نوێترین زانیاری لەسەر خشتەی دابەشكردنی موچە

- 2/11/2020 7:43:00 PM 109334 جار خوێندراوەتەوە

خەندان-

بەهۆی پشوی ئەمڕۆوە دابەشكردنی خشتەی موچەی فەرمانبەران گۆڕانكاری تیایدا رویداو بەڕێوەبەری گەنجینەی دوی سلێمانیش رایدەگەیەنێت سبەی تەنها موچەی وەزارەتی پەروەردە دابەش دەكەین.

پێشتر بڕیاربو ئەمڕۆ سێشەممە موچەی وەزارەتی پەروەردە دابەشبكرێت و چوارشەممە موچەی وەزارەتی دارایی و ئابوری و رۆژی پێنج شەممەش موچەی وەزارەتی تەندروستی دابەشبكرێت، بەڵام بەهۆی ئەوەی كرایە پشو خشتەكە گۆڕانكاری بەسەرداهات و ئەمڕۆ موچە دابەشنەكرا.

ئەردەڵان محەمەد، بەڕێوەبەری گەنجینەی دوی سلێمانی بە خەندان-ی ڕاگەیاند، تا ئێستا تەنها ئەوە بە ئێمە وتراوە كە سبەینێ‌ موچەی وەزارەتی پەروەردە دابەش بكەین و هیچ وادەیەك بۆ دابەشكردنی موچەی وەزارەتەكانی دیكە دیاریی نەكراوە و نازانین سبەی چی بڕیارێكی دیكە دەدرێت"

لای خۆشیەوە سەرچاوەیەك لە وەزارەتی دارایی و ئابوری بە خەندان-ی راگەیاند، بڕیارێك هەیە كە سبەی موچەی وەزارەتی دارایی و ئابوری دابەشبكرێت و رۆژی پێنج شەممەش موچەی وەزارەتی تەندروستی دابەشبكرێت، بەڵام هێشتا بڕیاری كۆتایی لەو بارەیەوە نەدراوە.


Copyright © 2016 Xendan.org all rights reserved

designed and developed by AVESTA GROUP