بەپەلە

ئۆپێک کەمکردنەوەی هەناردەی نەوت تا کۆتایی ئەمساڵ تاوتوێدەکات

- 1/24/2020 2:18:00 PM 807 جار خوێندراوەتەوە

خەندان-

سەرچاوەیەکی نزیک لەرێکخراوی ئۆپێک رایگەیاند، لەئێستادا رێکخراوەکە تاوتوێی بەردەوامیدان بەکەمکردنەوەی هەناردەکردنی نەوت دەکەن تا کۆتایی ئەمساڵ.

بەپێی هەواڵێکی ئاژانسی تاس نیوزی روسی، سەرچاوەیەک لە رێکخراوی ئۆپێک رایگەیاندوە، لەئێستادا تاوتوێی بەردەوامیدان بەکەمکردنەوەی هەناردەکردنی نەوت دەکەن تا کۆتایی ئەمساڵ.
گفتوگۆکانی رێکخراوەکە بۆ درێژکردنەوەی ماوەی بەردەوامیدان بەکەمکردنەوەی بڕی هەناردەکردنی نەوت لەقۆناغەکانی سەرەتادایە

ئەو سەرچاوەیە راشیگەیاندوە، بەڵام گفتوگۆکانی رێکخراوەکە بۆ درێژکردنەوەی ماوەی بەردەوامیدان بەکەمکردنەوەی بڕی هەناردەکردنی نەوت لەقۆناغەکانی سەرەتادایە.
رێکخراوەکە لەمانگی ئاداری داهاتو بۆ تاوتوێکردنی ئەو بابەتە کۆدەبێتەوە، بەهەمەمان شێوە لەمانگی حوزەیرانیش کۆبونەوەیەکی دیکە ئەنجامدەدات

ئاشکراشیکرد، رێکخراوەکە لەمانگی ئاداری داهاتو بۆ تاوتوێکردنی ئەو بابەتە کۆدەبێتەوە، بەهەمەمان شێوە لەمانگی حوزەیرانیش کۆبونەوەیەکی دیکە ئەنجامدەدات.

ساڵی رابردو، رێکخراوی ئۆپێک و حکومەتی روسیا بەمەبەستی کۆنترۆڵکردنی نرخی نەوتی خاو، بڕیاری کەمکردنەوەی بڕی هەناردەکردنی نەوتیان دا و تائێستاش بەردەوامە.

نیشانەکردن :

#ئۆپیك

Copyright © 2016 Xendan.org all rights reserved

designed and developed by AVESTA GROUP