نرخی نەوت زیاتر بەرزدەبێتەوە

- 2/6/2020 2:14:00 PM 943 جار خوێندراوەتەوە

خەندان - 

بۆ ماوەی دو رۆژە نرخی نەوت لەبازارەکانی جیهاندا بەبەردەوامی لەبەرزبونەوەدایە، ئەمەش بەهۆی تاوتوێکردنی پرسی کەمکردنەوەی هەناردەی 500 هەزار بەرمیل نەوتی رۆژانە لەلایەن وڵاتانی ئۆپیک و زیادبونی ئەگەرەکان لەبارەی دۆزینەوەی چارەسەر بۆ ڤایرۆسی کۆرنا، کە لەوڵاتی چیندا بەشێوەیەکی مەترسیداربڵاوبوەتەوە.

 نرخی نەوتی خاوی برێنت 43 سەنت زیادیکردوە لەدوایین مامەڵەدا بە 55.71 دۆلار مامەڵەی پێوەکراوە

بەپێی ئاژانسی هەواڵی رۆیتەرز، ئەمڕۆ سێشەممە نرخی نەوتی خاوی برێنت 43 سەنت زیادیکردوە لەدوایین مامەڵەدا بە 55.71 دۆلار مامەڵەی پێوەکراوە، واتا بەڕێژەی لەسەدا 2.4 بەرزبوەتەوە.
نرخی نەوتی خاوی تەکساسی ئەمریکا 69 سەنت زیادیکردوە و بە 51.44 دۆلارمامەڵەی پێکراوە

لەهەمانکاتیشدا نرخی نەوتی خاوی تەکساسی ئەمریکا 69 سەنت زیادیکردوە و بە 51.44 دۆلارمامەڵەی پێکراوە، واتا بەڕێژەی لەسەدا 2.3 زیادیکردوە.

ماوەی سێ هەفتەیە کۆمپانیا فڕۆکەوانییەکانی جیهان گەشتە ئاسمانییەکانیان بۆ وڵاتی چین راگرتوە، بەهۆی بڵاوبونەوەی ڤایرۆسی کوشندەی کۆرۆنا لەو وڵاتەدا، کە تا ئێستا بەهۆیەوە 563 کەس گیانیانلەدەستداوە، هاوکات بەهۆیەوە گەشەسەندنی بازاڕە ئابورییەکانی چین، کە دوەم گەورەترین وڵاتی جیهانە لەروی ئابورییەوە وەستاوە و خواست لەسەر بەرهەمی نەوتی خاو کەمیک

2ی ئەم مانگە بانکی ناوەندی چین لە راگەیەندراوێکدا بڵاویکردەوە، بڕی 174 ملیار دۆلار دەخاتە بازاڕەوە، بەمەبەستی بەرەنگاربونەوەی ڤایرۆسی کۆرۆنا لە وڵاتدا، هەروەها بڕی 156 ملیار دۆلاریش تەرخاندەکات بۆ پاڵپشتی لە بوژانەوەی کەرتی ئابوری وڵاتەکەی، کە بەهۆی بڵاوبونەوەی ڤایرۆسەکەوە زیانی زۆری بەرکەوتوە.


Copyright © 2016 Xendan.org all rights reserved

designed and developed by AVESTA GROUP