بەپەلە

پۆلیسی راپه‌ڕین: ته‌رمی گه‌نجێك گه‌یه‌ندراوه‌تە نه‌خۆشخانه‌

- 1/23/2020 8:41:00 PM 13092 جار خوێندراوەتەوە

خەندان-

وته‌بێژی پۆلیسی راپه‌ڕین رایگه‌یاند، ئەمشەو ته‌رمی گه‌نجێك گه‌یه‌ندراوه‌تە نه‌خۆشخانه‌ی رانیه‌و پێده‌چێت ئه‌و گه‌نجه‌ "خنکا بێت".

شۆڕش ئیسماعیل، وته‌بێژی پۆلیسی راپه‌ڕین به‌خه‌ندان-ی راگه‌یاند، "ئەمشەو ته‌رمی گه‌نجێك گه‌یه‌ندراوه‌ته‌ نه‌خۆشخانه‌ی رانیه‌، کە له‌چوارقوڕنه‌ دۆزراوه‌ته‌وه‌ و پێده‌چێت خنکا بێت".

بەڕێوەبەرایەتی پۆلیسی راپەڕین لە راگەیەندراوێکدا رایگەیاندوە، "کاتژمێر 6:50 خولەکی ئێوارەی ئەمڕۆ تەرمی هاوڵاتییەک بەناوی ( ڕ،ق،ێ ) تەمەن 30 ساڵ کە پیشەکەی کارمەندی تەندروستی نەخۆشخانەی رانیەیە و دانیشتوی ناحیەی چوارقوڕنەیە گەیەنرایە پزیشکی دادوەری رانیە، کە شوێنەواری برینی پەت بە ملیەوە هەبوه".

ئاماژەی بەوەشکردوە، "دوای ئەوەی هێزەکانمان لە بنکەی پۆلیسی چوارقوڕنە و تیمەکانی بەڵگەکانی تاوان گەشتنە شوێنی روداوەکە و لە شوێنی روداوەکە دەرخستەی تاوانکاری دەستی بەسەردا گیرا، ڕێکاری یاسایی گیرایە بەر، بە وتەی کەسوکاری، ناوبراو نەخۆشی دەرونی هەبوە و لە ماڵەکەی خۆیان خۆی بەپەت هەڵواسیوە و بەو هۆیەشەوە گیانی لەدەستداوە".

بەڕێوەبەرایەتی پۆلیسی ڕاپەڕین رونیکردەوە، دوای ئەنجامدانی توێکاری پزیشکی بۆ تەرمەکەی، رادەستی کەسوکاری کرایەوە، مەلەفی لێکۆڵینەوە بۆ روداوەکە کرایەوە و بۆ زانینی هۆکاری راستەقینەی ڕوداوەکە لێکۆڵینەوە لە ڕوداوەکە بەردەوامە.


Copyright © 2016 Xendan.org all rights reserved

designed and developed by AVESTA GROUP