بەپەلە

پۆلیسی سۆران: پێشمەرگەكانی چیای كۆدۆمان رزگاركرد

- 2/14/2020 10:34:00 AM 14070 جار خوێندراوەتەوە

خەندان-

راگەیاندنی پۆلیسی سۆران ئاشكرایكرد،"ئەو پۆلە پێشمەرگەیەی لە چیای كۆدۆ بەهۆی بەفر بارینەوە گیریان خواردبو رزگاركران"

راگەیاندنی پۆلیسی سۆران ئاشكرایكرد،"هێزەكانی سەر بەبەڕێوەبەرایەتی پۆلیسی سۆران توانیویانە بەهانای ئەو پۆلە پێشمەرگەیەی كەلەرەبایەی بەری چیای کۆدۆ بەرامبەر حاجی ئۆمەران بەهۆی بارینی بەفرێكی زۆر گیریان خواردبو بچن و رزگاریان بكەن"

ئاماژەی بەوەشكردوە،"دوای ماندوبونێكی زۆر بەهاوكاری هەمو لایەك كاتژمێر 10:30ی شەو بەسەلامەتی گەیەنرانەوە"

بەگوێرەی زانیارییەكانیش ئەو پێشمەرگانە دوای رزگاركردنیان رەوانەی نەخۆشخانە كراون بەمەبەستی وەرگرتنی چارەسەر.

دوێنێ لە گرتەیەكی ڤیدیۆییدا پێشمەرگەیەك دەڵێت،"سڵاو لە پێشمەرگە قارەمانەكان، سڵاو لەوانە خەمخۆری پێشمەرگەن، بەڕاستی ئێمە پێشمەرگەین لە سنوری ناوچەی باڵەكایەتی لە ناحیەی حاجی ئۆمەران لە بناری كۆدۆ، لەئێستادا دەبێت 24 كاتژمێر ئەو بەردەرگایە خاوێن بكەینەوە كە خۆتان دەیبینن ئەگەر خاوێنی نەكەینەوە پڕ دەبین، نە ئاو هەیە نە كارەبا هەیە نە نەوت هەیە نە دەتوانین كار بە سۆپاكان بكەین"

ئەو پێشمەرگەیە وتوشیەتی،"ئێمە لە شوێنێكین هیچ خزمەتگوزارییەكی بنەڕەتی لێ نییە، چۆن دەكرێت ئێمە لە شوێنێك بەمزستانە دەوام بكەین كە دەعبا و دڕندەشی لێ ناژی، بەداخەوە كەس لەسەرمان نایاتە دەنگ، نە نەوتمان هەیە، نە ئاومان هەیە، نە كارەبامان هەیە، تا كۆتا رادە دۆخمان خراپە، تكایە بە هانامانەوە وەرن، هیوادارین هیچ كەسێكی دیكە لێرە دەوام نەكات، چونكە رێگەی هاتن و رۆشتن نییە"

 



Copyright © 2016 Xendan.org all rights reserved

designed and developed by AVESTA GROUP