هەواڵی ئەمڕۆ

بەهۆی گرانفرۆشتنی غازی ماڵان چوار دوکان لە سلێمانی دادەخرێن

- 1/29/2020 4:28:00 PM 1279 جار خوێندراوەتەوە

خەندان-
 قائیمقامیەتی سلێمانی رایگەیاند، بەهۆکاری شاردنەوە و گران فرۆشتنی غازى ماڵان، لیژنە هاوبەشەکانییان چوار دوکانیان داخستوە.

قائیمقامیەتی سلێمانی لە راگەیەندراوێکدا رونیکردوەتەوە، "لەئەنجامی بەدواداچونی لیژنە هاوبەشەکان بۆ ئەو دوکان و شوێنانەى غازى ماڵان دەشارنە یاخود بەگران دەیفرۆشن، لە شەقامی مامە ریشە چوار دوکانى غاز فرۆشتن داخراون".

 

شارى سلێمانی لەروى کەمییەت و نرخەوە کێشە بۆ غاز دروست نەبوە



ئەوەش هاتوە، "کارگەکانی غازى ماڵان و تاک فرۆشەکانی ئاگادار کراونەتەوە، لە شارى سلێمانی لەروى کەمییەت و نرخەوە کێشە بۆ غاز دروست نەبوە، هەرشوێنێک غاز بشارێتەوە یاخود بە گرانتر لە نرخی ئاسایی خۆى بیفرۆشێت روبەروى داخستن دەبێتەوە".

 

خاوەنی ئەو دوکانانە روبەروی رێکاری یاسایی دەبنەوە


ئەوەش خراوەتەڕو، ئەو غازەى لەلایەن دوکاندارەکان شاردرابونەوە بە نرخی ئاسایی کە حەوت هەزار و 500دینارە بەسەر هاڵاتیاندا دابەش کراوەتەوە، خاوەنی ئەو دوکانانەش روبەروی رێکاری یاسایی دەبنەوە.



Copyright © 2016 Xendan.org all rights reserved

designed and developed by AVESTA GROUP