ئاگر لە بازاڕی قوماشفرۆشانی دهۆك كەوتەوە

- 1/20/2020 11:15:00 PM 4772 جار خوێندراوەتەوە

خەندان-

درەنگانی ئەمشەو، ئاگر لە بازاڕی قوماشفرۆشانی دهۆك كەوتەوە و بەهۆی كۆنتڕۆڵكردنی ئاگرەكەوە چوار كارمەندی بەرگری شارستانی توشی حاڵەتی تەنگەنەفەسی بون.

بێوار عەبدولعەزیز، وتەبێژی پۆلیسی بەرگری شارستانی دهۆك بە خەندان-ی راگەیاند،"لە 9٪ی ئاگرەكە كۆنتڕۆڵكراوە و لەئێستادا هێزەكانی بەرگری شارستانی لە هەوڵی كۆنتڕۆڵكردنی ئاگرەكەدان".

سەبارەت بە هۆكاری كەوتنەوەی ئاگرەكە وتی،"لەبەر ئەوەی روداوەكە بەشەو بوە نازانین هۆكارەكەی چی بوە و دەبێت لیژنەی بۆ دروستبكرێت و هۆكاری كەوتنەوەی ئاگرەكە و زیانەكانی ئاشكرابكرێت".

دەربارەی زیانە گیانییەكانی وتی،"چوار كارمەندی بەرگری شارستانی دهۆك بەهۆی دوكەڵی ئاگرەكەوە توشی تەنگەنەفەسی بون و لەئێستادا تەندروستیان بەرەو باشی دەچێت و خۆشبەختانە هیچ كەسێكی دیكە بریندارنەبوە".



Copyright © 2016 Xendan.org all rights reserved

designed and developed by AVESTA GROUP