ڤیدیۆ؛ فڕۆكه‌یه‌كی ئێرانی له‌ رێڕه‌وی خۆی ده‌رده‌چێت و لەسه‌ر شه‌قامێك دەنیشێتەوە

- 1/27/2020 10:26:00 AM 6490 جار خوێندراوەتەوە

خەندان-

میدیاکانی ئێران ڤیدیۆی فڕۆکەیەکی ئێرانیان بڵاوکردەوە، کە لە رێڕەوی خۆی دەرچوە و چوەتە سەر شەقامێکی گشتی، ئەوەش دوای ئەوەی لە رێگادا بوە بۆ ماهشه‌هر.

ئاژانسی هه‌واڵی فارس نیوز بڵاویکردەوە، فڕۆکەیەکی هێڵی كاسپیان (قه‌زوین) له‌ کاتی گه‌ڕانه‌وه‌یدا له‌ ماهشه‌هر له‌ رێڕه‌وی فڕگه‌ ده‌رچوه‌ و چوه‌ته‌ سەر شه‌قامێكی سه‌ره‌كی.

ئاماژەی بەوەشکردوە، هەرچەندە فڕۆکەکە ژمارەیەک سەرنشین تیایدا بوە بەڵام هیچ یەکێک لە سەرنشینەکان زیانیان پێنەگەیشتوە و دوای نیشتنەوەی لەسەر زەوی سەرنشینەکان دابەزیون.

رەزا جەعفەرزادە، وتەبێژی رێکخراوی فڕۆکەوانیی ئێران لەبارەی روداوەکەوە رایگەیاندوە، فڕۆکەکە لە جۆری بۆینگی MD سەر بە کۆمپانیای کاسپیەن بوە و ژمارەیەک گەشتیاری هەڵگرتوە.

باسی لەوەشکردوە، روداوەکە کاتژمێر 7:50 خولەکی بەیانی ئەمڕۆ دوشەممە رویداوە کاتێک فڕۆکەکە گەڕاوەتەوە بۆ ماهشەهر.


Copyright © 2016 Xendan.org all rights reserved

designed and developed by AVESTA GROUP