گۆڕان داوا لە لایەنە پەیوەندیدارەکانی تورکیا دەکات زو فریای لێقەوماوانی باکوری کوردستان بکەون

- 1/26/2020 8:20:00 AM 1205 جار خوێندراوەتەوە

خەندان-
 
بزوتنەوەی گۆڕان داوا لە لایەنە پەیوەندیدارەکانی تورکیا دەکات زو فریای لێقەوماوانی باکوری کوردستان بکەون، کە بەهۆی بومەلەرزەکەی ئێوارەی رۆژی هەینییەوە بونەقوربانی.

بزوتنەوەی گۆڕان لە راگەیەندراوێکدا رایگەیاندوە، "بەداخێکی زۆرەوە بەهۆی بومەلەرزەکەی شاری خارپێتی باکوری کوردستانەوە چەندین کەس گیانیان لەدەستدا و سەدانیش بریندار و زەرەرمەندبون".
 
بزوتنەوەکە هاوخەمیی بۆ خەڵکی باکوری کوردستان و بەتایبەت کەسوکاری قوربانیان دەربڕیوە و باسی لەوەشکردوە، "داوا لە لایەنە پەیوەندیدارەکانی دەوڵەت دەکەین، زو فریایی لێقەوماوان بکەون".
 
کاتژمێر 8:55 خولەکی شەوی هەینی بومه‌له‌رزه‌یه‌ك به‌ گوڕی 6.8 پله‌ بەپێوەری رێختەر شارۆچكه‌ی سیڤیرجه‌ی هه‌ژاند، کە قوڵاییەکەی 6.75 كیلۆمه‌تر له‌ نێو زه‌ویدا رویداوه‌ و تا ئێستاش لانیکەم 29 کەس گیانیان لەدەستداوە، زیاتر لە 40 کەس لەژێر داروپەردو رزگارکراون و زیاتر لە هەزار کەسیش برینداربون.



Copyright © 2016 Xendan.org all rights reserved

designed and developed by AVESTA GROUP