پاش هەفتەیەك لە بێهۆشی، گەنجێكی ئوسترالی بە پاراوی بە زمانی چینی دەدوێت

- 2/7/2020 10:46:00 AM 17003 جار خوێندراوەتەوە

خەندان-

هاوڵاتیەكی ئوسترالی، لە رێگەی بەرنامەیەكی ئوسترالییەوە چیرۆكی خۆی باسكرد و دەڵێت "بەهۆی روداوێكەوە توشی بێهۆشی دەبێت و پاش ماوەیەك لە هۆشخۆهاتنەوە بە تەواوی بە زمانی چینی دواوە".

مكماهۆن، ئەو گەنجە 24 ساڵەیە كە ساڵی 2012 لە مێڵبۆرن-ئوسترالیا توشی روداوێكی هاتوچۆ هات و بەهۆیەوە ماوەیەك بێهۆشبو، پاش هەفتەیەك لە بێهۆشی و كاتێك بەهۆشخۆی دێتەوە یەكەمین وشەكانی بە شێوەزاری ماندارین-ی چینی دەبێت و بەو زمانە بە شێوەیەكی پاراو دەدوێت.

مكماهۆن لەمیانی لێدوانێكیدا بۆ تەلەڤزیۆنی ئەی بی سی ئەمریكی باسی لەوەكردوە "دەستبەجێ پاش چاكبونەوەی، بەشداری لە پرۆگرامێكی چینیدا كردوە كە تایبەت بوە بە دۆزینەوەی هاوڕێ لە رەگەزی بەرامبەر و بەهۆی ئەو پرۆگرامەوە ئێستا لەگەڵ خانمە پارێزەرێكی بە رەگەز چینیدا پەیوەندی خۆشەویستیان هەیە".

بەپێی وتەكانی دایك و باوكی مكماهۆن، لەكاتێكدا هاتوەتەوە هۆشخۆی، بە تەواوی بە زمانی چینی دواوە، ئەوەش بوەتە جێی ترس بۆ دایك و باوكی و وا بیریانكردوەتەوە چیدی ناتوانن بە زمانەكەی خۆیان لەگەڵ كوڕەكەیاندا بدوێن.

ئەو گەنجە ئوسترالیە یەكێك بوە لە 10 هاوڵاتی ئوسترالی كە  لە ساڵی رابردودا بە مەبەستی بەشداریكردن لە پرۆگرامە چینیەكەدا سەردانی هەرێمی ژیانگسو-یان كردوە لە چین.

 پێشتر و لە خوێندنگەی ناوەندیدا مكماهۆن ماوەیەك لە چین ماوەتەوە، بەڵام تەنانەت پاش دەرچونی لە خوێندنگە هێندە بە پاراوای نەیتوانیوە بە چینی بدوێت، لەكاتێكدا پاش روداوەكە بە تەواوی بەو زمانە دواوە.

لە ئێستادا هەریەك لە مكماهۆن و فێنگ گوۆ، لە پەیوەندی خۆشەویستیدان، بەڵام هەریەكێكیان لە وڵاتەكەی خۆیاندان و چاوەڕێن تا بەیەكدی شادبنەوە.

نیشانەکردن :

#جۆراوجۆر

Copyright © 2016 Xendan.org all rights reserved

designed and developed by AVESTA GROUP