بەپەلە

ژمارەی ئەو کەسانەی بەهۆی ڤایرۆسی کۆرۆناوە گیانیانلەدەستداوە گەیشتە 41 کەس

- 1/25/2020 11:13:00 AM 1751 جار خوێندراوەتەوە

خەندان- 

14 کەسی دیکە بەهۆی ڤایرۆسی کۆرۆنا لەچین گیانیانلەدەستدا، بەوەش تا ئێستا 41 کەس بەهۆی ئەو ڤایرۆسەوە مردون و ژمارەی توشبوانی ڤایرۆسەکە گەیشتوەتە هەزار و 300 کەس.

بەپێی ئاژانسی هەواڵی رۆیتەرز، تا ئێستادا ژمارەی توشبوانی ڤایرۆسی کۆرۆنا گەیشتوەتە هەزار و 300 کەس لەجیهاندا، کە سەرەتاکەی لە بازاڕێکی فرۆشتنی خواردنە دەریایەکان لەشاری وهانی چینەوە سەریهەڵدا.
پزیشکێکی تەمەن 62 ساڵان کە چارەسەری نەخۆشی دەکرد لە شاری وهان بەهۆی توشبون بە ڤایرۆسی کۆرۆناوە گیانی لەدەستدا

 

تەلەفزیۆنی فەرمی چین بڵاویکردەوە، پزیشکێکی تەمەن 62 ساڵان کە چارەسەری نەخۆشی دەکرد لە شاری وهان بەهۆی توشبون بە ڤایرۆسی کۆرۆناوە گیانی لەدەستدا.
وهان کە شارێکە دانیشتوانەکەی 11 ملیۆن کەس دەبێت، لە رۆژی 23ی ئەم مانگەوە هەمو گەشتە زەمینی و ئاسمانییەکانی خۆی راگرت

 

وهان کە شارێکە دانیشتوانەکەی 11 ملیۆن کەس دەبێت، لە رۆژی 23ی ئەم مانگەوە هەمو گەشتە زەمینی و ئاسمانییەکانی خۆی راگرت بەمەستی رێگریکرن لە بڵاوبونەوەی ژایرۆسەکە بەجیهاندا.

حاڵەتی توشبو بە ڤایرۆسەکە لە هەریەکە لە ویلایەتە یەکگرتوەکانی ئەمریکا، تایلاند، ڤێتنام، سەنگافورە، ژایۆن، کۆریای باشور، تایوان، نیپاڵ، مالیزیا، و هەرێمی هۆنگ کۆنگ و فڕەنسا و ئوستڕالیا دۆزراوەتەوە.

لە هەریەک لە ئوسترالیاو مالیزیا ئەمڕۆ یەکەم حاڵەتی توشبو بەو نەخۆشیە راگەیەندرا.
تا ئێستا 62 حاڵەتیان هەیە کە گومانی ئەوەیان لێدەکرێت هەڵگری ڤایرۆسەکە بن، دو حاڵەتیان پشتڕاستکراونەتەوە

 

ناوەندە تەندروستییەکانی ئەمریکا رایانگەیاندوە، تا ئێستا 62 حاڵەتیان هەیە کە گومانی ئەوەیان لێدەکرێت هەڵگری ڤایرۆسەکە بن، دو حاڵەتیان پشتڕاستکراونەتەوە.

هەرچەندە بەهۆی بڵاوبونەوەی ئەو ڤایرۆسە لە وڵاتی چین رەوشی نا ئاسایی راگەیەندراوە، بەڵام رێکخراوی تەندروستی جیهانی رایگەیاند، رێژەی بڵاوبونەوەی چایرۆسەکە نەگەیشتوەتە ئاستی راگەیاندنی رەوشی نائاسایی نێودەوڵەتی.

نیشانەکردن :

#ڤایرۆسی کۆرۆنا

Copyright © 2016 Xendan.org all rights reserved

designed and developed by AVESTA GROUP