لە روداوێكی هاتوچۆدا حەوت کەس بون بە قوربانی

- 2/14/2020 7:35:00 PM 9068 جار خوێندراوەتەوە

خەندان -  نیگار عومەر 
ڕوداوێکی هاتوچۆ لەسەر ڕێگای کەلار - سلێمانی رویدا و لەئاكامدا حەوت کەس برینداربون.
حەوت کەس برینداربون کە سەرجەمیان سەرنشینی دو ئۆتۆمبێلەکەن


کارزان مەجید، وتەبێژی هاتوچۆی گەرمیان بە پەیامنێری خەندان-ی ڕاگەیاند "بەهۆی ڕوداوێکی هاتوچۆ لەنێوان دو ئۆتۆمبێلدا، لەسەر ڕێگای کەلار- سلێمانی نزیک، حەوت کەس برینداربون کە سەرجەمیان سەرنشینی دو ئۆتۆمبێلەکەن".

ئاماژەی بەوەش کرد " تیمەکانی  هاتوچۆ گەشتونەتە شوێنی ڕوداوەکە و لێکۆڵینەوەیان دەست پێکردوە، بریندارەکانیش ڕەوانەی نەخۆشخانە کراون بۆ وەرگرتنی چارەسەر".

لەماوەی دو رۆژی رابردودا چوار روداوی هاتوچۆ لەسەر ڕێگای کەلار- سلێمانی ڕویداوە، بەهۆی روداوەکانەوە یەک کەس گیانیلەدەستداوە و 26 کەس بریندار بون،هاوكات هەشت ئۆتۆمبێل زیانیان پێگەیشتوە.



Copyright © 2016 Xendan.org all rights reserved

designed and developed by AVESTA GROUP