

هەر ئەمڕۆ هەینی، زێنگ یشین، جێگری بەڕێوەبەری لیژنه‌ی ته‌ندروستی نیشتمانیی چین، هەزار و 716 هەڵگری ڤایرۆسی کۆرۆنا کارمەندی پزیشکین و ژمارەیەکی زۆریان لەدوای بەرکەوتنیان لەگەڵ نەخۆشانی کۆڤید(Covid-19) توشوی ڤایرۆسەکە بون.

بەگوێرەی ئەو ئامارەی کە زێنگ ئیشین ئاشکرای کرد، لەکۆی ئەو هەزار و 716 کارمەندە توشبوە، هەزار و 502 کارمەندیان دانیشتوی هەرێمی هوبێی و گەورەشاری وهانن کە بە ناوەندی بڵاوبونەوە نەخۆشیەکە هەژماردەکرێت.


نیشانەکردن :

#ڤایرۆسی کۆرۆنا

Copyright © 2016 Xendan.org all rights reserved

designed and developed by AVESTA GROUP