بەپەلە

پۆلیسی راپه‌ڕین: مێردمنداڵێك بە M4 کۆتایی بەژیانی خۆیهێنا

- 1/29/2020 2:35:00 PM 11943 جار خوێندراوەتەوە

خەندان-

به‌ڕێوه‌به‌رایه‌تی پۆلیسی ڕاپه‌ڕین رایگەیاند، پێش نیوه‌ڕۆی ئه‌مڕۆ ته‌رمی مێردمنداڵێك گه‌یه‌ندرایه‌ نه‌خۆشخانه‌ی گشتی قه‌ڵادزێ كه‌ به‌چه‌كی جۆری M4 کۆتایی بەژیانی خۆیهێناوە.

به‌ڕێوه‌به‌رایه‌تی پۆلیسی ڕاپه‌ڕین لە راگەیەندراوێکدا رایگەیاندوە، "پێش نیوه‌ڕۆی ئه‌مڕۆ ته‌رمی مێردمنداڵێك به‌ناوی ( س . ع . س ) ته‌مه‌ن 16 ساڵ، پیشه‌ی قوتابی، دانیشتوی ناحیه‌ی ژاراوه‌ سه‌ر به‌ قه‌زای پشده‌ر قه‌ڵادزێ گه‌یه‌ندرایه‌ نه‌خۆشخانه‌ی گشتی قه‌ڵادزێ، كه‌ به‌چه‌كی جۆری M4 لە ماڵی خۆیاندا خۆی كوشتوه‌".

ئاماژەی بەوەشکردوە، ئەو مێردمنداڵە شوێنه‌واری سێ گولـلـه‌ به‌ سه‌ریه‌وه‌ هه‌بوه‌، پاش توێكاری بۆ لاشه‌كه‌ی ڕاده‌ستی كه‌سوكاری كرایه‌وه‌.

به‌ڕێوه‌به‌رایه‌تی پۆلیسی ڕاپه‌ڕین باسی لەوەکردوە، "دوابه‌دوای ڕوداوه‌كه‌ش ده‌ستبه‌جێ تیمه‌كانی به‌ڵگه‌و تاوانی پشده‌ر چونه‌ته‌سه‌ر شوێنی مەبەست و ده‌ستیش گیراوه‌ به‌سه‌ر چه‌كی به‌كارهاتو، تائێستا هۆكاری روداوه‌كه‌ نه‌زانراوه‌، دۆسیه‌ی لێكۆڵینه‌وه‌ بۆ ڕوداوه‌كه‌ ڕێكخراوه‌ و لێكۆڵینه‌وه‌ش به‌رده‌وامه‌".


Copyright © 2016 Xendan.org all rights reserved

designed and developed by AVESTA GROUP