بەپەلە

ژمارەی هەڵگرانی ڤایرۆسی کۆرۆنا لە ئەڵمانیا گەیشتە چوار کەس

- 1/29/2020 1:49:00 PM 5431 جار خوێندراوەتەوە

خەندان-

ئەڵمانیا توشبونی سێ کەسی دیکەی بە ڤایرۆسی کۆرۆنا پشتراستکردەوە، بەوەش ژمارەی توشبوان لەو وڵاتە گەیشتە چوار کەس.
پشتراستکردنەوەی سێ حاڵەتی دیکەی راگەیاند

دوای ئەوەی دوێنێ، وه‌زاره‌تی ته‌ندروتسی میونشن-ی ئه‌ڵمانیا رایگه‌یاند، یه‌كه‌م حاڵه‌تی توشبون به‌ڤایرۆسی كۆرۆنای له‌ وڵاتەکە تۆماركراوه‌، ئەمرۆ پشتراستکردنەوەی سێ حاڵەتی دیکەی راگەیاند.
 هەر سێ کەسەکە پەیوەندی کۆمەڵایەتیان لەگەڵ یەکەم حاڵەتی پشتراستکراوە هەیە

دۆچەڤێلەی ئەڵمانی لە راپۆرتێکیدا بڵاویکردوەتەوە، سێ حاڵەتی دیکە بە توشبون بە ڤایرۆسی کۆرۆنا لە ئەڵمانیا پشتراستکراوەتەوە، هەر سێ کەسەکە "پەیوەندی کۆمەڵایەتیان لەگەڵ یەکەم حاڵەتی پشتراستکراوە هەیە" و دانیشتوی باڤاریان.
پێشبینی دەکرێت یەکەم هەڵگری ڤایرۆسەکە لە ئەڵمانیا لە هاوڵاتییەکی چینیەوە بۆی گوازرابێتەوە

ئاماژە بەوەشدراوە، پێشبینی دەکرێت یەکەم هەڵگری ڤایرۆسەکە لە ئەڵمانیا لە هاوڵاتییەکی چینیەوە بۆی گوازرابێتەوە، بەوپێەی ناوبراو لە ورکشۆپێکدا بەرکەوتنی لەگەڵ هاوڵاتیەکە چینیەکە هەبوە.

لێپرسراوانی تەندروستی باڤاریا ئەوەشیان خستوەتەڕو، لە ئێستادا پشکنین بۆ سەرجەم بەشداربوانی ئەو ورکشۆپە و ئەندامانی خێزانی و هاوڕێیانی یەکەم توشبوی ئەڵمانیا دەکرێت کە لەماوەی هەفتەکانی رابردودا بەرکەوتنی لەگەڵیاندا هەبوە.

هاوکات، زانایانی وڵاتی چین رایدەگەیەنن، دۆزینەوەی چارەسەر بۆ ڤایرۆسی کۆرۆنا، نزیکی سێ مانگ دەخایەنێت، ئەوەش لەکاتێکدایە توشبوانی ڤایرۆسەکە لەو وڵاتەدا بەرزبوەتەوە بۆ نزیکەی شەش  هەزار حاڵەت  و 130 توشبو گیانیان لەدەستداوە.


نیشانەکردن :

#ڤایرۆسی کۆرۆنا

Copyright © 2016 Xendan.org all rights reserved

designed and developed by AVESTA GROUP