بەهۆی ڤایرۆسی کۆرۆناوە نرخی نەوت بەڕێژەیەکی بەرچاو دادەبەزێت

- 1/27/2020 10:13:00 AM 2657 جار خوێندراوەتەوە

خەندان -

بەهۆی بەرزبونەوەی ژمارەی توشبوانی ڤایرۆسی کۆرۆنا لەجیهاندا، ترس و نیگەرانییەکان لە جیهاندا زۆر زیادیکردوە، بەوەش خواست لەسەر نەوتی خاو کەمبوەتەوە، لەئەنجامدا نرخەکەی بەڕێژەی زیاتر لەسەدا دو دابەزی.
نرخی نەوتی خاوی برێنت 1.36 دۆلار دابەزیوە لە دوایین مامەڵەدا بە 59.33 دۆلار بۆ هەر بەرمیلێک مامەڵەی پێوەکراوە

 

بەپێی ئاژانسی هەواڵی رۆیتەرز، ئەمڕۆ دوشەممە نرخی نەوتی خاوی برێنت 1.36 دۆلار دابەزیوە لە دوایین مامەڵەدا بە 59.33 دۆلار بۆ هەر بەرمیلێک مامەڵەی پێوەکراوە، واتا بەڕێژەی %2.2 نزمبوەتەوە. 
نرخی نەوتی خاوی تەکساسی ئەمریکا 1.3 دۆلار دابەزیوە و بە 52.89 دۆلار بۆ هەر بەمیلێک مامەڵەی پێکراوە

 

لە هەمانکاتیشدا نرخی نەوتی خاوی تەکساسی ئەمریکا 1.3 دۆلار دابەزیوە و بە 52.89 دۆلار بۆ هەر بەمیلێک مامەڵەی پێکراوە، واتا بەرێژەی 2.4%  نزمبوەتەوە.

شازادە عەبدولعەزیز بن سەلمان ئال سعود، وەزیری وزەی سعودیە رایگەیاند، "بە وردی چاودێری پێهاتەکانی چین دەکات، لەو بڕوایەدایە ڤایرسەکە بەزویی دەپوکێتەوە.
ڤایرۆسی کۆرۆنا وایکردوە ئەو پێشبینیانەی لەبارەی گەشەسەندنەکانی بازاڕی ئابوری دەکرێت زۆرینەیەیان نەرێنی بێت

 

ئاماژەی بەوەشکرد، "ڤایرۆسی کۆرۆنا وایکردوە ئەو پێشبینیانەی لەبارەی گەشەسەندنەکانی بازاڕی ئابوری دەکرێت زۆرینەیەیان نەرێنی بێت، بەمەش خواست لەسەر نەوتی خاو سنورداکراوە".

لەگەڵ بەهێزبونی توانای بڵاوبونەوەی ڤایرۆسەکە بەجیهاندا، نرخی نەوت لەبازارەکاندا کەمتر دەبێتەوە، ئەمە سەرەڕای ئەو زیانە گەورەیەیی بەهۆی داخستنی بازاڕەکانی ئاسیا لە پشوی ساڵی نوێدا کە بە بازاڕەکانی ئابوری جیهان کەوتوە.

ئەمیر عەبدولعەزیز باسی لەوەشکردوە، "لەساڵ 2003دا لەکاتی بڵاوبونەوەی ڤایرۆسی سارس لەچین، نیگەرانییەکانی بازاڕی ئابوری کاریگەری لەسەر ئاستی خواست لەسەر ئەم بەرهەمە هەبوە، بەڵام بەڕێژەی ئێستا نا".

نیشانەکردن :

# نەوت #ڤایرۆسی کۆرۆنا

Copyright © 2016 Xendan.org all rights reserved

designed and developed by AVESTA GROUP