وەزیری ناوخۆی تورکیا نوێترین ئاماری قوربانیانی بومەلەرزەکەی باکوری کوردستانی راگەیاند

- 1/25/2020 11:55:00 AM 8858 جار خوێندراوەتەوە

خەندان-

وەزیری ناوخۆی تورکیا رایگەیاند، بەهۆی بومەلەرزەکەی شەوی رابردوەوە 22 کەس گیانیان لەدەستداوە و 1330 کەسی دیکەش برینداربون.

کاتژمێر 8:55 خولەکی شەوی رابردو بومه‌له‌رزه‌یه‌ك به‌ گوڕی 6.8 پله‌ بەپێوەری رێختەر شارۆچكه‌ی سیڤیرجه‌ی هه‌ژاند، کە قوڵاییەکەی 6.75 كیلۆمه‌تر له‌ نێو زه‌ویدا رویداوه‌.
بەهۆی بومەلەرزەکەی شەوی رابردوەوە 22 کەس گیانیان لەدەستداوە و 1330 کەسی دیکەش برینداربون

 

سولەیمان سۆیلو، وەزیری ناوخۆی تورکیا لە کۆنگرەیەکی رۆژنامەوانیدا رایگەیاند،  بەهۆی بومەلەرزەکەی شەوی رابردوەوە 22 کەس گیانیان لەدەستداوە و 1330 کەسی دیکەش برینداربون، بەڵام هیچ زیانێک بە بەندینخانەی ئەدیمان نەگەیشتوە.
لەناوچەکانی رودانی بومەلەرزەکە باری نائاسایی راگەیەندراوە و شەوی رابردوش دوای روداوەکە هاوکاری پێویست رەوانەی ناوچەکە کراون

 

ئاماژەی بەوەشکرد، لەناوچەکانی رودانی بومەلەرزەکە باری نائاسایی راگەیەندراوە و شەوی رابردوش دوای روداوەکە هاوکاری پێویست رەوانەی ناوچەکە کراون.

وەزیری ناوخۆی تورکیا ئاماژەی بۆ بەردەوامی ھەوڵەکان بۆ دۆزینەوە و رزگارکردنی بێسەروشوێنان کرد و وتی، "لەژێر داروپەردوەکاندا دەنگی چوار کەسمان بیست، یەکێکیان رزگار کرا و ھەوڵەکانیش بۆ رزگار کردنی سێ کەسەکەی دیکە بەردەوامن".


Copyright © 2016 Xendan.org all rights reserved

designed and developed by AVESTA GROUP