بەپەلە

تورکیا هاوڵاتیانی خۆی لەشاری وهانی چین دەکێشێتەوە

- 1/29/2020 2:20:00 PM 570 جار خوێندراوەتەوە

خەندان-

باڵیۆزی تورکیا لەچین رایگەیاند، وڵاتەکەی بڕیاریداوە تەواوی هاوڵاتیانی تورکی لەشاری وهانی چین بکێشێتەوە.

بەپێی هەواڵێکی ئاژانسی رۆیتەرز، پاش ئەوەی رێژەی گیانلەدەستدان بەهۆی نەخۆشی ڤایرۆسی کۆرۆنا گەشتە 132 کەس، ئەمڕۆ چوارشەممە باڵیۆزی چین لەتورکیا رایگەیاندوە کە تەواوی هاوڵاتییەکانی خۆیان کە ژمارەیان 32 کەسە، لەشاری وهانی چین دەگێڕنەوە بۆ وڵاتەکەی خۆیان.

رێکخراوی تەندروستی جیهانی بڵاویکردەوە کە باوەڕی تەواویان بەوە هەیە کە چین لەتوانایدایە کۆنترۆڵی نەخۆشی کۆرۆنا بکات، بەڵام ئەی جێگای نیگەرانی و دودڵی ئەوانە ئەوەیە ژمارەی توشبوان لە 1459 حاڵەتەوە بەشێوەیەکی سەرسوڕهێنەر بەرزبوەتەوە بۆ 5974 حاڵەت.

هەریەک لە ویلایەتە یەکگرتوەکانی ئەمریکا و ژاپۆن تەواوی هاوڵاتیانی خۆیان لەشاری وهانی چین کشاندەوە.

باڵیۆزی تورکیا راشیگەیاندوە، هیچکام لەو 32 هاوڵاتییەی تورکیا کە لەچینن توشبوی ڤایرۆسەکە نین، بەڵام هەمو ئامادەکارییەک کراوە کە بەزوترین کات بیانگێڕنەوە ناو خاکی وڵاتەکەیان.

نیشانەکردن :

#ڤایرۆسی کۆرۆنا

Copyright © 2016 Xendan.org all rights reserved

designed and developed by AVESTA GROUP