بەهۆی هێرشێکەوە 15 خۆپیشاندەر لەلوبنان برینداربون

- 1/24/2020 3:08:00 PM 1034 جار خوێندراوەتەوە

خەندان-

بەهۆی هێرشێکی چالاکوانانی بزوتنەوەی ئەمەل بۆسەر خۆپیشاندەران لەلوبنان، 15 خۆپیشاندەر برینداربون.

بەپێی هەواڵێکی سکای نیوز، ئەمڕۆ هەینی خۆپیشاندانەکانی بەیروتی پایتەختی لوبنان بەردەوامبوە و چالاکوانانی بزوتنەوەی ئەمەل هێرشێکیان کردۆتە سەر خۆپیشاندەران و بەهۆیەوە 15 خۆپیشاندەر برینداربون.
سوپای ئەو وڵاتە هاتۆتە ناوەوە و رێگری لەتوندوتیژی زیاتر کردوە

میدیاکانی لوبنان بڵاویانکردەوە، سوپای ئەو وڵاتە هاتۆتە ناوەوە و رێگری لەتوندوتیژی زیاتر کردوە.

لەسەرەتای هەفتەی رابردوەوە خۆپیشاندان و ناڕەزایەتییەکانی لوبنان بەردەوامە، پاش راگەیاندنی سەرۆک وەزیرانی نوێش خۆپیشاندەرانی رازینەکرد و تائێستاش ناڕەزایەتییەکان بەردەوامە.

لەوچوارچێوەیەشدا، وەزیری دارایی نوێی لوبنان هۆشداریدا ئەگەر قەیرانەکانی ئەو وڵاتە بەردەوامبێت، ئەوا توشی مایەپوچی دەبن.

باڵیۆزی فرەنساش لەلوبنان هۆشداری داوەتە حکومەتی ئەو وڵاتە کە دەبێت کابینەی حکومەتی نوێ هەنگاوی بەپەلە بنێت بۆ چارەسەرکردنی قەیرانی دارایی وڵاتەکەی.

نیشانەکردن :

#لوبنان

Copyright © 2016 Xendan.org all rights reserved

designed and developed by AVESTA GROUP