پۆلیسی سلێمانی: چوار تۆمەتبار دەستگیركران كە هەڵیانكوتابوە سەر یانەیەكی شەوانە

- 2/13/2020 9:59:00 PM 6405 جار خوێندراوەتەوە

خەندان-

پۆلیسی سلێمانی رایگەیاند، مەفرەزەكانی بنكەی پۆلیسی سەرچنار و بەشی پۆلیسی فریاكەوتن چوار تۆمەتباریان دەستگیركرد، كە هەڵیانكوتابوە سەر یانەیەكی شەوانەو دەستدرێژییان كردبوە سەر چەند كەسێك.

بەڕێوەبەرایەتی پۆلیسی سلێمانی لە راگەیەندراوێکدا بڵاویکردەوە، پەیوەندی بە بەشی پۆلیسی فریاكەوتنی سلێمانییەوە كراوە كە چوار تۆمەتبار هەڵیانكوتاوەتە سەر یانەیەكی شەوانەو دەستدرێژییان كردوەتە سەر چەند كەسێك‌و تەقەشیان كردوە.

ئاماژە بەوەشکراوە، بە هەماهەنگی و لەلایەن بنكەی پۆلیسی سەرچنارەوە توانرا هەرچوار تۆمەتبارەكە دەستگیربكرێن، كە ئۆتۆمبێلێكی جام ڕەشیان پێبوە و چەند قەوانێكیش لەشوێنی ڕوداوەكە كۆكراوەتەوە.

پۆلیسی سلێمانی باسی لەوەشکردوە، لەئێستادا سەرجەم تۆمەتباران، (ع ، ج ، لەدایكبوی 1998)، (ه ، أ لەدایكبوی 1979)، (ش ، أ لەدایكبوی 1993، (م ، ب لەدایكبوی 1992) كە پیشەیان پێشمەرگەیە، بەفەرمانی دادوەرو بەپێی ماددەی 430 لەیاسای سزادانی عیراقی راگیراون.


Copyright © 2016 Xendan.org all rights reserved

designed and developed by AVESTA GROUP